ما هي مدة العلاج النفسي؟

108

في ناس بتقلق من العلاج النفسي وبتفكر أنها مجرد ما تبدأ هتفضل في كدا طول العمر، وكمان ممكن يكونوا بيتكسفوا من العلاج. وممكن ناس تروح كام جلسة ومتروحش تاني. دي كلها مفاهيم غلط.

المرض النفسي زي أي مرض بيحتاج علاج ومدة العلاج بتختلف من شخص للتاني، على حسب حالته واستجابته وعوامل تانية هنقولهالك.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب أونلاين

 العوامل اللي بتأثر على مدة العلاج النفسي

مدة العلاج النفسي بتختلف من حد للتاني، وكمان المشاكل الصعبة بتحتاج وقت أكتر، وفي حاجات تانية بتأثر على مدة العلاج ونجاحه زي:

التعاون بين المريض النفسي والمعالج

مش المهم أنك تروح لأشهر معالج أو دكتور نفسي، لكن المهم أنك تروح للي ترتحاله ويقدر يفهمك ويساعدك. علشان كدا لو جربت تتعامل مع حد ومرتحتش، فلازم تاخد الخطوة وتروح لغيره. لأن كل ما كنت متفاهم مع دكتورك كل ما كان العلاج أسرع.

على حسب كل حالة

المشاكل النفسية مش واحدة، وشدتها بتختلف من حد للتاني، وعلشان كدا احتياجات العلاج مختلفة. يعني مثلًا ممكن حد يحتاج شوية جلست صغيرة علشان يحقق هدفه ويحل مشكلته. لكن في حد تاني ممكن يحتاج 6 شهور أو حتى سنين لأن مشكلته النفسية معقدة أكتر. كمان لو كان الشخص اتعرض لمعاملة وحشة أو إهمال أو خيانة، فالعلاج بيحتاج وقت أكتر.

مستوى الدافع

لو بدأت العلاج وأنت متحفز أنك توصل لهدفك وصابر على صعوبة الموضوع، فالعلاج بيكون أسرع. وخد بالك مجرد ما تبدأ في العلاج بتبقى الحاجات اللي جواك تظهر حتى لو أنت مش واخد بالك منها، ودا ممكن ياخد وقت شوية. فلازم تكون صبور. كمان متفكرش أن مجرد أنك تروح لدكتور كدا اتعالجت، لأ الشغل الأكتر عليك أنت لازم تلتزم في العلاج.

نوع العلاج

مدة العلاج النفسي بتختلف على حسب نوعه. مثلًا العلاجات السلوكية المعرفية، اللي بتركز على مشكلة معينة، بتكون عمومًا أقصر من العلاجات النفسية اللي بتركز على حاجات أكتر.

أسلوب المعالج وتأثيره على مدة العلاج

المعالجين بيختلفوا في أساليب وخطط العلاج. ولازم تسأل دكتور دايمًا عن مشواركم في العلاج ووصلتوا لأي، والحاجات المرتبطة بالمعالج واللي بتأثر عالمدة هي:

  • إحراز التقدم: لازم تتكلم مع معالجك عن اللي وصلتوله وتطلب منه حاجات تساعدك أكتر في فهم مشكلتك، زي الكتب أو البودكاست أو الدراسات.
  • التبعية: في ناس بتخاف من فكرة التبعية ودا بيمنعهم من بدأ العلاج أو الالتزام فيه.
  • لكن متقلقش المعالجين الشاطرين بيخلوا أستقلالك أولوية ومش بيجبروك أبدًا على حاجة أنت مش عايزها.
  • المشاركة: اطلب من معالجك دايمًا تعليقات منتظمة عن علاجك، وعلشان تقدر تفهم خطة العلاج ومدتها.

ما هي مدة العلاج النفسي؟

جمعية علم النفس الأمريكية نشرت إحصائيات عن الوقت اللي بيحتاجه العلاج النفسي علشان يحقق هدفه:

  • متوسط ​​15 إلى 20 جلسة مطلوبة علشان يتعافى 50 % من المرضى
  • المرضى والمعالجون بيفضلوا أوقات مواصلة العلاج لفترات أطول (مثلًا، من 20 إلى 30 جلسة خلال 6 شهور) علشان يتخلصوا من أعراضهم.
  • الناس اللي عندها أكتر من حالة أو صعوبات شخصية معينة بيحتاجوا لعلاج أطول مثلًا، من 12 إلى 18 شهرًا علشان يكون العلاج فعال.

نقط مهم تعرفها قبل تحديد مدة العلاج النفسي

  • العلاج بينتهي بنجاح لما المريض يحقق الأهداف اللي متفق عليها مع الدكتور.
  • لازم تكلم الدكتور في مدة العلاج
  • مدة العلاج بتتحدد لكن ممكن تتغير طول فترة العلاج، على حسب الاستجابة
  • المعالجين غالبًا بيعملوا جلسات تقييم قبل ما يحددوا خطة العلاج ومدتها. وبعد كدا ممكن تحصل تغييرات لو في أهداف جديدة اتحطت أو على حسب استجابة كل واحد.

المراجع:

المصدر1
المصدر2
المصدر3

اترك تعليق