يا حبيبتى احنا بقينا واحد جملة لطيفة بيستخدمها الراجل كتير قوى عشان يحسسك بقوة العلاقة ما بينا أحيانا بتكون وسيلة عشان يبقى متسلط و أساسها البارانويا و الشك .

و كمان مينفعش نبقى واحد لأن محدش يبحب نفسه ممكن تكون نيته كويسة و أحنا البنات شريرين و بنفسر كل حاجة غلط بس تعالوا كدا نفكر سوا .

هو ينفع حد يحب حد شبه بالظبط فى التفكير و الرأى و المنطق و التصرفات طبيعتنا كبشر أننا نكون مختلفين بنحب حاجات مختلبفة بنفكر و كل واحد فينا له رأى عشان نكما بعض .

و هنا مربط الفرس ساعات بيكون الهدف التسلط احنا واحد بس ..رأى واحد بس و تصرف وأحد اللى ينفع تعمليه و هو اللى أنا عاوزة و هنا  مش ظالمين .

و ده طبعا بيظهر مع العشرة و بعد سقوط أقنعة المقابلات الأولى بتاعت الراجل المتفاهم الحنون و اللى بيخاف عليكى … و هو فى الحقيقة بيخاف منك و من تفكريك أو تصرفاتك من غيره عشان ده مش هيمشى على هواه .

صفات المتسلط النفسي

** بيحاول يصعب عليكي طول الوقت

لو كان خطيبك بيحاول طول الوقت أنه يعمل غلبان و يصعب عليكى برغم تكرار التصرفات السيئة فهو بيحاول دايما يلعب على الجانب العاطفى و هو شخص غير سوى معدوم الضمير.

**أستغلالى أخر حاجة

دايما بيدور على مصلحته و بيلعب بيكى من أول دقيقة يخلق المشكلة و بعد فترة يجد لها الحل بس طبعا اللى كان مرتبه من الأول و يخليكى دايما بتفكرى هو بيعمل كدا ليه؟ يعنى مكنش عارف ايه اللى ممكن يحصل ؟
لأنه بيحاول يستغلك و يستفيد أخر حاجة حتى لو ده هيضرك .

**متطفل

حاشر نفسه فى كل حاجة و عايش فى الدنيا براشوت على أى حد مبيحبش يتعب بس عاوز يكسب و بيدور دايما على حد غيره يتعب عشان “يجبلوا لبن العصفور” كل اللى نفسه فيه .

** مخادع

من أهم صفاته و أسلحته عشان يضحك عليكى ياخد حاجة أو موقف حقيقى و يخلطوا بشويه كذب و لما تحاولى توجهيه يغضب و يهرب .

** بصله فى بوكيه ورد

بيحاول دايما يجمل نفسه بالكلام الحلو و الوعود اللى عمرك ما هتشوفيها حقيقة ذى الثعبان جلده ناعم وألوانه براقة بس لو قرب منك يلدعك .

**مغرور مبيقبلش لوم

شايف نفسه ملوش ذى و يحاول دايما يقلل من الناس اللى فى ذيه سواء فى السن أو العمل أو العايلة .

و مبيقبش اللوم و العتاب يعنى لو عتبتية على حاجة هيطلعك أنت الغلطانة و كمان هيلبسك عيبه .

**غاوى حفر

تليقه دايما مرتبلك المقلب التمام و حافرلك الحفرة اللى ناوى يوقعك فيها و يعقد يتفرج عليكى لحد ما تقعى و كمان بيستمتع بعزاب الناس من كتر القلق و التوتر اللى بيعيشهم فيه يبقى حالك أيه معه فى بيت واحد .

طبعا لو أتأكدتى أنه متسلط أنفدى بجلدك و فركشي قبل ما يجبلك عقد نفسية متخطرش حتى على بالك و على فكة حتى الداكترة النفسين بينصحوا بالبعد عن المتسلط النفسى فأهربى قبل ما تقع الفاس فى الرأس و بعدين يبقى الهروب بطلاق مش مجرد دبلة و خلاص .

نصيحة هامة ليه من غيرش أحنا واحد بجملة أحلى و معناها ألطف أنت بتكملينى !!

مفهوم المشاركة فى الحياة بين أتنين هو أهم شئ ينجح العلاقة ذى أى شركة لو هدفنا تنجح هنسعى لحد ما نوصل و نتمنى لكل البنات يعيشوا فى تبات و نبات و يخلفوا صبيان و بنات