البزرميط العيال

أزاى أربى طفل وحيد و مش أنانى ؟

انانى

تربية الطفل الوحيد عملية صعبة و ممكن كمان تكون مجهدة أكتر عشان تعوضى طفلك عن عدم وجود أخوات له.
و غالبا من كتر الدلع و الأهتمام بيكبر على صفة الأنانية .

أزاى أربى طفل وحيد و مش أنانى ؟

  1.  المشاركة : شاركى العيلة فى حياة الطفل و ده لما تواظبى على زيارة الأهل .
    خصوصا الأقارب اللى ولادهم سنهم قريب من طفلك.
  2. كمان الحضانة فكرة كويسة عشان يحس بروح المشاركة فى الحياة اليومية مع أطفال فى سنه. 
  3. الرياضة شئ مهم لأنها هتنمى روح الجماعة جوا الطفل و طبعا يفضل تكون رياضة جماعية . 
  4.  المساعدة : ممكن تبدأى من سن 3:4 سنوات حاولى تخليه يساعدك فى أى نوع من الأعمال التطوعيه ذى مشاركة اللعب مع أطفال أيتام أو توزيع وجبات أو ملابس على المحتاجين في الشارع.
  5. شجعى الطفل يساعدك فى شغل البيت و نظمى له جدول بالأعمال المشاركة في الأعمال المنزلية
  6. عودى الطفل يهتم بكل الناس اللى عايشين فى البيت و بالمناسبات كأعياد ميلاد أصحاب و أقاربه كمان ممكن يشتري لهم هدايا
  7.  طلباته مش أوامر مش عشان معندكيش غيره تفضلى تجيبى كل شء لعب و هدايا و تخلى طلباته كلها أوامر .
  8. الأفضل ان تحقيق رغباته يكون بالمعقول عشان يتعلم أن الدنيا مش هتوفرله لبن العصفور حطى قوانين متفق عليها بينك و بين طفلك للثواب و العقاب و متترجعيش عنه أبدا.
  9. هدايا و الألعاب لها مواعيد مرة كل شهر أو فى النجاح و أعياد الميلاد و غيرها.
  10. بلاش الجمل الأنانية بتاعت أنت أحلى طفل فى العالم ” عبارات مثل “أنت أجمل طفل في الدنيا“..”أنت أحسن من كل الأطفال” ن ده هيزود أحساس الأنانية عند الكفل.

 الدلع شر و أنتى فى غنى عنه أبعدى عن التدليل الزايد الحب و الحنان شئ هايل بس بدون أفورة.

لأنها هتخلى أبنك راجل أنانى و صعب التعامل معه و كمان هتداخله فى مشاكل كتير مع مراته و أولاده فى المستقبل.

فحاولى تربي ولادك عشان ينفعوا نفسهم و ينفعوا الناس كمان العطاء صفة جميلة بتنفع صاحبها أكتر ما بتنفع الناس اللى بيساعدهم .

هل طفلك الوحيد أنانى ؟ 

عن الكاتب

نهلة شعلان