مواعده وتعارف بطريقة شيك

عارفين إيه مشكلة برامج المواعدة والتعارف اللي زي Tinder وغيره؟
إن كل الناس بتستخدمها بمبدأ الكمية مش الجودة.. يعني يلا أmatch مع خمسين حد واتكلم معاهم كلهم وأشوف مين مناسب.. يعني خمسين محادثة مالهاش لازمة.. وناس اهتمامتها غير بعض وحاجة آخر لخبطة ..

إحنا في بزرميط بنؤمن إن العلاقات السوية مُهمة لصحة نفسية كويسة.. عشان كدة عملنا حاجة جديدة علينا وبسيطة جدًا.. إنتوا هاتملوا الفورم ده وإحنا اللي هـانـ match الناس مع بعضها بناءًا على تحليل شخصيتهم.

وليك Date واحد بس مش أكتر ولا أقل.. ومش هانقدر نبعتلك أكتر من Date إلا في حالة واحدة بس.. إن إنت والـdate بتاعك بعتولنا قولتولنا إنكوا مش مناسبين لبعض.. عشان مش قلة أدب هي وتروح تتعرف على خمسين بنت وإنتي تقعدي تختاري بين تلاتين ولد.. ده مش Dating app تاني.

كل الشروط مشروحة تحت أهو..

* طبعًا طبعًا كل البيانات سرية ومش هايتم مشاركتها حتى مع الـmatch بتاعك إلا بموافقة منك.