أزاى أساعد الطفل يكون عنده شخصية  مستقلة ؟ أزاى نبنيها و نميها ؟ طيب أمتى ممكن نبتدى ؟ 

أسئلة  كتير  بتشغل  معظم الأمهات عشان نساعد الطفل يكون فعال و ناجح أكتر فى المجتمع.

و فى أمهات بيحاولوا دايما  تريح ولادها عشان كدا بيشيلوا عنهم أى مسئولية.

” ريح ابنك يتعبك “

كلمة بنسمعها من أمهاتنا و جداتنا، لأنك كل ما تحاولى تريحى أبنك بتوجدى جواه إحساس بعدم المسئولية يعنى لما الأم هى اللى تفكر و هى اللى تتعب و تتصرف فى كل حاجة .

ده طبعا شئ متعب جدا بيعلم الطفل أنه  يعتمد على  ماما عشان تحل اى موقف مهما كان صغير ليه أخد قرار طلما فى حد بيخده بنيابة عنه.

بتخلى ابنك يقع فى مشاكل كتير لما يكبر لأنه بيتعود يستنى حد يحل مشاكله بدل ما يفكر و يقرر و يعتمد على نفسه.

الطفل من سن 3 سنين ممكن يعتمد على نفسه فى الحاجات البسيطة مثلا ممكن تساعديه يختار الهدوم اللى هيلبسها ،يجيب جزمته، يلم لعتبه بعد ما يخلص لعب.

حاجات بسيطة بس هى البداية و لو أكبر شوية ممكن كمان يختار العقاب المناسب لغلطته طبعا ده بعد ما نتكلم و نفهمه غلطته و أيه هى الخيارات الصح اللى كان ممكن يعملها.

7 خطوات تساعدك تبنى شخصية مستقلة لطفلك صح

1. خليه دايما المسئول

شيليه مسئولية قراراته و يتحمل نتيجة أختياراته و ده بيكون عن طريق انك تسبيله حرية التفكير فى القرار و لو أختار غلط .

ممكن برده نعرفه حسنات و أضرار قراره كمان ممكن تدليه على البدائل الأنسب و هو يختار المناسب له أكتر.

2. الأختيار بيشغل الخيال

لما ندى لأولادنا فرصة التفكير عشان يقرروا مصيرهم ده بيخلى خيلهم يشتغل عشان يدور على حل للمشكلة .

الحوار شئ مهم لأنه ممكن يتخيل حلول مش منطقيه فنرجع نخيره فى مجموعة من البدائل عشان نحط خطط صح.

3. ترتيب الأولويات

علميه أزاى يحدد أولوياته فمثلا لو عاوز يشترى لعبتين لازم يحدد مين فيهم أهم دلوقتى.

لما يكبر حبه علميه أزاى ينظم وقته حسب أولوياته عشان ساعات بتكون المكرة اهم أو أنه يساعد فى طالب البيت و ساعات برده اللعب بيكون مهم.

4. وفرى شوية من بنك الحب

طبعا كلنا بنحب ولادنا بس الدلع و الحنلن الزيادة بيخليه يرمىالمسئولية كلها عليكى .

كمان القسوة بتجيب مشاكل نفسية علميه أن الحياة شركة فلازم الحب يكون بالمعقول .

5. التفهم هو الحل

لما يتشكى من أحد علميه أزاى يتفاهم مع الآخرين عشان يتعلم أمتى يسامح و أمتى لا .

عشان كدا بازم يفهم أهمية أننا نسمع و نفهم بعض كويس كمان يفكر فى الكلام قبل ما يقوله.

6. المشاركة

العمل الجماعي لكل أفراد العايلة عشان يتعلم أن كلنا مهمين وكلنا متساوين و يا سلام لو اشترك في رياضة جماعية ذى كرة القدم أو السلة أو غيرها.

7. العدل و التوازن

يعنى متخليش أى حاجة فى حياتك تاخد كل وقتك و تنسيك الدنيا من حولك.
العدل حلو برده يعنى شوية لعب و شوية مذكرة و شوية ثقافة و حبه حب كل حاجة نعملها فى وقتها .

طبعا أحسن وسيلة للتعليم أننا ننفذ الحاجات دى يعنى ما ينفعش أقول لأبنى خليك مسئول و أنا أفعالى مش مسئولة لازم نبقى قدوة و ده أهم كتير من التوجيه.

سل تخلى النقط دى أسلوب حياة و أن كل حاجة محتاجة قرار ذى مثلا هناكل أيه النهاردة … أو هلبس أيه.

لحد ما يقدر يختار هيكون علمى أم أدبى و هيتجوز مين كل ده يساعد طفلك يبقى إنسان مستقل.

أبعتولنا أزاى خلتوا ولادكوا يعتمدوا على نفسهم .