صفات شريك حياتك: أزاي تكتب الصفات إلي محتاجها حسب أولوياتك

هو صحيح مرآيه الحب عامية؟ طيب ليه نخليها عامية! لما نقدر من الأول نقولها فتحي عينك وشوفي كل حاجة، كلنا بندور على شريك الحياة يكمل معانا باقي العمر، بس بننسى وأحنا بندور عن الشريك نعرف أحنا عايزين أيه، ويعجبنا الشكل والتصرفات البسيطة العامة وبعد كدا نكتشف أن فيه مشاكل كتير، المشكلة مش فيه أبداً، المشكلة لأنك من الأول مكتبتش صفات شريك حياتك إلي عايزها، فلما شعلة الإعجاب تروح وتبدأ المشاكل هتقول لا أنا مش عايز الصفات دي …

خطوات هتساعدك في كتابة صفات شريك حياتك حسب إحتياجاتك

التعميم : 

ممنوع تعمم الصفة، زي ملتزم، أو عنده أخلاق، ملتزم أزاي يعني فيه ناس بتعتبر الألتزام ألتزام شغل وناس بتعتبره ألتزام ديني، فخصص كلامك

تحديد هدفك من الإرتباط :

عايز ترتبط ليه؟ سنه الحياة، عايز تحب، تكون عيلة وخلاص، أكتب هدفك وعلى أساسه هتكمل الصفات وليكن عايز تتجوز عشان تقي نفسك من فتن الحياة وتعينك على الإلتزام، هنا هتكون من أولوياتك تكون ملتزمة وحافظة القرأن 

تقسيم صفات شريك حياتك :

1- صفات خارجية :

طوله، شكله، وزنه، معاملته مع الناس، خفه دمه، مادياته، تعليمه، حط كل الصفات الثانية إلي هتبقى مهمة ليك، حتى لو مش مهمة لغيرك، زي لون العين والحجاب وغيرهم

2- صفات داخلية :

كريم ولا حريص، جد ولا كوميدي، اجتماعي ولا بتحبه انطوائي، عملي ولا عاطفي، تفكيره، هواياته، إلتزامه بيصلي، حافظ قرآن وبيخرج الزكاة ولا كفاية بيصلي بس وممكن يشرب سجاير

3- الصفات الجامعه بين الصفات الداخلية والخارجية :

معاملته مع الناس بتدل على طريقة تفكيره، صدقه وأخلاقه بيدل على الإلتزام

قسم بالترتيب من أول وجديد صفات شريك حياتك 

1- الجانب الروحاني : صلاة، زكاة، صوم، غض البصر، حفظ قرآن

2-الجانب الشخصي : بيحب القرأة، تفكيره عقلاني، بيعرف يحل المشكلات، عنده مرونه في التعامل

3- الجانب الجسدي: رياضي وبيروح جيم، صحته كويسة، أو صحته كويسة من غير الجيم

4- الجانب العائلي : تعامل أهله كويس، أمه طيبه، أخواته مش حشرين

5- الجانب الاجتماعي : ليه أنشطة اجتماعية وسياسية وتطوعية

6- الجانب المهني : طب، هندسه، محاسب، طيار

7- الجانب المادي : من الطبقة المتوسطة، وأكتب المرتب المحتمل

8- شكل حياتكم بعد الإرتباط : لو كان أجتماعي وأنا بحب الهدوء هقدر أتنازل عن بعض صفات عندي وهو يتنازل عن بعض صفاته عشان المركب تمشي، المشاكل المادية والعائلية عايز تعديها معاه أزاي؟ شكلك وحياتك هتتغير أزاي وهو معاك؟ تعامله مع ولادك؟

9- الجانب العاطفي : نتعامل كأصدقاء، فخور بيا وبشغلي، يقولي أنه بيحبني من وقت للتاني، بيغفر الغلطات، بيعبر عن حبه بالقرب مني، لو عايزه يطبطب عليك أكتب

10- جانب الأنشطة الاجتماعية : بيشاركني هواياتي، بننزل نتطوع سوا، واثق فيه حتى وهو بيشتغل مع أجانب، جنبك في كل مشكلة، بيشاركك الزيارات والأفراح ووقت الحزن

ملحوظة بسيطة

كل الصفات دي أمثلة، لو عندك صفات غيرها أو ترتيب غيرها، أو زيادة زي النوافل وصوم أثنين وخميس،أكتب كل دا وبعدها دور على صفات شريك حياتك وممكن تقرأ المقال دا هيفيدك بردو9 مواصفات لـ شريك حياتك لازم تبقى موجودة لعلاقة صحية

شاركونا صفات شريك حياتكم؟

اترك تعليق