النسيان أنواعه وأسبابه النفسية والصحية

النسيان هو عدم القدرة على أنه يسترجع المعلومات اللي سجلها قبل كده في الوقت المناسب، وربنا إدانا مخ هايل ممكن يستوعب معلومات كتيرة لو فضينا المعلومات اللي في المخ هتملي مجلدات بالملايين.

التذكر والنسيان، دول زي المية والهواء سوا كل واحد منهم ليه حجم محدد، ولكن لو  زاد حجم الاول، بينقص حجم الثاني، والعكس صحيح، ودا اللي بيحصل لو حطينا الأثنين علي النار بمعني أما بنتعرض لصدمة نفسيه أو مرض بالدماغ أو بنتعرض لدوشة كتير فيه حاجه بتيجي علي التانية،  والذاكرة بتدل على قدرة الشخص أنه يرجع يفتكر المعلومات المخزونة في الذاكرة في الوقت المناسب.

اما النسيان هو عكس الذاكرة وهو ظاهرة طبيعية، خصوصا في الجزء اللي بيخص المعلومات القديمة، أما المعلومات الحديثة ممكن ننسي بعضها، ولكن لو زادت كمية المعلومات المنسية، فده بيدل على وجود خلل حاصل في خلايا الذاكرة اللي بيكون ناتج عن مرض او جرح في الدماغ أو صدمة نفسية شديدة.

الذكاء والذاكرة

بيقيسوا معدل الذكاء: (العمر العقلي العمر الزمني) \100 فا لو كان العمر العقلي أعلى من الزمني، هنا الشخص بيكون ذكي والعكس بيكون غبي، ولكل صنف درجات، اثبتت قياسات وتجارب العلماء إن 60% من الناس بيعتبرون متوسطي الذكاء 90110 درجة والنسبة الباقية بتتوزع بين الاغبياء والمعتوهين70 درجة فأقل اما درجة ذكاء العباقرة والاذكياء فبتكون 130 درجة فأكثر.

وبيصنفوا النسيان لـ:

• نسيان سلبي: ودا معناه إن الشخص مش بيقدر يفتكر المعلومات المهمة اللي ليها علاقة بحياته .
• والنسيان الايجابي : ودا معناه إن الشخص مش بيقدر يفتكر المعلومات المؤثرة زي وفاة حد من العيلة أو موقف صعب مر بيه.

وبيصنفوا الذاكرة لـ3مستويات علي أساس فترة بقائها في الذهن:

• ذاكرة المعلومات السريعة الزوال، والنوعية دي من المعلومات المنقولة  للدماغ الذهن، عن طريق الابتكار والحواس الخمس، دا طبعا لو الإنسان ما أهتمش بيها فا بتتنسي بعد حوالي  ثانية ونصف، ودا طبعا لو غير أهتمامه بالمعلومة فا بتتنقل لمستوى الذاكرة القصيرة، زي اللي بيحصل للستات أما تروح تعمل شوبينج.
• ذاكرة المعلومات لفترة قصيرة: ودا بيتحط فيها المعلومات عن طريق الحاجات اللي قلناها قبل كده، هنا الشخص بيقدر يفتكر المعلومة لفترة بتتراوح ما بين نصف دقيقة لـشوية دقايق، لكن لو كررها كام مرة كده ممكن المعلومة تضل لفترة أطول.
• ذاكرة المعلومات لفترة طويلة: ودي بيتحفظ فيها المعلومات أول ما بتدخل في الدماغ زي المعلومات اللي بتتحفر في مخنا من وإحنا صغيرين عن كل حاجه حوالينا.

أنواع النسيان:

• نسيان المعلومات السابقة Retrograde Amnesia لحدوث مرض النسيان، المتسبب عن صدمة نفسية مؤثرة او جرح في الدماغ.
• نسيان الحاضر Anterograde Amnesia ، وهو إن الشخص مش بيقدر يخزن المعلومات ويرجع يفتكرها تاني ودا بيحصل بعد الصدمة او الجرح.
• النسيان الشامل Global Amnesia للمعلومات اللي أسجلت عن طريق الحواس الخمس واتخزنت في الدماغ.
• نسيان الأحداث اللي سجلتها حاسة من الحواس الخمس Modality Amnesia زي البصر والسمع والشم واللمس والتذوق.
• النسيان العابر Transient Amnesia ، ودا بيحصل بعد ما يحصل إصابة الدماغ مباشرة بالجروح والأورام والارتجاج، ودا ممكن يوصل لدرجة العته. ومن إشكال النسيان العابر الحميد هو النسيان لفترة قصيرة للاحداث اللي وقعت بالتزامن في وقت واحد، وبتحصل الحالة دي بعد ما الشخص يشرب خمرة كتير أو مخدرات أو المهدئات أو المخدرات، أو بسبب بعض الأدوية زي Triazolam,Midazolam، و النوع ده من النسيان بيختلف عن النسيان الشامل العابر لانه بيختار أحداث معينه حصلت في الوقت نفسه من الماضي.
• النسيان الشامل العابر Transient Global Amnesia ودا بيظهر النوع ده من النسيان بصورة مفاجئة، وبيستمر فيما بين 3060 دقيقة الى12ساعة فاكثر، وهنا بيفقد الشخص كل أحداث الماضي، وبيرجع يفتكرها تاني بس بالتدريج، بعد زوال النوبة. وييجي ده مع حالة الصرع، ودا بيرجع لاحتباس الدم مؤقتا عن منتصف منطقة المهاد الخلفي أو الجانبي قرن أمون دا غير أنه ممكن يرتبط بمرض الشقيقة عند الشباب احيانا.
• النسيان الثابت Stable Amnesia، ودا اللي بيحصل بعد اصابات خطيرة، زي التهاب الدماغ واحتباس الدم.
• النسيان المتزايد Prograssive Amnesia، ودا بيحصل بسبب بمرض الزهايمر.
• النسيان المتسبب عن اعتلال ورنك Wernicke، واللي بينتج عن الامتصاص غير المناسب لفيتامين (B1) اللي بيجي مع استمرار تناول الكربوهيدرات ودا بيأدي للنسيان و بيتطور المرض وبيخلي الشخص مترنح ونعسان ومذهول وحركات عينه مش مستقرة وممكن يحصلها شلل جزئي ، دا غير أنه بيحصل تتطور في بعض الاضطرابات الوظيفية عند بعض المرضى لنشاط سمبثاوي مفرط، زي الرعاش والهياج، او خمول واضح زي انخفاض حرارة الجسم وهبوط التوتر والإغماء.
• النسيان الناتج عن ملازمة كورساكوف Korsakoffs Syndrome، ودا بيصيب 80% من مرضى ورنك،و أعراضه بتيجي في شكل فقدان الذاكرة بشكل خطير، خصوصا الأحداث القريبة جدا، لكن الأحداث البعيدة بيفتكرها كويس، وبالتالي لو المرضي دول بيشتغلوا دا مش بيأثر علي شغلهم بس لو أتطور الأمر ممكن يجيلهم نوع من الخرف ونوبات من الخوف واللامبالاة.
• النسيان المصطنع النفساني Factitions Amnesia وفي الحالة دي الشخص مش بيتمكن من إنه يفتكر الاحداث القريبة أو بيتناسي الأحداث دي، ودا طبعا لأنه متأثر جامد بازمات انفعالية نفسانية المنشأ.
• النسيان الانفصالي Amnesia issociative وهو نسيان أحداث صعبه أو بتعيب الإنسان نفسه أو مؤلمة حصلت للشخص نفسه زمان بين سلسلة متواصلة من الأحداث. ومعظم الناس اللي عندها النوع ده من النسيان بيعرفوا أنهم فيه وقت من حياتهم ضايع ومش عارفين عنه حاجة، وفيه غيرهم بينسوا من منطلق من مبدأ نسيان النسيان Amnesia for Amnesia وهما مدركين أنهم عايزين يسنوا الفترة الزمنية اللي حصلت فيها النويعه دي من الأحداث المشينة، عشان الأحداث نفسها لسه سايبه أثر في حياة الشخص زي نسيان الاعتداءات الجنسية اللي حصلت في فترة محددة من الطفولة ، أو حجزهم في فترة معينة أو القتل اللي حصل في الحروب او كارثة طبيعية أو الهجر أو موت حد قريب أو مشكلة مالية، وغالبا بيعاني بعض الشباب من  الحالة، خصوصا اللي بيعيشون فترة من الكآبة أو الحزن.

من الناحية التشريحيه أجزاء الدماغ المؤثرة على ظاهرة الذاكرة والنسيان، بتتمثل بالممرات اللي موجودة على طول المنطقة نظيرة الحصينية الوسطى وقرن أمون والفصوص الصدغية الوسطى السفلى والسطح الحجاجي للفص الامامي والدماغ المتوسط، وبتلعب التلافيف الحصينية، وتحت المهاد، ونواة قاعدة الدماغ الامامي ومنتف المهاد الظهري الوسطاني، دورا مهم في الذاكرة، وبتأثر في النواة اللوزية على مدى اتساع نطاق الذاكرة، و الصفائح المهادية دي ليها  دور مهم في أنه بتوسع نطاق وتنشيط الذاكرة، دا غير أن نواة مابين الصفائح المهادية والتكوين الشبكي في جذع الدماغ، بتحفيز الانطباع السلوكي للذكريات.

و تذكر الامور الحديثة والقدرة على تشكيل ذكريات جديدة، بتتلف أما الشخص يتعرض لإصابات على جانب الدماغ، لأن الإصابات دي بتأثر على المهاد الأوسط والخلفي والتكوين الشبكي لجذع الدماغ وجهاز الإثارة عن طريق الادرنالين، دا غير إن فيه أسباب تانية زي نقص فيتامين (B1) والأورام تحت المهاد واحتباس الدم.

إيه هي أسباب النسيان

1. ضعف تثبيت المعلومة في الذهن ودا يا إما بيحصل عشان بيمر عليها الشخص بسرعه من غير ما يركز أو تشابه المعلومات وعدم وضع حدود أو فوارق بين المعلومات المتشابهة، بسبب كثرة المعلومات من جهة، ولحالة القلق والاجهاد اللي بتحصل بسبب تدفق المعلومة من جهة ثانية، أو لضعف أو عدم تصنيف المعلومات من جهة ثالث.
2. سوء التغذية،خصوصا حاله النقص احماض اوميغا3، اللي بتسبب في ضعف تغذية الدماغ وبالتالي ضعف الذاكرة، و نقص الفيتامينات والأملاح المعدنية اللي بتغذي الدماغ وبتنشط الذاكرة، زي فيتامين (B1,B12,A,E) والبوتاسيوم والكبريت والفسفور والحديد.
3. التخن لان الجسم هنا بيحتاج وقت ودم اكتر إما يجي يهضم مواد غذائية أكتر وبالتالي الدم بيبقي قليل للدماغ، وبالتالي ضعف الذاكرة.
4. الوراثة، وساعات النسيان بيكون عامل وراثي دا غير أمراض تانية كتير بتتنقل عن طريق الجينات اللي تتورث من الأبوين واللي يتضاعف نموها بعد عام من والولادة.
5. الشيخوخة: وكمان السن الكبير أو التقدم في العمر بيكون مصحوب بالنسيان ودا راجع لسبب زيادة صلابة شرايين الدماغ وضعف الدم، وبالتالي المواد الغذائية اللي بتوصل للدماغ بتكون أقل ومنها بيحصل ضعف الذاكرة، وبيبقي صعب جدا تذكر الأسماء وبعديها الأحداث وبعدين الاماكن وهنا بيسموه بنسيان الشيخوخة الحميد، ودا ملوش علاقة  بمرض العته أو الخرف، علي الرغم إن فيه تشابه بينهم.
6. الأمراض ومنها السكر ومرض الزهايمر والنكوص العصبي والصدمات النفسية وجرح وارتجاج الدماغ والهستريا االلي بتيجي بسبب الاضطرابات والإصابة بهربس التهاب الدماغ والاورام والإصابات الدماغية، اللي بتسبب برضه النسيان وضعف الذاكرة.
7. التلف الدماغي، والإصابات، اللي بتحصل على جانبي الدماغ، واللي بتسبب جروح شبه البؤر زي الشظايا، واللي ممكن تعمل تلف في مناطق تخزين الذاكرة في نصف الكرة المخية، وبالتالي تلف مناطق الذاكرة في الدماغ.
8. الكآبة والاعياء والصدمات والكوارث وصعوبة الحياة والكبت الدوشة المستمرة والتنافس والحسد ومحاولة الكسب السريع والسيطرة على مساحة واسعة من الشغل والحاجات اللي بتتكوم علي الدماغ وكثرة تداخل الاحداث اليومية.
9. دا غير أن كثرة تناول الأدوية المنبهة والمنومة والمخدرة، بيأثر سلبا على خلايا الذاكرة زي HALOTHAN,ISOFLURANE,FENTANY وكثرة تناول الكحوليات، دا غير السكتة الدماغية، نوبة احتباس الدم الموضعي المؤقت، نوبة فقد الذاكرة الشامل المؤقت.
10. العقاقير الكيمياوية، مثل BARBITURATES, BEBZODIAZEPINES.
11. انعدام الامن والقلق المستمر وقلة النوم والسهر، بتسبب ضعف الذاكرة، والكسل أو قلة الحركة والمطالعة وممارسة الهوايات، والمعالجة بالتخلج الكهربائي لفترة طويلة.
12. العمليات الجراحية الكبيرة في الدماغ، و التسمم بمادة الليثيوم، والتنفس بالهواء اللي متلوث بيه باستمرار.

ايه هي نظريات تفسر أسباب النسيان من الناحية النفسية :

• نظرية التضاؤل: و النظرية دي بتقول إن الذكريات اللي فاتت بتضعف أثارها نتيجة لعدم أستعمالها وبتضمر العضلة اللي مش بيستعملها الإنسان,  النظرية دي ممكن تتفسر من خلال بعض حالات النسيان ولكن فيه أدلة على أنها غلط زي إن الطفل اللي اتعمي وهو صغير ووصل إلى سن النضج مش هينسي الحاجات اللي شافها وهو مفتح وصغير.
• نظرية التداخل والتعطيل: وبتفسر النظرية دي النسيان بأن أوجه النشاط المتعاقبة اللي بيقوم بها الفرد واللي بتخش مع بعضها وبالتالي يتلغبط وينسي،دا غير النسيان والشخص نايم بيكون أبطأ منه وفي النسيان وهو صاحي، وأن الأطفال بيفتكروا بسهوله القصص اللي اتحكت ليهم قبل النوم.
• نظرية الكبت: و النظرية دي بتقول إن النسيان بيكون نتيجه للرغبات المكبوتة, علي أساس أن الواحد بينسي حاجه مؤلمه بشكل لاشعوري.