19 خطوة عشان تقفش بيهم الشخص السيكوباتي اللي في حياتك
عملوا قايمة اسمها قائمة هير للشخصيات السيكوباتية عشان يقيموا بيها الحالة العقلية للمجرمين، وكمان بيستخدموها عشان يشخصوا الناس اللي بتظهر عندهم ميول سيكوباتية، معظم الأخصائيين النفسيين بيقولوا علي الشخص السيكوباتي علي أنه شخص مفترس، وبيتسغل الناس، وبيعتمد علي الجاذبية أو الكذب أو العنف عشان يوصل للي هو عايزه، وكتير مننا الناس العاديين يعني بتاعملوا مع ناس فيهم الصفات دي وساعات كتير بنقول لفظ سيكوباتي من غير ما نعرف معناه، هنا هنقولك علي 19طريقة تقدر تقفش بيهم الشخص السيكوباتي اللي في حيتاتك.
- دور علي الشخصيات البليغة اللي عندها جاذبية سطحية، غالبا الشخصيات اللي من النوعية دي السيكوباتية بتميل إنها تلبس ماسك أو قناع عشان تظهر إنها طبيعية ويخليها محبوبة ومصدر سعادة للي حواليها.
- بيكون عنده أحساس بالعظمة، الشخضية السيكوباتية بتؤمن إنها حد ذكي جدا واذكي من كل اللي حواليه وكمان أقوي من كل اللي حواليه.
- راقب وجود حاجة مستمرة للتحفيز. الهدوء والسكينة والتأمل ليست من صفات الشخصيات السيكوباتية، فهم يحتاجون للترفيه والنشاط المستمر.
- حدد لو كان الشخص اللي قدامك مريض بالكدب ولا لا ، ده لأن الشخص السيكوباتي بيكدب عمال علي بطال وبكل أنواع الكدب أبيض بقي أسود رمادي مش هتفرق معاه، وبيخترع قصص ضخمه وخيالية عشان يضلل ويكدب علي اللي قدامه.
- أعمل تقيم لمستوى التلاعب والاستغلال، ده عشان الشخص السيكوباتي بيقي نبغه في الخداع وقادر انه يخلي ويقنعه أنه يعمل حاجات مكنش بيعملها قبل كده، وممكن يستغل فكرة الشعور بالذنب أو القوه عشان يتلاعب باللي قدامه.
- دور علي الشعور بالذنب، الشخص السيكوباتي بيبقي عنه الشعور بالذنب دا منعدم يعني يقتل القتيل ويمشي في جنازته، بس ممكن يتظاهر أنه ندمان بهدف التلاعب برضه والكدب والخداع مش أكثر عشان يخلي اللي قدامه يطبطب عليه بدل ما تهب فيها من كتر الغضب.
- أعمل تقيم الردود الانفعالية أو العاطفة اللي بتظهر علي الشخص السيكوباتي، الدراسات قالت أن الشخصيات السيكوباتية مش بتستجيب انفعالياً للأحداث اللي بيحس بيها الناس العادية سواء انفعالات إيجابية أو سلبية زي “الحب” أو “الاغتصاب”، لكن النوعية دي من الناس بتبين ردود أفعال مش معتاده أو مش مناسبه للموقف لو مثلا في جنازة أو بيزور حد عامل حادثة في المستشفي.
الفرق بين الردود الانفعالية للسيكوباتيين و الناس اللي عندهم توحد هو أنه الناس اللي عندهم توحد بيظهروا بشكل انفعالي حذر، بس بيقدروا يلهوا نفسهم او ينشغلوا في نفس الوقت أو بعد الرد الأنفعالي في حاجات تانيه زي الابحاث الاعمال اليدويه وغيرها، بس السيكوباتين سطحيين معندهمش أي حاجه مستخبيه تحت المشاعر السطحية اللي باينه للناس.
- دور الشخص اللي معندهوش أي ذرة تعاطف أو شغف، ده لأن الشخص السيكوباتي بيكون قلبه قاسي، وميقدرش يفهم المشاعر والأحاسيس زي الناس العادية، فيه أبحاث بتقول أن الشخص السيكوباتي مش بيظهر أي نوع من التعاطف تشكل تلقائي بس بيستخدم التعاطف وسيله للخداع برضه ، لكنه عنده قدره علي أنه يستغل تعاطف الأخرين ويقرا أفكارهم واحسايسهم، لكن معندهوش قدره علي التعاطف الانفعالي.
فيه طريقة تانية عشان تعرف ازي اتفرق بين الشخص السيكوباتي والشخص التوحدي ، الشخص التوحدي بيكون زي الريبوت ومش بيكون عنده أي نوع من التعاطف، لكن الشخص اللي من النو ده بيهتم بصدق الناس التانية وبيقدر يوضح شغفه.
- بص علي أسلوب حياة الشخص السيكوباتي، الشخصيات السيكوباتية عادة بتكون متطفلة، يعني شخصيه كده لازقه بيحاول يحشر نفسه في أي حاجه ويطلع منها مصلحه، كمان بيستغل الناس التانية عشان يحقق مصلحته، وسهل أوي أنه يدخل حياة الناس بسرعه ويتطفل عليهم.
- خلي بالك من سلوكيات الشخص ده،قائمة هاير فيها مؤشرات سلوكية عن الشخصية السيكوباتيه زي أنه عنده ضعف التحكم بالسلوك، الفوضى الجنسية، ومشاكل سلوكية مبكرة.
- اتكلم معاه عن أهدافه، لشخص السيكوباتي بكون عنده أهداف غير واقعية بالمرة، او معندهمش أهداف خالص، أو أن أهدافهم مش قابله لأنها تتحقق أساسا وفيها شئ من المبالغه ومبنيه علي إحساسهم بقدراتهم وإنجازاتهم.
- راقب الشخص عفوي و لسانه عايز قطعه أو مستهترا، الصفتين دول اللي بيميزوا الشخص السيكوباتي.
- فكر لو كان بيعرف وبيقبل أنه يتحمل المسئؤلية ولا لا،يستحيل على السيكوباتي أنه يعترف انه غلط أو حتي يعتذر عن غلطه، لكن مع الضغط ممكن يتحمل أنه يعتر بأنه أخطأ بس في الحالة دي مش هيتلاعب عشان هو عارف ان فيه عقاب وهياخد علي دماغة، ممكن كمان يقلب الترابيزة عليك بمعني أنه يقلب الأتهامات بدل ما تبقي موجهه ليه تتعكس، عشان يخلي قدامه هو اللي مفتري علية.
- معندهوش علاقات زوجية طويله ، يعني عمال ياكل يرمي مش بيعمر في جوازه من الأخر، ودايما بيقول علي مراتاته أنهم هما اللي وحشين وفشلين وهو اللي كويس ومش السبب في فشل العلاقة بينهم.
- دور علي التاريخ الإجرامي له وهو صغير، الشخص السيكوباتي بيميل لأنه يبقي مجرم أو يتركب جرايم من صغره، وبيكون عدواني بطبعه.
- عنده قدرة عالية في أنه يتفنن في الجريمة، ممكن يرتكب جرايم كتير ويتقبض عليه ويدخل السجن، بس في نفس الوقت يقدر يفلت من العقاب بسهوله.
- ممكن يمثل عليك بأنه مسكين وغلبان عشان يقدر يلعب بأحاسيس الناس اللي قدامه، وبالتالي يتعاطفوا معاه ويقدر يتسغلهم بسهوله، وممكن كمان يعمل لنفسه قناع أنفعالي مزيف عشان يخدعك.
- الفرق بين الشخص السيكوباتي والشخص القلقان أن الشخص القلق بيحس بالذنب والعجز وبيقدر يعبر عن ده كويس، بس السيكوباتي ييعمل ده بشكل ظاهري، وكمان القلقان العادي يظهر أعراض القلق غصب عنه بس السيكوباني بيقدر يخفي قلقه علي حسب رغبته.
- خالي بالك من معاملته للناس اللي ملهوش مصلحه معاهم، لأنه بيتعمد أنه يذلهم ويعاملهم بشكل سئ أو يهاجمهم أو يقتلهم لو حد وقف قدامه أو قاومه.
المهم من الأخر خلي بالك وخلي عندك ثقه في أحساسك تجاه النوعية دي من الأشخاص عشان ما تتعرضش لأذي وابعد عنه عشان ما يستغلكش، وتضطر تدخل معاه في علاقة هتطلع منها أنت اللي خسران.
ما تخلطش بين الشخص السيكوباتي وبين الأنواع التانية من الأضطرابات زي القلق و التوحد.
ما تصنفش الشخص اللي قدامك علي أنه يسكوباتي لو لقيت فيه صفه واحدة من الصفات اللي قلناها فوق، لأن ده بيحتاح دكتور نفسي هو اللي يشخص الحالة كويس.
