العيال

ولادي بيغيروا من بعض، أعمل إيه؟

أزاى أبطل حبيبى الغيرة من النونو الجديد

لازم تعملى حساب غيرة الأخ الأكبر من الطفل الجديد لأنها  بتجبله مشاكل نفسية كتير فى المستقبل. وطبعا رغم تعب الحمل ومسئوليات البيت اللى مبتخلص غير المجهود مع البابى الجديد  واللى ملوش دعوة أنت تعبانة ولا بإيه.

الطفل الأكبر لازم تراعيه حبه زيادة لانه بيحس بحاجة غريبة مش فاهمها حتى و انتى لسه حامل قبل ما يجى أخوه الصغيرة لدنيا.

الموضوع هيأخد منك جهد نفسي و بدنى لكن أكيد ولادنا يستحقوا أننا نتعب عشانهم .

لان الغيرة أحساس طبيعى بس المهم أنه ميأثرش فى نفسية أبنى عشان لو زاد هيخليه كمان عاوز يأذى النونو الصغيرة و أنت أكيد عاوزة تحفظى عليهم هما الأتنين.

أيه هى مظاهر الغيرة دى ؟

1- و انت لسه حامل

– بتلقى لازقلك و مش عاوز يروح لأى حد و عاوز ك أنت و بس .
– كمان ممكن الموضوع يتطور و يخبطك فى بطنك أو يحدف لعبة عليها ،  مش عاوز يأذيكى بس مشاعره بتخلى يعمل حاجات غلط .
– فى أطفال مبتركز أوى و بيتستنى  وصول النونو بالسلامة و بعدين يغير .

2- أول لما تولدى  .

  • – بيقرب و يبوسوا و يبقى عاوز يشيله هو حب بس برده معه غيرة لانه عاوز يجذب الأنتباه له و هو مؤدب .
  • تايه كأن مش عارف مكانه و مش عارف المفروضة يعمل ايه
  • -العادات السيئة مص الأصابع او السحف بعد ما بقى بيمشي كويس .
    – العياط و الزن عشان تشوفيه و تنسي النونو .
    – التبول في هدومه لو كان بطل يلبس حفاضات يبقى عاوز ير جعلها تانى عشان يكون شبه النونو الجديد .
    – عاوز كل حاجة ماما تعملها  ،تأكل و تلبس و بيرفض مساعدة بابا أو الأهل .
    – ممكن كمان يبطل يتكلم و يرجع يزن و يشاور ذى زمان .
    – الخوف الشديد و الإحساس بعدم الأمان .
    – العناد و عمل اى شئ غلط عشان تشوفيه ممكن يكسر باللعب و الكوبايات.

– ممكن كمان”  يكتشف النونو “فتلاقيه عاوز يقرصه و يضربه أو يحط صباعه فى ودنه المهم انه معتبره عاروسة خدت ماما منه.

طبعا و غيرها من إبداعات ولادنا  عشان يقولنا قد أيه هو زعلان و غيران بس مش قادر يعبر بالكلام .
طبعا لو مهتمناش الحكاية هتكبر و ممكن تسبب عقد كتير ذى الإحساس بالنقص ، الغضب و العنف ، الإكتئاب و غيرها من المشاكل  اللى أساسها أن مفيش عدل فى المعاملة.

تعملى أيه عشان تعالجى الغيرة عند الطفل الأكبر؟

* بلاش نأفور فى الأهتمام بالنونو الجديد قدام الطفل الأكبر كدا كأننا بنشجعه يأذيه .
* أشترى هدايا و حاجات حلوة و فهميه أنها هدية من النونو
* النونو فى الاول أحتياجته بتكون بسيطة عشان كدا ركزى شوية مع الطفل الأكبر عشان ما يشعرش أنك أتخطفتى منه لحد ما يحس بالأمان .
* خليه يساعدك مع النونو و لو فى الحاجات بسيطة ذى ”  هنلبسه أيه النهارده ؟ ” عشان يحبه.
* أحضنيهم الأتنين سوا عشان يحس أنهم ذى بعض يعنى بتحبيهم قد بعض .
* يا ريت ماترضعيش قدام  الطفل الأكبر عشان الغيرة عنده .
* طبعا مساعدة بابا مهمة جدا و مطلوبة انه يلعب مع الطفل الأكبر و يخليه بعيد و انت بترضعى النونو من غير ما يحس أنكوا قصدين تبعدوه لحد ما يتعود .
* الكلام مع ابنك شئ مهم جدا ”  أنا بحبك أنت ونوو ”  بالتدريج هيفهم أنك لازم تهتمى بيهم هما الاتنين.

عن الكاتب

نهلة شعلان