بزرميط مُبادرة لتنمية الوعي بالصحة النفسية في مصر والعالم العربي وليهـا رسالتين أساسيتين:

أول رسالة هي نشر ثقـافة الصحة النفسية. إنت تعرف إن خوف الإعتراف بالمرض بيمثل خطر أكبر من المرض نفسه على المريض النفسي؟ عارف إن جزء كبير جداً من أمراضنـا العضوية سببهـا نفسي وإحنـا عاملين مش من هنا؟ كمـان جهلنـا بأبسط مبادئ الصحة النفسية بيخلينـا مش قادرين نفهم نفسنـا ولا نفهم اللي حوالينا وبالتالي ده بيعطلنـا كتير سواء على المستوى الشخصي أو المستوى المهني. عشان كدة هنتكلم عن الصحة النفسية بطريقة مبسطة جدًا وهانتكلم عن أهميتها في مجالات حياتنا المختلفة.

رسالة مبادرة بزرميط التانية هي إنها تخلق مجتمـع سوى يساعد بعضه: خلينا نبقى متفقين إن الحياة هاتفضـل صعبة جداً طول ماحنا مش عارفين نتعامل مع بعض. هنا ييجي دور المبادرات اللي هدفها تساعد النـاس عن طريق الأنشطة المختلفة اللي بتحصل عالأرض.

إحنا مُبادرة قامت بمجموعة من الشباب المُهتم بالصحة الفسية ومُهتم إنه يبقى أحسن وإن المجتمع للي عايش فيه يبقى أحسن..  لو عايز تنضم لينا فده شيئ يشرفنا ويزودنا ويقربنا من حلمنا وهدفنا

إنضم لفريق بزرميط من هنا

[ninja_form id=3]