عايز فلوس؟ دي 20 طريقة تقدر تعمل بيها دخل إضافي
قبل ما تعرف ازاي تكسب فلوس، لازم تفهم سيكولوجية مخك لما يعوز يجمع الفلوس دي، “فرويد” شايف ان الانسان مكون من 3 نفسيات بتشكله وهما “الفطرة والنفس العليا والأنا”، الفطرة الحقيقية هي اللي مزروعة فينا من اول الولادة وهي الأساس في دوافعنا وغرائزنا، اما النفس العليا فهي بتتشكل خلال تربيتنا وتوجيه مجتمعنا، يعني الأشخاص الحريصة على فلوسهم يقدروا يشكروا نفسهم العليا، وفي النص بينهم “الأنا”، وهي دي اللي بتاخدلك القرار، ومخططات الثراء السريع دي موجودة عشان بس ترضي فطرتنا والنفس العليا، لان مخ الانسان على طول بيجري على الشئ السهل و”السريع” مش عايزك تتعب.
طب ايه هي احسن طرق تعمل بيها دخل إضافي لو عايز فلوس بسرعة؟
طبعا لما تدور على الانترنت هتلاقي ملايين من النتايج ومش كلها هيكون شرعي، الاستراتيجيات اللي هنذكرها دي بجانب انها حلال الا انها مش بالضرورة تكون سريعة، لكن بالبدء والاستمرار فيها هيساعدك في تحقيق هدفك الكبير.
المحتويــات
1- سواق في (اوبر/ديدي/كريم..)
ودا طبعا لو متوفر معاك رخصة سواقة وفيش وتشبيه.
2- شارك في الأبحاث التسويقية
كتير من الشركات بتعمل أبحاث وتسال عن اراء المستهلكين في منتجهم ومنتجات تانية في مقابل مادي. شوف المقال ده.
3- بيع على امازون
لو عندك العاب فيديو قديمة ممكن تبيعها على عنقود او حاجات قديمة تقدر تبيعها على أوليكس أو غيرها من المواقع بمقابل مبلغ معين ميكونش كبير وتبدأ تسوق لمنتجاتك.
4- اعمل تاسكات اونلاين
دلوقتي في مواقع زي خمسات و Fiverr وغيرهم بتتيحلك إنك تنفذ مهمات سواء ترجمة او تصوير ومهمات تانية سهلة ومش محتاجة خبرات معينة ودا بمقابل مبلغ مادي صغير للمهمة الواحدة.
5- بيع لبس اونلاين!
مش صعب ابدا ان الواحد يشوف تجار جملة وياخد منهم صور للبضاعة ويعرضها على جروب فيسبوك او واتساب ويعمل عدد كبير من الزباين، والربح اللي بيجي بيكون من العمولة اللي بتاخدها بكونك الوسيط بين التاجر والمشتري.
6- سمسار عقارات
كتير من الناس بتشوف شقق للبيع فا ترفعها على olx وتسوق بنفسها للاماكن ولما بيجيبوا المشتري المناسب بياخدوا منه عمولة.
7-ديزاينر على etsy
لو تقدر تبيع منتجات تخص الsoftware/logo designs وشايف انك ممكن تكون مبتكر etsy بتتيحلك انك تبيع منتجاتك عليها.
8- جاوب على أسئلة موقع JustAnswer
9- قدم خدمة على موقع خمسات
لو تقدر تقدم أي خدمة مقابل 5$ اعمل حساب على موقع خمسات وشوف اكتر خدمات بيطلبها المشترين.
10- التدريس من البيت
لو تقدر تقدم دروس خصوصية لطلبة ابتدائي سواء انجليزي أو عربي أو رياضيات ممكن تبدأ تسوق لنفسك في منطقتك وعلى صفح وجروبات المدينة اللي انت ساكن فيها.
11- جليسة أطفال بالساعة
وممكن تنشري خدمتك على خمسات واولكس وعلى جروبات الأمهات على فيسبوك وجروبات المدارس
12-اشتغل مصور
لو عندك الموهبة وبالفعل مصور كتير تقدر تبيعهم على istock أو ShutterStock
13- مدرب خاص
ناس كتير مبتحبش تنزل الجيم ولا تنزل لدكتور يخسسهم، وبيفضلوا يتابعوا مع كابتن رياضي يدربهم صح سواء اونلاين او في البيت، وبيكون التدريب بالساعة.
14- ادخل جمعية
مش قصدي جمعية مع صحابك وزمايلك دلوقتي في ابلكيشنز زي Money Fellowsتقدر تدخل فيه جمعية وتقبض في الدور اللي انت عايزه حسب مقدرتك المادية واحتياجك.
15- العمل الحر
في اخر فترة زاد الطلب على اللي شغالين عمل حر لانهم بيكونوا اقل من الشركات المتخصصة بنسبة 20% على الأقل فا لو شايف نفسك عندك موهبة كتابة أو التصميم، أو لو تقدر تصمم صفحة ويب أو تترجم وغيرهم من الخدمات المطلوبة، تقدر تعمل حساب على مواقع زي upwork- khamsat- fivver-Freelane.
16-احترف الطبخ
الطبخ في اخر كام سنة مبقاش مجرد مهنة في المطاعم أو في برامج تليفزيونية،بقى في جيل جديد أظهر بطريقته الخاصة ان الطبخ فن تحب تشوفه العين، ممكن تعمل قناة على يوتيوب أو تيك توك تعلم فيهم الطبخ وتكسب من الإعلانات، أو تسوق لاكلك وتبيعه اونلاين للناس اللي في محافظتك.
17- جرب موقع Mechanical Turk
هو موقع بيتيحلك تعمل مهمات صغيرة بدون ما تكون محتاج مهارات او خبرات كبيرة.
18- ابدأ مشروعك التجاري!
لو عندك مكان فاضي في بيتك فا مشروعك ممكن يكون مخزن تقدر تأجره، لو عندك عربية ومش بتحب تسخدمها عشان متستهلكش فلوس جرب أجرها لمعارض عربيات وتبقى دي مشروعك، لو عندك هدوم قديمة ابدأ اعمل متجر الكتروني لبيع أو استبدال الهدوم.
19- جرب موقع Listverse
لو الإنجليزي بتاعك كويس تقدر تكتب مقالات محتواها باللغة الإنجليزية وبيكون الربح فيها على حسب اجتهادك في المقال.
20- جرب موقع Teespring
ودا خليته في الاخر لانه موقع موجه أكتر لاصحاب الموهبة، في تصميم الملابس أو في الرسم، وزخرفة الاواني أو اصحاب الحرف الابداعية بشكل عام، تقدر تبيع عليه شغلك وتصميماتك من أول 10$.
خليك عارف ان البيع أو انك تتعلم ازاي تسوق لنفسك هما اهم مهارتين لأي شخص عايز يكون يوم من الأيام غني، وان زي ما مهم انك تكسب فلوس بسرعة، برضو مهم انك تنمي من مهاراتك بسرعة!
