7 أسباب بتشجع الناس على التبرع (وسبب واحد يمنعهم من التبرع)

في أسباب بتدفع الناس وتشجعهم على التبرع، ممكن عشان متأثرين بقضية او مشكلة معينة؟ ممكن عشان عاوزين يشاركوا ويحلوا قضية في مجتمعهم؟ أو ممكن بسبب تقليد عائلي والتعود على التبرع والمشاركة؟ المقال ده هيفهمنا أية هي اهم 7 أسباب بتدفع الناس للتبرع في المؤسسات المختلفة.

الشعور بالإنجاز

التبرع للجمعيات الخيرية إحساس جميل بالنسبة لأغلب الناس، والدراسات الحديثة أثبتت أن الكرم وسلوكيات العطاء بتحفز انتاج مادة الدوبامين في الجسم اللي بيخلق شعور مشابه للإحساس بالمتعة والمكافأة.

الثقة في المؤسسة اللي بيتم التبرع ليها

دائما المتبرعون بيميلوا للتبرع في المؤسسات الغير ربحية، وبيكونوا متأكدين انها تستحق ثقتهم والتزامهم، بشرط توافر عنصرين أساسيين وهما الشفافية والاستقلالية، بمعنى الالتزام بالوعود وتنفيذها.

يشوفوا التأثير على أرض الواقع

لما بيحس المتبرعون ان تبرعاتهم ليها تأثير حقيقي على أرض الواقع، بيحسوا بالدور المهم اللي قاموا بيه، وبعض المؤسسات بتهتم بمشاركة المتبرعين بتفاصيل إنفاق تبرعاتهم، والمعلومات التفصيلية عن الإنجازات اللي اتعملت بفضل تبرعاتهم بيمنح للمتبرعين ثقة أكبر في المؤسسة.

المتبرعين ليهم صلة شخصية بالقضية اللي بتخدمها المؤسسة الخيرية

بالنسبة لعدد كبير من المتبرعين بيكون العطاء موضوع شخصي جدا، وبيحبوا يتبرعوا لأنهم شافوا ان ده بيدعم بشكل كبير القضية اللي هما بيدافعوا عنها.

رغبة المتبرعين انهم يكونوا جزء من كيان كبير

التبرع في الأساس عمل عاطفي، وغالبا الناس بترتبط بالقصص الشخصية للأفراد أكثر من ارتباطها بالإحصائيات والبيانات العامة، عشان كدة هنلاقى بيحصل كتير ربط قصص شخصية وإنسانية مع البيانات والإحصاءات مع لب الموضوع، ويفضل مشاركة المتبرعين بكل التفاصيل عشان يقدروا يتواصلوا على المستوى الشخصي مع نشاط المؤسسة.

جذب انتباه المتبرعين

الانتشار الكبير لوسائل التواصل الاجتماعي على الانترنت ساهم بشكل كبير في زيادة شعبية العطاء واعمال التبرع، لأن كل ما الناس بتشوف حالات في حاجة للمساعدة والتبرع بتزيد احتمالية تبرعم ومشاركتهم، ده غير ان المشاركة في الحملات الاجتماعية موضوع ممتع.

الحصول على امتيازات ضريبية

الحصول على امتيازات ضريبية، أو خصم على الضرائب من أهم الحاجات اللي بتشجع الناس على التبرع، يعنى بيكون تبرع وفى نفس الوقت تحقيق استفادة شخصية.

السبب الوحيد وراء توقف المتبرعين عن التبرع

السبب الأساسي اللي بيخلى المتبرعين يتوقفوا عن العطاء هو انهم يكونوا مش عارفين تبرعاتهم وفلوسهم بتروح فين، عشان كدة مهم ان المنظمات الخيرية او المهتمة بجمع التبرعات تعتم بمشاركة المتبرعين في نشاطها ويكون فيه وسائل اتصال مع المتبرعين للمشاركة مش لطلب التبرعات بس، ودة بيعمل علاقة أقوى بين المؤسسة والمتبرع.