إزاي تساعدي جوزك لو عنده توتر عصبي؟

أزاى تساعد حد بتحبه عشان يتخلص من التوتر العصبى ؟ رغم أن توتره بيخلى علاقته مع أغلب الناس اللى حوله بعافية حبتين و عشان محدش فاهمه و لاحاسس بيه … تعملى ايه لو كان جوزك بيحس بتوتر و عصبي طول الوقت ….. فلازم أنتى تهدى و تستوعبى انه حتى لو مش قادر يقولك على اللى جواه فالعصبية ديه غصب عنه .

عشان كده لازم تستحمليه وتحاولى تساعدى فى علاجه عشان يخرج من الحالة اللى ضغطة على نفسيته …. ده غير الوجع اللى بيحس بيه فى جسمه من كتر التوتر و القلق .

الخطوة الأولى دايما بتبقى أننا نعرف سبب التوتر و بعدين أزاى تخلص منه .
و ده هيحتاج مسندة كبيرة منك عشان تحاولى معه انه يقلع النظارة السودا و يشوف الدنيا بشكل إيجابى? How to be positive مع متابعة الدكتور و العلاج بس المهم انه يحس أنك معه مهما حصل لحد ما تعدى الأزمة .

 طلع الطاقة السلبية فى المشى أو الجرى

الرياضة دايما بتكون من الحاجات اللى يتطلع الطاقة السلبية و تخلينا نحس أننا فريش من جديد … و يا سلام لو حاولتتى تخليها أسلوب حياة مستديم هتغير مود جوزك و تحول تفكيره عن أسباب التوتر .

” الهدوء و المشاركة ”

الجو الهادى الناعم فى البيت هيساعده انه يربح أعصابه … طبعا يا ريت تبعدى عن المشاكل و نكد على قد ما تقدرى .
ده طبعا جنب انك تبقى مراته و صحبته اللى بيرتاح لما يحكلها و لو ده مش كفاية يبقى شجعيه على الخروج مع أصحابه … قاعدة الصحاب و الضحك و الرغى بيقلل التوتر و يساعد على الراحة النفسية .

جربت  Meditation Therapy

و دى حاجة هتهدى أعصابك انتى كمان من الضغوط بس لو اتشاركنا فيها و رحتوا سوا ده هيشجعكوا أكتر على الرابحة و الأكل …. و الموضوع ده بقى منتشر جدا وناس كتير بتحب تدوس فيه عشان تخلص من مشاكل اليوم و تصفى ذهنها عشان نشوف الأمور بشكل أوضح .

 الى يشوف بلاوى الناس ……

شجعيه انه يشارك فى أى عمل خير لناس محتاجة أو عندها مشاكل اى عمل تطوعى زيارة أطفال أيتام أو دور مسنين ….. أو انه يشارك فى مساعده و زيارة الناس عايلة محتاجة المساعدة … عشان ساعات الواحد بيضخم مشكله هو لمجرد انها بتعته و تخصه !!

لكنه لما بيشوف ناس عندها هموم أكتر منه و يمدلهم يده يحاول يساعد بذات لو كان ده بوقته و مجهوده مش بالفلوس ….بيرجع تانى و يشوف مشكله بحجمها الطبيعى .

فكل ما تساعدى يعطى اللى حوليه و يرعيهم ده هينفعه عشان يبقى مرن أكتر و يتقبل مشكله بدون توتر .

 القهوة  و السجارة أصحاب التوتر

معظم الرجالة اللى عندهم توتر و بذات لو عنده بزنس و خايف دايما من الخسارة مبيسبش القهوة و السجارة ….. هنا هتحاولى تساعدى يقلل الكافيين … دورى على حاجة تانية يكون بيحبها و تنسيه المكيفات على الأقل فى البيت لأن الموضوع ممكن يتعدى الحاجات ديه و يروح فى سكة تانية زى الكحوليات و drugs عشان يلقى اللى يحسسه بالهدوء المؤقت.

و طبعا لازم تكونى متابعة كل التطورات مع الدكتور عشان تقدرى تساعديه.

المهم أنه يحس انها مش مشكلته لوحده دى مشكلتكوا انتو الأتنين وزى أى صفقة بيعملها فى شغله الجواز كمان شركة و لازم هنتعب سوا بس برده لو فكرنا صح هنكسب كتير قووووى قدام .

فلازم نشوف الدنيا بعين حلوة لان بعد التعب أكيد هتلاقوا نتيجة فى الأخر على الأقل ده هيقربك منه أكتر و أكتر و يدعم علاقتكم …. و مع الوقت التوتر يقل و الحياة تبقى هادية …. لأنه مفيش عصاية سحرية ممكن تغير حياتنا فى لحظة التغير بياخد وقت وجهد …. بس البنى ادم لازم يحاول طول ما هو عايش أنه يحسن حياته هو و اللى حوليه…… و طوال ما بنتنفس هيفضل فى أمل لبكرة أحلى من النهاردة .