الخيال الجنسي بتاعك مش قلة أدب .. إفهم التفسير النفسي بتاعه وإعرف تتعامل معاه
أنا مش عايز أعمم عشان أحاول أبقى مؤدب على قد مأقدر، لكن أقدر أقول إن الخيال الجنسي أو الـ Sexual Fantasy موجود عند كتير قوي من الناس، سواء بيحبوا يتخيلوه، يتفرجوا عليه، أو يعملوه مع شريكهم. أنا أينعم قلت مش هأعمم، لكن ممكن عادي أصدمك وأقولك إن Psychology Today بتقول إن 90% من الستات عندهم Sex Fantasy ما.. ولو هي دي إحصائيات الستات فأنا مش محتاج مصدر خالص عشان أعرف النسبة كام عند الرجالة!
تحذير: المقال ده نوتي بس علمي.. يعني هانتكلم عن الـ Sexual Fantasy بتاعتك وإيه السبب وراها وهل هي حاجة كويسة ولا لأ وإزاي تتعامل معاها صح؟ لكن برضه هو مش مقال للدكتورة الموقرة علياء جاد عن فوائد شُرب الـ sperms والتحكم في طعمه ولا الأوضاع الجنسية للزوجة المهلبية. مش هانقدر نعلي عليها خالص الحقيقة حتى لو حاولنا.
المحتويــات
مبدئيًا إيه هي الـ Sexual Fantasy أو الخيال الجنسي
تعريف قاعدة القهوة: صاحبك اللي بيحب الآسيويات عشان غلابة في نفسهم ومُنكسرين، صاحبك التاني اللي بيحب Position غريب حبتين، صاحبك اللي بيتخيل Relation في الشغل (عالمكتب)، صاحبتك اللي بتتخيل الـ Threesome أو Sex on the beach أو الـ Public sex عامة.. صاحبك الأجريسيف وغيره من مُتابعي جروب سُعاد وهناء للألعاب الزوجية عالفيسبوك وغيرها بقى من الحاجات اللي فيها حاجات قد تبدو مشروعة، وحاجات غير مشروعة خالص يعني!
ده كان تعريف القهوة فـ طبيعي يبقى أجريسيف شوية لناس كتير.. وأنا مانكرش إن في ناس (وخليني أجاملك وأقولك: مش قليلين) عمرهم ما فكروا في الكلام ده.. فلو إنت من الناس دي وشايف إن الكلام ده أوفر قوي ومُبالغ فيه وقليل الأدب ويُحرض على الرزيلة.. مانصحكش خالص تقرا المقال لأنه مش ليك .. عشان ببساطة المقال موجه للشخص اللي عنده بالفعل Sexual Fantasy وعايز يفهمها ويفهم دوافعها ويفهم يتعامل معاها إزاي.
لازم تعرف برضه إن الـ Sexual fantasy ممكن يتراوح من مشهد اغتصاب (بكل مشتملاته وكلبشاته) وممكن يبقى مزيكا هاديه وشموع وممكن يبقى مُجرد تخيل إنك في علاقة مع حد شوفته مرة واحدة.. في كل الحالات ده خيال! عُنف الخيال ده وهدوءه وتقبلك ليه وتقبل اللي بتحكيله هايختلف باختلاف دماغه وثقافته.. إنما في الأول والآخر كل دي fantasies بتحصل غصب عننا.
نخش بقى على تعريف ويكيبيديا للخيال الجنسي
الخيال الجنسي هو صورة ذهنية أو نمط تفكير بيحرك النشاط الجنسي للشخص ويمكن يخلق الإثارة الجنسية (يعني يوجدها لو مش موجودة) أو يعززها (يعني يخليها أقوى). الخيال الجنسي ليه مصدرين: خيال الشخص أو ذاكرته، وممكن يشتغل تشغيله بشكل مستقل (لوحده كدة وإنت قاعد في أمان الله) أو عن طريق التحفيز الخارجي (شوفت حاجة فكرتك بيه)، أو الانجذاب الجنسي لشخص آخر (فتعمل ميكس بقى بين الشخص اللي عاجلك ده وبين الخيال اللي عندك). أي شيء قد يؤدي إلى إثارة جنسية قد ينتج عنه أيضًا خيال جنسي ، والإثارة الجنسية بدورها قد تؤدي إلى تخيلات (منفدين على بعض يعني.)
طبعًا التعريف بتاع القهوة أحلى.. نخش بقى في المُفيد 🙂
تحذير: الموضوع يزداد قباحة.. وهانبتدي نستخدم شوية مصطلحات انجليزي عشان العربي في الحاجات دي صادم حبتين.. تلاتة .. أربعة.
أنواع الـ Sexual Fantasies (الخيالات الجنسية)
بما إننا مش هانقدر نُحصر كل الـخيالات الجنسية الموجودة في العالم لأن الموضوع نفسي بحت ومُرتبط ارتباط وثيق بشخصيات الناس وتجاربهم وذكرياتهم.. صناعة أفلام البورن وصل حجمها لـ 15 مليار دولار تقريبًا.. كل ده عشان يقدروا يغطوا الـ Fantasies بتاعتك.. فالموضوع كبير يعني.. فهانتكلم هنا عن أنواع الخيالات الجنسية دي.. من الأقل للأكثر شُهرة:
آخر تحذير: خلي بالك – تاني – إحنا بنتكلم عن الخيالات اللي بتيجي في دماغ الناس، سواء غصب عنهم (زي الأحلام الجنسية مثلًا) أو برضاهم سواء كافحوها أو استسلمولها سواء فهموها أو نفضولها سواء اتعاملوا معاها صح أو غلط سواء الخيالات دي عنيفة ومش منطقية أو هادية وعادية ومش بنتكلم عن تطبيق الـخيالات دي خالص!
الخيال الجنسي | المركز الخامس | الـ Group Sex:
على سبيل المثال الـ Threesome: في الغالب الميل للـ Fantasy دي بتدل على إن في خلاف بينك وبين شريكك. ولكن لو افترضنا إن العلاقة بينكوا تمام، يبقى في احتمال إنك تكون معندكش مشكلة الـ Partner بتاعك يـget laid مع شخص غريب وأكثر لمجرد إنك عايز تشوفه مبسوط أكتر لكن تحت عنيك برضه فبتتحول لـThreesome.
نعمل إيه؟
لو إنت في المدرجات العربية فـالأغلبية هاتشوف إن مُجرد التفكير في الـGroup Sex ده حاجة Extreme جدًا على المستوى الديني والصحي والاجتماعي والكرامة والغيره وحاجة آخر قرف وعندك حق. أما لو إنت في المدرجات الغربية المُتحررة حبتين هتشوفه حاجة Weird شوية وإنت ودماغك بقى .. الناس برضه مش زي بعضها.. بس الأغلبية يعني مش هايتخضوا .. آه مش هايعملوه بس مش هايتخضوا الخضة اللي إنت اتخضيتها دي.
الـ Sexual Fantasy العنيفة دي زي الـ Threesome وغيرها .. ممكن نشبهها بالاضطراب النفسي (وأنا في رأيي الشخصي إنها اضطراب نفسي فعلًا لأن ببساطة مش دي الفطرة اللي ربنا فطرنا عليها بس أنا مش دكتور فرأي ده مالوش لازمة الحقيقة) بس خلينا نعتبرها اضطراب نفسي كمثال.
كتير من الاضطرابات النفسية بتتحل بالكلام. الكلام المُرتب وإنك تعلم نفسك إزاي تفكر وتتعلم أكتر عن أحاسيسك وخيالاتك وإزاي تتكلم عنها ومع مين. العلاج النفسي كله كلام! العلاج السلوكي كله كلام! بس كلام مع حد مُتخصص هايعلمك إزاي تطلع اللي جواك وتفرده قدامك وتفكر فيه بطريقة منطقية لأن العلاج النفسي لازم يطلع من دماغك إنت.
كتير قوي من الـ Fantasies اللي من النوع ده بتهدى بمجرد الكلام مع حد.. المُهم الشخص ده يكون الشخص الصح. سواء كان شريكك، حد قريب، أخصائي أو دكتور نفسي.
الخيال الجنسي | المركز الرابع | الـ Oral Sex:
نهدى شوية ونخش على حاجة قد تكون عادية نسبيًا بين الـ Partners .. آه هي مكانتش موجودة زمان وغالبًا ده غزو ثقافي من برة وكل حاجة.. بس كل ده مايمنعش إنها Fantasy موجودة وبقوة. الـOral Sex (سواء من هو لـ هي أو من هي لـ هو) بيندرج تحت الحاجات الغريبة حبتين (زي الـPosition الجديد) اللي بتقلل الملل والفتور الجنسي في العلاقة لأنها بتتمحور حوالين الحاجات اللي الــ Partners مش بيعملوها في الغالب..
نعمل إيه؟
بما إن الموضوع هنا أبسط وعادي إن الـ Fantasy تخش في حيز التطبيق يبقى الموضوع أسهل. الكلام بين الطرفين مُهم سواء قبل أو أثناء أو بعد الـعلاقة.. إنت اللي بتختار الوقت المناسب ليك ولشريكك إنك تقترح حاجة جديدة.. أحيانًا هايبقى في قبول من الطرفين وأحيانًا في حد بيتنازل ويعمل حاجة لمجرد إن اللي قدامه بيحبها حتى لو مش هو مش حاببها قوي.. ماهو لما الـ Partner يبقى مبسوط إنت كمان هاتبقى مبسوط. أما لو الاقتراح الجديد ده بيضايقك أو بيضايق الطرف التاني يبقى غالبًا محتاجين تتكلموا أكتر.. المهم ماحدش يعمل حاجة مضايقاه جدًا عشان ساعتها سعادة اللي قدامك مش هاتعوضك عن الأذى النفسي.
الخيال الجنسي | المركز التالت | الأزياء التنكرية:
بيتهيألي كدة الـFantasy دي بدأت في ثانوي مع انتشار لعبة الدكتور والعيانة ويلا نلعب عريس وعروسة.. عامة النهاردة لو نزلنا العتبة وسألنا على أكتر الانجيري بيتباع هنلاقي البيبي دول وجلابية نانسي عجرم والـCostumes (أو الأزياء التنكرية).
هو مرحلة قلع الهدوم مرحلة لابد منها في أي Sexual Intercourseإنما اللي هي بتبقى لابساه قبلها بيلعب دور كبير جدًا في القصة الحقيقة.. كتير من الرجالة بيحبوا ستايلات مُختلفة.. في اللي بيحب الأبيض، في اللي بيحب العادي خالص، وفي اللي بيحب يبتدي المشوار من أوله خالص، وفي الي بيحب الـCostumes وفي اللي بيحب يتخصص في الـCostumes حبتين وفي اللي بيجيب الـAccessories بتاعت الـCostumes، من أول الـ Cheerleader أو الـممرضة مرورًا بالـ Catwomen لحد شخصيات Marvel كلها.
ليه الـ Costumes في المركز التالت؟ ونعمل إيه؟
لأننا ببساطة بنحاول نكسر الملل ونخلي الموضوع entertaining أكتر، والراجل يقدر قوي لما هي تاخد ريسك إنها تجرب حاجة جديدة، هو أصلًا هايقدر جدًا محاولتها إنها تبسطه وتدخل جو من البهجة والضحك في الموضوع اللي في كتير من الأحيان بيقلب روتين.
أعتقد مش محتاجين نعمل حاجة في الـFantasy دي لأنها لطيفة في الحقيقة، ومأعتقدش فيها مُشكلة لو تطورت من مرحلة إنها خيال لـ حقيقة.. إنما هاينطبق عليها نفس الكلام اللي فوق.. لازم يبقى في تراضي بين الطرفين.. ولازم ماحدش يبقى متضايق. ولو في حد متضايق نصيحتنا ليكوا إنكوا تتكلموا مع بعض، وأكيد هاتوصلوا لبدايل تخليكوا إنتوا الاتنين مبسوطين.
الخيال الجنسي | المركز التاني | الـSubmission:
كتير من الرجالة بتستمتع قوي بالـ Fantasy بتاعت إن الست تاخد هي الـControl وتتحكم في اللي بيحصل وهو دوره بيكون سلبي وبينفذ اللي هي بتقوله. أبسط مثال ليها Cowgirl. ليه بقى الرجالة بتميل للـ fantasy دي؟
عشان يا سيدي الفاضل وببساطة خالص، ده عكس اللي بيحصل في الحياة الحقيقية. الراجل مطلوب منه طول الوقت إنه يسوق المركب دي كلها ومطلوب منه إنه يفضل مسيطر على بيحصل ويتحكم في أعصابه ومشاعره وفلوسه واخلاقه عشان المركب دي كلها تمشي في سلام. الـ Fantasy دي ببساطة هي إنه بيبقى عايز يفقد السيطرة شوية.
بالنسبة للستات بقى.. فاكر الدراسة اللي اتكلمنا عنها في المُقدمة واللي بتقول إن 90% من البنات والستات عندهم Sexual Fantasies؟ نفس الدراسة دي بتقول إن أكتر من 40% من الـfantasies دي كانت To be Forced Fantasies وعشان الصدمة ممكن تخليك ماتفهمش، نقولها بالعربي: اكتر من 40% من اللي قالوا عندهم خيال جنسي، كان نوع الخيال الجنسي إنهم يتم ممارسة الجنس معاهم بالعنف.
لو إنت اتصدمت فـأنا بصراحة شايفها منطقية جدًا برضة لأنك لو طبقت نفس نظرية الراجل عليها هتلاقي إنها منطقية خاصة في ظل مرحلة الـStrong independent Women المجيدة اللي بنعيشها.. فبنفس المنطلق هي كمان عندها Fantasy إنها تـ Loose Control.
نعمل إيه في الـSubmission Fantasy
لو الـ Submission عند الراجل وقفت عند مجرد Position جديد هي اللي بتتحكم فيه مش هو، ولو الـ Submission عند البنت وقفت عند شوية Actions قد تكون غريبة أو شرسة حبتين وقت العلاقة، فـ لحد هنا الموضوع طبيعي. أيًا كان تفكيرهم بيروح فين بقى إحنا زي ماتفقنا في المقال ده بنتكلم عن الخيال فقط والأسباب النفسية للخيالات دي.
الخيال الجنسي | المركز التاني مُكرر | الـDomination:
بنت عم اللي قبلها. الـ Domination Fantasy أو فانتازيا الهيمنة بتدور حوالين كلمة واحدة “السيطرة” وهي عكس الـfantasy اللي فوق. بالنسبة للرجالة، الـDomination هو امتلاك السلطة الكاملة على شريكهم أثناء العلاقة. بداية بقى من استخدامPositions مُعينة أشرهم الـ Doggy Style مرورًا بالـكلبشات وغيره. الـ Domination Fantasy منتشرة برضه بشكل مش قليل بين الستات. أشهر position على ده هو الـ Cow Girl.
ليه الـTaking Control من الـFantasies القوية؟
لأن إحساس السلطة والتحكم حاجة محتاجينها كلها ومحتاجين نحس بيها من وقت للتاني. طبيعي بقى تلاقي ناس بتغير الـfantasies بتاعتها كل شوية على سبيل التجديد والتغيير. إنما برضه هتلاقي ناس تانية بتحب نوع واحد بس وغالبًا الناس دي -عشان برضه بيزهقوا- بيميلوا إنهم ياخدوا الـFantasies دي لـ Levels تانية.
الخيال الجنسي | المركز الأول بدون مُنازع | مُشاهدة أفلام البورن:
35% استهلاك الإنترنت رايح للـ Porn. مش محتاجين أكتر من كدة عشان الـfantasy دي تحتل المركز الأول. طيب هو مُشاهدة البورن حرام؟ أكيد حرام مش محتاجة كلام. طيب مُشاهدة البورن حاجة كويسة؟ أنا مُقتنع إن أي حاجة حرام هاتبقى أكيد مُضرة ومش كويسة أبدًا.
طيب ليه بنتفرج على Porn؟ ونعمل إيه؟
طبقًا لدراسة اتعملت في مجلة الطب الجنسي .. قسموا الناس اللي بتتفرج على Porn لفئتين:
88% من الناس اللي بتتفرج على Porn بتتفرج لمدة لا تزيد عن 24 دقيقة في الإسبوع ودي مدة مش كبيرة بالنسبة للناس برة، و12% بيتفرجوا حوالي 112 دقيقة في الإسبوع. النوع الأولاني في الغالب بياخد فكرة، عنده فضول، زهقان أو ماعرفش يوجه زهقه في حاجة أحسن من كدة. النوع ده مُعظمه (حسب الدراسة) مُرتبط أو متجوز. النوع التاني هو اللي في مشكلة حبتين تلاتة لأن كدة الموضوع فيه إدمان.
أفلام البورن (زيها زي العلاقة الجنسية) بتحفز الدوبامين، وبالتالي ده سبب قوي يخلي الموضوع إدمان. والإدمان مُشكلته الأساسية إنه بيمنعك من ممارسة حياتك بشكل طبيعي.
إزاي تعالج إدمان البورن؟
انا كتبت شوية نُقط عن ازاي تتخلص من إدمان البورن بس اكتشفت إنك بأقل بحث على جوجل هاتلاقي نفس الكلام.. فمسحتهم الحقيقة لأني عايز أنصحك نصيحة واحدة بس.
وداوها بالتي كانت هي الداء.
وإيه هو الداء هنا؟ العادة السيئة. وأفضل حاجة تعملها عشان تتخلص من عادة سيئة إنك تستبدلها بعادة تانية تكون (مش مُضرة) وتكون بتحبها.. وشوية بشوية العادة الجديدة هاتستبدل القديمة. أنصحك تقرا عن العادات وإزاي بنكتسبها. ده هايفيدك أكتر من شوية نصايح عن إزاي تبطل تتفرج على البورن.
دمتم سالمين
المصادر:
https://www.health.com/sex/sexual-fantasy-meaning
https://www.psychologytoday.com/us/blog/all-about-sex/201508/why-do-women-have-rape-fantasies
https://www.sciencedirect.com/science/article/abs/pii/S1743609516308426
https://thedoctorweighsin.com/why-is-pornography-so-powerfully-addictive/
