10 حاجات لو عملتهم دماغك هتبقي ألماظات

10 حاجات لو عملتهم دماغك هتبقي ألماظات

دماغك دي أغلي حاجه عندك هنا هنقولك علي عشر حاجات أو نصائح يعني لو عملتهم وأخدت بيهم دماغك هتبقي ألماظات  دا لأن أصلا  دماغك دا الكمبيوتر بتاعك لو بقي فله شمعه منوره ” ألماظات يعني” حياتك كلها هتبقي كده .

بمعني أن فيه شوية نصائح كده ممكن تعتبرها “الزتونه ” بتاعت الدماغ.

1- ريح دماغك شوية

وهنا تريح الدماغ مش انك تكبرها وتتجاهل الأمر ” لأ” المعني هنا يعني أنك تعمل لدماغك shut down زي الكمبيوتر بالظبط.

خد راحة يعني ، ودا عشان جسمك بشكل عام محتاج للراحه لأن ده بيساعدك أنك تطور من دماغك وتحسن الألماظات اللي فيها ” وظائف المخ” .

هنا ممكن تاخد 15 دقيقه كل يوم راحة هتفرق كتير في حياتك وفي طريقة تفكيرك دا لان الراحة أو النوم بتساعد المخ أنه يشتغل بشكل أفضل .

2- ابتكر أي حاجه قبل ما تنام

لو جسمك تعبان هنا دماغك هتبقي عايزه تعمل حاجه عشان تقدر تخرج جسمك أو المود العام من حاله التعب.

بمعني أبتكر أي شئ جديد.

وهنا الحاجة المبتكره أو الجديدة ممكن تكون أي شئ تحبه زي الرسم أكله جديدة.

لو بتعرف تألف أبدأ ألف رواية جديدة , المهم تعمل أي حاجه تجدد بيها نشاطك بس المهم تكون مستمتع بيها .

3- ركز علي حاجه وحدة بس واعملها

منطقيا وعقليا ووظيفيا حتي دماغك مش هتقدر تعمل أكتر من حاجه في نفس الوقت .

عشان كده ركز علي حاجه واحدة واعملها يعني لو في أيدك شغل بيتكتب بقي علي الكمبيوتر أو علي ورق ابعد عن أي مصدر ممكن يشوش علي تفكيرك .

بمعني طفي التليفزيون ابعد عن أيدك التليفون وركز في اللي بتعمله وبس .

بكده هتخلي دماغك بكل طاقته في المهمة اللي في أيدك ايا كانت بقي .

4-حرك جسمك شوية

هنا نقصد بحرك جسمك شوية مش أن تمارس رياضة بالمعني الحرفي جيم وكده ” لأ”

كفاية عليك من 15-30 دقيقه كل يوم تتحرك فيهم.

مشي رايح جاي في الطرقة بقي حوالين البيت كله لنفسك ولصحتك ولمخك إفادة برضه .

5-أكتب ملاحظات علي الورق والزقها علي الحيطه

كل واحد فينا في أيده تليفون أو لابتوب أو غيره من الحاجات اللي بتخلينا نكتب علي واقع افتراضي من غير ما نمسك قلم.

الأبحاث أثبتت ان الكتابة بالأيد  وتحديدا لما تمسك قلم  او فرشه أي كانت الوسيلة .

المهم تكون بتحرك  أيدك بدل التكتكه علي المفاتيح كل ده بيساعك أنك تبقي أذكي .

6- خدلك حباتين فيتامين يوميا

بما أن العربية مش بتمشي غير بالبنزين والتليفون محتاج شحن هنا جسمك محتاج شحن يرضه أو مقويات تغذيه .

الفيتامين هنا ممكن يكون أدوية مصرح بيها طبعا يعني بأشراف دكتور .

عشان محدش يبلبع فيتامينات علي القاضي دا طبعا مع أكل صحي وعصاير صحية مفيده تغذي جسمك وتديك نشاط .

7- أتعلم لغة جديدة

أكتشفوا أنك لما تتعلم لغه جديدة دا مفيد جدا للدماغ لأنه بيجبر دماغك أنها تتكيف مع اللغه الجددية وتستخدما في كلامك .

لما تتعرف علي لغة جديدة وتتعلمه دا بفتح ليه أبواب انك تتعرف علي ثقافات مختلفة ناس غريبه عنك ليها طباع وعادات مختلفة وكله بيفيد مخك.

8-حل الكلمات المتقاطعة أو ألعاب الذكاء

هنا اللعب هيكون من خلال أنك تشغل مخك شوية دا زي أنك تحل كلمات متقاطعه أو البازل مع صحابك او أي ألعاب بتعتمد علي التفكير بعيدا بقي عن الألعاب بتاعت الموبايلات أو البلايستيشن.

الأبحاث أثبتت أن النوع ده من الألعاب اللي بيعتمد علي التفكير أو تشغيل الدماغ بيزود معدل الذكاء وبيحسن من وظايف المخ كمان .