اكتئاب الدورة الشهرية: أسبابه وأعراضه
مش عايزة أروح الشغل، مش قادرة أتحرك، مليش نفس أعمل أي حاجة، شكلي تعبان! كل دا بيحصل للستات في فترة اكتئاب الدورة الشهرية بكل تعبها، بتحس فيها أنها فاقدة الأمل ومش طايقة نفسها، لكن متقلقيش دي فترة بسيطة وهتعدي
ايه هو اكتئاب الدورة الشهرية
مجموعة اضطرابات وقلق وتغيرات في الحالة النفسية، بتبدأ قبل الدورة وتقل شدتها مع الدورة الشهرية وتنتهي بإنتهائها، وبعدها بتتحسن الحالة النفسية وبيخلص اكتئاب الدورة الشهرية، شدة الأعراض بتختلف من أنثى للتانية، وفي حالات الأعراض بتزيد جداً وبتحتاج لتدخل طبي
أسباب اكتئاب ما قبل الدورة الشهرية
1 التغيرات الهرمونية:
نقص هرمون البروجسترون وعدم التوازن بينه وبين الاستروجين
2-التغيرات الكيميائية في الدماغ:
زيادة هرومون السيرتونين أهم العوامل في ظهور أعراض القلق والاكتئاب، ويتأثر مستواه في الدم بالإجهاد والتعب
3-الوراثة والصحة العامة:
الوراثة من الأم أو الجده أو العمة والخالة، كمان الصحة العامة بتأثر فالأنيميا وغيرها بتسبب ألم ونزيف شديد، كمان أمراض الغدة الدرقية، وفقر الدم، وأعراض سن اليأس.
4- المشاكل والقلق والضغط :
المشاكل اليومية والضغط من البيت والشغل، كل دا بيتراكم وبيخرج في شكل اكتئاب وتعب وقت الدورة
أعراض اكتئاب الدورة الشهرية
- الأعراض النفسية
1- اكتئاب المتغير، وقت تبقى كويسة ووقت تاني حابه العزلة
2- زيادة أو قله الشهية
3- التعب والحاجة للنوم
4- قلق وغضب على أصغر حاجة، فقد السيطرة على النفس، الشعور باليأس والعجر وعدم تقبل الذات
5-ضعف في التركيز
- الأعراض الجسدية
1-ألم وانتفاخ في الصدر
2 صداع
3- آلام في المفاصل والعضلات
4- زيادة الوزن والانتفاخ في البطن والرجل
تخفيف اكتئاب الدورة الشهرية
1- المسكنات :
مشروبات دافية، زي النعناع والبابونج، أو بالأدوية زي الكيتوفان
2- النظام الغذائي :
تقسمي الوجبات كل ساعتين واجبة خفيفة عشان تدي طاقة، بس مفيهاش ملح ولا دهون ولا سكريات ولا أملاح ولا كافين، كلي فواكة وخضار كتير وحبوب زي العيش والقمح، كمان السمك والسلمون والتونة الغني بالأوميجا3، عشان يخفف من انقباضات الرحم
3- الرياضة :
رياضة يومية طول الشهر ووقت الدورة ركزي على منطقة البطن والظهر والركب عشان تخففي ألمهم
4- الكشف الطبي :
لو الأعراض بتيجي شديدة جداً، أكشفي على الغدة والأنميا واظبطي نسبتهم مع الدكتور
5- الراحة والبعد عن أي ضغط :
أرتاحي في البيت وقللي أي توتر وأي مشكلة تجنبيها لحد فترة الدورة ما تخلص وقللي ضغط الشغل كمان الوقت دا
6- الدفء والملابس المريحة :
أختاري أكثر لبس بترتاحي فيه وبيخلي شكلك جميل عشان يزود ثقتك في نفسك وكمان دفي منطقة البطن والظهر سواء بالهدوم أو كمدات الماية الدافية
7- اسألي :
اسألي الستات الأكبر منك وخبرتهم في تخفيف تعبها وأتعلمي من خبرتهم
كلمينا عن المتاعب إلي بتقابلك الفترة دي؟
