هوس السرقة : إبني المراهق بيسرق مع إنه مش محتاج، أعمل إيه؟
حادوتة صغيرة بتحصل لناس كتير أم بيفيض بيها الكيل من كتر ما بتخبي فضايح أبنها اللى مهوس بالسرقة مع أنه مش محتاج. و تقولك أنها أستعوضت ربنا فيه خلاص بقى مجرم و تعبت من كتر ما بتغطى وتسدد من ورا كل اللى بيسرقوا. بس ده مش الحل عشان أبنك اللى أعتاد السرقة مش شرط يكون مجرم أو حرامى. ممكن جداً يكون بيعانى من الكليبتومانيا أو هوس السرقة خـاصة لو هو مش محتـاج يسرق.
تعرفى أيه عن هوس السرقة أو الكليبتومانيا ؟
و ده اضطراب نفسي بيصيب المراهقين بيخلى سلوك السرقة حاجة تفرح عشان الهدف مش بيكون أبدا الحاجة اللى بيسرقها.
لأنها فى الأغلب بتكون ملهاش قيمة مادية عالية لگن الأثارة ، المخاطرة و اللذة اللحظية هى الهدف الحقيقى.
يعنى الهدف بيكون إشباع رغبة جواه هو مش السرقة نفسها.
كمان بيكون جواه أحساس ذى المدمن مش قادر يبطل السرقة و لما بيلقى فرصة مش بيقدر يمنع نفسه.
لكن مجتمعنا الشرقى بيشوف المراهق ده حرامى مش مريض فبيتعامل معاه على أساس أنه شخص مرفوض.
ولكن الحقيقة أن هوس السرقة و مش هيختفى لوحده .
ده ليكون سببه مجموعة من الإضطرابات المتداخلة بالتالي محتلج لعلاج ومتابعة.
لماذا يسرق المراهق؟
الوضع الاقتصادي وعدم الأمان
المراهق من أسرة مرتاحة ماديا بس وضعها المالى مش مستقر.
شعوره بعدم الأمان وعدم الاستقرار للمركز الاقتصادي للأسرة و خوفه من أن الحال يتغيربيه.
الفكرة دى بتضطره يسرق عشان يأمن نفسه و يحس أن معاه اللى يكفيه في أي وقت.
فراغ ونقص
كمان ساعات الملل و عدم وجود مواقف مليانة بالمخاطرة و الأثارة بيخليه يلجأ لسلوكيات غلط ذى السرقة عشان يملأ وقت فراغه.
أو أحساس بالنقص و أنه أقل من أصحابه ماديا يخليهيستحل سرقتهم.
لفت الأنتباه
الأطفال و المراهقين مش سهل تقول للأم و الأب أنا محتاج شوية أهتمام.
بس بيكون عندهم طرق تانية غير الكلام فممكن تطلع منهم مصايب ذى السرقة لمجرد طلب الأهتمام و لفت النظر ليه.
أنا بسرق عشان محتاج أحس أنى موجود و أنكوا حاسسين بيا حتى لو كنت جيبلكوا مصيبة.
تعبير عن الغضب
كمان الغضب المكبوت داخل نفسه بيكون السبب يعنى لو حس بغربة وسط أهله.
كمان شعور عدم الأنتماء للبيت و الناس اللى عايشين معاه بيخليه يسرق حاجات من البيت.
كنوع من أنواع التنفيس أو عشان يحسس أهله بنفس الغضب اللى جواه.
إحساس بالغيرة
سواء كانت غيرة من الأخ المدلل أو من الأصدقاء بتخليه يسرقو فى الغالب بيحب كمان يتكشف عشان يخلى أهله يهتموا بيه و بمشاكله شويه.
أزاى نساعد مريض هوس السرقة؟
العلاج النفسى :
الأهل دايما بتحاول تساعد بس مهما حاولت تمنعه هتلاقيه محتاج مساعدة من طبيب نفسي.
عشان الفكرة المسيطرة على عقله محتاجة علاج نفسى طبعا مع علاج السبب الحقيقى ورا السرقة.
التدخل السريع:
لأن كل ما المدة بتطول ممكن تتحول لعادة صعب تغيرها .
عشان بتبنى معتقدات جواه عن نفسه سيئة و بتبدأ صورته تتشوه عن نفسه.
الأهتمام و الحوار :
أقصر طريق للمساعدة ولادنا هى الأهتمام بيهم و بأفكارهم و مشاعرهم.
لأن الأهمال بيحدفهم دايما فى سكك تانية كلها خطر على نفسيتهم.
كمان المراهق مبقاش طفل لأنه أقرب للكبار فلازم نعوده إنه له رأى و أعتبار فى العيلة.
التعبير عن الحب دايما عشان نفكره دايما أننا بنحبه و بنهتم برأيه و نقدره.
أشغلى وقت أبنك:
حلو أن المراهق يمارس رياضة أو هواية يكون بيحبها تساعده يشغل وقته.
وتبعده عن الأفكار السيئة اللى بيطلعها الفراغ و الملل فى عقل المراهقين.
الأمان :
مهم أننا نحسس المراهق بالأمان رغم التغيرات اللى بتجد على أوضاع العيلة المالية .
كمان نعلمه يشتغل فى الصيف و ده ممكن يساعده يحس بالأمان أكتر من السرقة.
مهم أننا نحب ولادنا من غير شرط ولا مقابل مش عشان هما شاطرين ولا مؤدبيندى حاجات بتخلينا فاخورين بولادنا بس مش هى سبب الحب.
عشان كدا لازم نقبل ولادنا برغم عيوبهم و أمراضهم النفسية و نساعدهم يكونوا أحسن.
