أحلام جنسية كتير؟ تعال نفهمها كويس وإزاي نتحكم فيها؟
بتعتبر أحلام جنسية واحدة من أكتر أنواع المشاكل اللي بيعاني منها كتير من الناس، وعلى الرغم من انها من احلام طبيعية الاّ انها بتخلي الشخص يحس بالقلق والتوتر لما يصحي من النوم، علي أساس أنه خايف لحسن يكون كونه بيحلم النوعية دي من الإحلام أنه يكون عنده مشاكل جنسية، لكن العلماء أكدوا أن النوعية دي من الأحلام بتحصل خلال النوم بطريقة خارجه عن إرادة الشخص زيها زي الخيال الجنسي اللي ممكن ييجي للشخص حتى وهو صاحي، رغم أن بعض الرجاله بيحسوا بالإحراج منها.
المحتويــات
إيه اللي بيسبب أحلام جنسية؟
قبل ما نتكلم عن الطرق اللي ممكن نتبعها عشان نقلل من الأحلام دي، لازم نتكلم الأول عن السبب ورا النوعية دي من الأحلام، خصوصاً لوان الاحلام دي بتيجي للشباب اللي في مرحلة المراهقة واللي بتبدا مع سن البلوغ لما الشخص يبدأ يكتشف نفسه وشهوته الجنسية.
وعلى الرغم من إن المحللون النفسيون مش بيتحفّظوا عن أنهم يقولوا مصادر النوعية دي من الأحلام ودوافعها، لكنهم قالوا ان النوعية دي من الأحلام مش بتيجي صدفة، لكنه بتيجي بسبب رغبة جنسية مكبوته، الأحلام دليل على خيال الحالم الواسع أو دليل قدرته على أنه يتخيّل سيناريوهات عشان يشبع رغبات غير واعية زي ما قال بحسب فرويد، وبالتالي بتعتبر مخرج لإفراغ المشاعر المكبوتة وتلبية الإحتياجات الجنسية اللي مش قادرن ينفذوها في الحقيقة.
حسب المحللين النفسانيين الاحلام اللي بتحصل ليها دوافع وهي مش مجرد فعل ملوش مصدر اوملوش مسبب وغالبا ما بتيجي الاحلام كل الاحلام مش الجنسية بس لما يدخل الشخص النائم لمرحلة النوم الخفيف والمعروف ان النوم بيتوزع على دورات بمعدل 90 دقيقة تقريبا ومن بين الاحلام اللي ممكن نحلم بيها هي الاحلام الجنسية وزي ما قلنا قبل كده بتبتدي تظهر في فترة المراهقة سواء للبنات أو الولاد بس بيكون خلال النهار اتعرضوا لحاجه اثارت مشاعرهم الجنسية زي مثلا بنوته حلوه شافها أو شاب وسيم عاكسها وغيرها أو مشاهد جنسية خفيفه زي اللي بتيجي في الأفلام .
في نوعين أحلام جنسية بيفسرونها ويقسموها الى قسمين أحلام من النوع اللي مش بيعدي مرحلة ممارسة جنسية وبيكون عبارة عن ملاطفة ومداعبة بس والنوع او القسم التاني بيصنف علي أنه انعكاس لرغبة ممارسة الجنس، والنوع الأول بيعبر علي إن الشخص بيعاني من كبت جنسي أو نفسه يمارس العلاقة الجنسية في حياته العادية مش في الحلم، الخلاصة بتقول إن النوع ده من الأحلام امر طبيعي جزء من المنظومة الحياتية للشخص ومفيش منها خوف، أما بخصوص التفسير الدقيق للاحلام الجنسية فا مفيش اي شخص ممكنيقد يقوم بتفسير الأحلام ، لكن فيه اللي ربنا رزقة بموهبه تفسير الأحلام بشكل عام زي ابن سيرين .
إزاي نحلم أحلام جنسية أقل؟
-
الاسترخاء:
ما ينفعش ندخل ننام وأنا متوترين، لأن ده بيزود فرصتنا في أننا نحلم أحلام جنسية، من الأفضل أننا نحاول نسترخي ونتخلص من التوتر الأول قدر الامكان قبل النوم وبعدين ناخد كفايتنا من النوم، كمان ممارسة الرياضة مهمه بس تكون بشكل منتظم.
-
النوم على الظهر:
يعتبر النوم على الظهر وأننا نلبس لبس واسع مش ضيق شئ مستحب لما نيجي ننام دا برضه ممكن يساعد في أنه يقلل من فرص الأحلام الجنسية.
-
أبعد الأفلام الجنسية:
اللي بيحلم أحلام جنسية كتير، ممكن يكون عنده مشكله انه بيتفرج علي أفلام جنسية كتير بالنهار أو قبل ما ينام ،فا عشان نقلل من فرصه الأحلام اللي من النوعية دي من الأفضل أننا نبعد عن الأفلام أو الصور المثيرة.
-
مارس علاقة صحية:
الشخص اللي بيعاني من مشكلة مع أحلامه الجنسية ممكن يحاول يمارس علاقة جنسية صحية بشكل كامل طبعا في الإطار الشرعي ليها، عشان يقلل من حاله الكبت الجنسي اللي بيعاني منها وبتأثر علي أحلامه.
أهم حاجات لازم نعرفها عن الأحلام الجنسية
مبدئيًا الأحلام دي جانب غامض جدًا من نفسيتك كإنسان. الأحلام دي أحيانًا بتكون حقيقية وأحيانًا مثيرة و أحيانًا تانية بتكون غريبة جدًا. وعلى الرغم من أن الأحلام دي مش منتشرة قوي بين الناس، (أو عالأقل مش ناس كتير بتعرف تتكلم عنها وماتتكسفش 🙂 ) إلا أننا عارفين شوية حاجات ورا الأحلام دي:
الأحلام الجنسية بشكل عام
هي أحلام فيها جانب من جوانب الجنس، بما في ذلك الجماع أو المداعبة أو حتى شوية تخيلات الجنسية.
أي حد ممكن يحلم بيها
بغض النظر عن عمره أو نوعه أو حتى ميوله الجنسية. وممكن كمان تحصل في أي مرحلة من مراحل النوم.
إنعكاس لرغباتنا؟ أحيانًا!
واحدة من النظريات حوالين الأحلام دي هي أنها مجرد انعكاس لرغباتنا اللاواعية. يعني ساعات بيعبر عقلنا اللاواعي عن رغبات جنسية إحنا منعرفهاش لسة، أو ممكن نكون مش مرتاحين إننا نعترف إننا بنحبها وإحنا صاحيين.
إنعكاس لحاجات تانية خالص؟ ممكن برضه!
وارد برضه! لأن فيه نظرية تانية بتقول إن الأحلام دي هي ببساطة نتيجة ثانوية للعملية الطبيعية اللي بيعلمها مخنا وإحنا نايمين عشان يرتب الذكريات اللي عنده والحاجات اللي اتعلمها. وبيدمج شوية محتوى جنسي عادي خالص في الحاجات دي بدون قصد وده بيسبب أحلام مالهاش أي معنى بالضرورة يعني.
هل الأحلام الجنسية حاجة طبيعية؟
أكيد معظمنا بيتكسف من الأحلام دي، لكن الحقيقة هي حاجة ماتكسفش خالص وطبيعية تمامًا. يعني مش المفروض تتكسف إلا لو الموضوع خرج من الحلم وطلع عالملاية 😆
لا نتكلم بجد!
الحقيقة اللي متأكدين منها إن الأحلام دي ولا مُضرة ولا بالضرورة بتعبر عن أي حاجة قليلة الأدب أصلًا .. بل كمان ممكن تكون مُفيدة لأنها مُتنفس عشان تقلل التوتر والقلق وتحسن مزاجنا بشكل عام وبدون تحكم مننا.
إحنا بس محتاجين منديش للموضوع أكبر من حجمه.
إمتى نعتبر الأحلام الجنسية مشكلة؟
مانقدرش نعمم ونقول إن كل الأحلام النوتي إيجابية أو ممتعة برضه. لأن في أحلام ممكن تكون مزعجة أو حتى صادمة.
يعني مثلًا لو كنت بتحلم حلم جنسي مُزعج بشكل متكرر، فدي ممكن تكون علامة على مشاكل عاطفية أو نفسية وساعتها بننصحك إنك تتكلم فيها مع أخصائي صحة نفسية.
