هو أنا ذكي ولا لأ؟ من الآخر لو عندك الصفات دى اعرف أنك إنسان ذكى جداً
أغلبنا بيعتبر الـ إنسان ذكى أنه شخص عنده قدرات خاصة وبيعرف يتعامل مع المشاكل بسهولة أكتر من الناس العادية. وفي الحقيقة الموضوع مختلف شويه، لأن مهما كان نسبة ذكاء حد فهـو في النهاية بنى آدم زيه زيك.
الفرق إن الناس الأذكيا بيكافحوا وبيواجهوا مشاكل تانية غير الى بيواجها الباقى، وبيكون الموضوع برضه صعب بالنسبالهم. وكمان بييقى في مشكلة أكبر هي أنهم بيحسوا دايما بالوحدة لأن مفيش حد فاهمهم وبالتالي محدش حاسس بمشاعرهم. لو عندك الصفات دى أعرف أنك واحد منهم:
- الموضوعات العادية والبسيطة بتسببلك إرهاق:
ممكن يكون تحدى بالنسبالك أنك تشارك في حديث صغير في مواضيع عادية ، علشان دماغك بتبقى مشغولة بمواضيع أكبر . وغالبا المواضيع اللى بتهمك بتكون في مجالات العلوم والفن والفلسفة . و ده بيخليك تحس أنك بتضيع وقتك لما بتشارك في الكلام في مواضيع عادية وكل اللى بتبقى عايزه أنك تلاقى حد يكون تفكيره زيك علشان تقدروا تتكلموا فى الأفكار المشتركة مع بعض. - بتفكر أكتر ما بتتكلم:
بما إن مخك بيكون بيفكر على طول في الإجابات والحلول لللمشاكل فبالتالى بتاخذ وقت أكتر في أنك ترد من الشخص العادى ، كمان لو حسيت إنك مش هتضيف حاجة من كلامك ممكن تسكت ومتتكلمش خالص . المشكلة الى ممكن تواجهك إن الناس حواليك مش بيكونوا عارفين أنت ازاى بتفكر ويعتبروك غريب أو مثير بالنسبالهم أوممكن منطوى . - شغلك ممكن يسببلك ملل بسهولة:
احتياجك دايما لأفكار ومشاريع جديدة ممكن تخلى نظرتك لشغلك تتغير وتحس أنه شغل ممل ومفيهوش ابتكار . ويوم بعد يوم ممكن تحس بمعاناة أنك تكمل الشغل ، بس في الحالة دى مديرك مش هيبقى متعاطف معاك وهيبقى عايز الشغل يخلص بأى طريقة . - أحيانا ممكن يحصلك شلل أثناء الشغل:
بمعنى متبقاش عايز تشتغل ، لأن صعب جدا أنك تكون مبدع في عالم بيهتم بالفلوس والثروة أكتر من الأفكار العظيمة .وبما أنك بتحس أنك مستهلك بأفكار كتير، ممكن يكون عنك دافع أقل للشغل . للأسف الناس هتعتبر ده نوع من الكسل وبالتالي هتحس بعدم التقدير. - الناس هتصنفك أنك مش اجتماعى:
وغالبا ده بيجى نتيجة الصفات الى فاتت. لو بتحس أنك مش مرتاح في الكلام في الموضوعات العادية أو لو بتمتنع عن الكلام لو مكنتش متأكد من الى هتقوله ، مش بتحس بالإلهام من الأفكار القديمة والعادية ، أو لو كنت بترتاح أكتر للأفكار المبدعة أكتر من الأفكار التقليدية والعادية ، كل ده هيخلى الناس تعتبرك مش اجتماعى . - من الصعب أنك تقع في الحب بسهولة:
وأخيرا ، فرصة أنك تحب بتكون أقل من الأشخاص العادية ، لأنك هتكون غالبا أكتر دقة وتحليل حذر، كمان ممكن تكون بتفتقد للتلقائية وده هيأثر على الطرف التانى وممكن يخليه يفقد الاهتمام .
أيا كان صعوبة الى بتواجهه ، متسمحش لحد أنه يخليك متكملش وتطور من نفسك ، ودورك أنك تشتغل على أنك تعبر أكتر عن نفسك للناس علشان يقدروا يفهموك أكتر وتلاقوا أفكار مشتركة تجمعكوا .
