البزرميط الدمـاغ

ليه بنفكر احسن بعد ما بنلعب رياضة

مش دايما بنحس بعد ما بنعمل اى مجهود عضلى و بنمشى شوية، او لما بنروح الجيم و نلعب رياضة و نخرج منه بنحس بإنتعاش كدة، و ان دماغنا رايقة و قادرين نعمل اى حاجة؟ بغض النظر عن كام مرة بننزل الجيم للرياضة!

ولا البنات و الستات، بنلاقى نفسنا مخنوقين فنقوم ننضف الشقة او نغسل المواعين او نعمل اى مجهود عضلى و رياضة تخلينا نخرج من المود و فعلا بعدها بنروق وبنبقى زى الفل! 😀

طب و ايه العلاقة بقى بين ممارسة الرياضة و بين اننا بنحسن بتحسن مزاجى بعدها؟

فى دراسة اتعملت مخصوص علشان يلاقوا تفسير بيولوجي منطقى للكيمياء اللى بتتغير جوا جسمنا لما نمارس رياضه او مجهود عضلى عموما لمدة نص ساعة يوميا.

الدراسة دى اتعملت فى جامعة نيوزيلندا على بعض الأشخاص علشان تبين نشاط المخ قبل وبعد ممارسة الرياضة ( وخصوصا الايروبكس).

الدكتور الباحث رونان مونى المسئول عن الدراسة دى قال أن نشاط المخ بعد 30 دقيقة من ممارسة الرياضة زاد بمعدل ملحوظ جدا، و ان نسبة انتباه و تركيز الأشخاص اللى مارسوا رياضة اعلى بدرجة كبيرة من اللى فضلوا من غير رياضة.

و قال ان سبب نشاط المخ الملحوظ ده، هو ان ممارسة الرياضة قللت من  نسبة مادة مثبطة للنقل العصبي اسمها Gamma aminobutyric acid او ال GABA .

و فى كمان دراسة اتعملت من فترة كبيرة على الفرق بين نشاط مخ  الاطفال اللى بيلعبوا  اى رياضة ايا كان نوعها، وما بين الاطفال اللى مش بتمارس اى  رياضة، لقوا ان نسبة تحصيل واستيعاب الاطفال اللى بتمارس رياضة زادت بنسبة 70% عن الاطفال اللى مش بتمارس رياضة!

معنى كدة إن الرياضة فعلا مش مجرد خسسان بس؟

ايوة، لو حابب تزود نسبة تركيزك فى الشغل او حتى تغير مودك، او حابب ابنك او بنتك تحصل فى مذاكرتها بشكل أكفأ، فا الرياضة هى الحل، جرب تدخلها فى روتينك اليومى لمدة شهر و تحولها لعادة، و اعمله تحدى لنفسك، و شوف بعد الشهر ده هتحس بتحسن ولا لأ، ما يمكن فعلا تكون سبب فى زيادة إنتاجيتك!

و لو جربت قبل كدة تمارس رياضة بس بقيت تكسل، يبقى لازم تفهم  انت بتكسل ليه. لانك طول ما انت ماشى بنفس المنهجية ا

عن الكاتب

إنجي عادل

"ماذا سيكون العالم، اذا تحدثنا بقوة، لأناسِ تنصت بوعىِ، فى مكانِ مهيأ لهذا الغرض تحديداً".