البزرميط

6 حاجات لازم تعملها لو سبت شغلك بكرة الصبح

كتبها سها مطر

فكرة أنك تسيب شغلك هي فكرة فيها حرية  كبيرة بمجرد ما بتتخيلها بس فى نفس الوقت مخيفة . بدل من أنك تتسرع خذ نفس عميق  وفكر كويس واحسب الإيجابيات والسلبيات وحاول توزنها وتكون متأكد 100 % أنك خدت القرار الصح . قبل ما تقرر أنك تسيب الشغل لازم تكون مستعد نفسيا وماديا ،  لو سبت الشغل أو ناوى تسيبه لازم تعمل الخطوات :

  • اشتغل على سيرتك الذاتية :

أنت دايما محتاج أنك تجدد سيرتك الذاتية  علشان تقدر تقنع العملاء والمستثمرين أنك عندك الموهبة والخبرة الكافية لتحمل المسئولية ، كمان لازم تستخدم جمل وكلام واضح علشان تجذب الانتباه .

  • الأرشيف :

لازم تهتم بأنك تسجل كل الى عملته خلال الفترة الى فاتت في شغلك ، لازم تحتفظ بالوثائق والايميلات الرسمية علشان متخسرش أي حاجة مهمة .

  • لازم تكون حاطط خطة :

بمعنى أنك تكون عارف أنت هتعمل ايه الخطوة الجاية ، سواء كنت هتبدأ في شغل جديد لازم تكون ضامن مكانك فيه ، أو عندك مشروع خاص هتبدأ فيه ، أو ناوى تتفرغ لحياتك وتعيش بالفلوس الى معاك .

  • اشكر زمايلك في الشغل :

حافظ دايما على علاقاتك الطيبة مع المديرين وزمايلك واشكر أي حد كان ليه دور في نجاحك علشان تكون ذكرى كويسة في المكان .

  • خد أجازة :

علشان تقدر تفكر أحسن وتخطط لحياتك الجديدة ، لازم تفصل مخك شويه بأنك تاخد أجازة تريح فيها أعصابك علشان تقدر تفكر بشكل أحسن وتستعد لخطوة جديدة في حياتك .

  • متقطعش كل الطرق :

بمعنى أنك متقطعش علاقتك مع زمايلك في الشغل لأنك ممكن في يوم من الأيام ترجع تانى

لشغلك ، علشان كده متخسرش علاقاتك المهنية ، كمان ده ممكن يساعدك لو ناوى تكمل في نفس الكاريير .

عن الكاتب

سها مطر