مسألتش نفسك ليه بتفرح لما تأكل السلطة فى الصيف بس فى الشتاء بتبقى حاسس أنك محتاج تأكل اكل سخن اكتر عشان ترتاح و تدفى دا ممكت يكون سببه انك واحد من اللى بيعانوا من حالة الإضطراب العاطفى الموسيمىودول نسبتهم حوالى 7 % من الناس فى العالم كله .

او ممكن يكون دا بسبب كأبة الشتاء فهيكون صعب عليك أنك تقاوم رغبتك فى الأكل زيادة عن اللزوم .

و تلاقى نفسك مشتاق للمكرونة البشاميل و،طاجن الأرز المعمر أو حتى سلطنية شوربة عدس تدفيك و مع الأسف كلها نشويات هتحس بيها فى أخر الشتاء مع زيادة الوزن طبعا .

و علشان كأبة الشتاء بتجبرنا أننا نكتر من الأكلات اللى مليانة دهون و نشويات فطبعا وزننا بيزيد فى الشتاء .
عشان كدا يفضل أننا ناكل اللى بنحبه بس نحاول نحافظ أننا منزودش الكميات عشان منتعبش طبعا مع الحفاظ على أكل وجبات السعادة اللى اتكلمنا عنها قبل كدا .

كتير من الخضروات الشتوية مبنديهاش حقها برغم أنها فيها فوائد و كمان مش هتزود وزننا أوى ودي حاجه مهمه لينا كلنا

” ايه الخضار الصحي بس ما يتخنش في نفس الوقت ” 

* قرع العسل :

من الحاجات المليانة فيتامينات و ألياف ومش بتزود الوزن ده طبعا لو أطبخ صح من غير نسبة سكر كبيرة ممكن يتعمل على البخار أو مشوى أو مسلوق مع قليل من السكر لأنه هو نفسه فيه كمية سكر فركتوز عالية .

فمش لازم يبقى القرع بالبشاميل و الدهون بس كفاية أنه يتشوى وو نضيفله مكسرات عشان يدفينا و ما يتخنش.

* الخرشوف :

و ده بقى غنى بالحديد و مضادات الأكسدة لو جربت تعمله بلحمة مفرومة و جبنة على الوش هيبقى هايل
كمان ممكن تعامله معاملة الماشروم و تضيفه فى شوربة الكريمة أو مع المكرونة و الخضار على الطريقة الإيطالية .

* الكرنب :

طبعا لو محشى بس بدهون قليلة و رز قليل مع خضرة و بصل كتير هيبقى كويس .

كمان ممكن تستخدم كرنب السلطة و يا سلام لو كان البنفسجي لأن اللون بخليه غنى بمضادات الأكسدة ده غير فيتامين C اللى بيساعد الجسم يقاوم نزلات البرد.

* الجرجير :

مليان فوايد و لو أضافته للسلطة الألياف و الفيتامينات هتقلل إحسا س الجوع عنك كمان لو جربت تشوحه على النار مع زيت الزتون هيعمل طعم جديد حتى لو مع الجبنة.

* شوربة العدس بالخضار: 

صدقنى هتبقى أفيد و أطعم و ده لما تضيف للعدس لما تسلقه كوسة و جزر و قرع و بصل و ثوم و بعدين أضربها فى الخلاط و صفيها و تشرب أحلى شوربة عدس مع الشعرية أو العيش المحمص .

قوللنا ايه خضار تاني شتوي ممكن نعمله بطريقه صحيه ؟