العيال

صعوبات التعلم: تبات تعلم فى المتبلم و يصبح ناسي

المذاكرة وموسم الامتحانات

من أصعب المشكلات اللى بتواجه الأم و الأب أنهم يكتشفها أن طفلهم بيعانى من صعوبات التعلم فى سن المدرسة.
كتير من الأهالى بتحس إن هم السبب عشان مش عارفين يذاكروا للطفل.
أو ان المدرسة مش مناسبة ليه و مدرسينه وحشين أو يمكن الطفل نفسه غبى.
و بيبعدوا عن السبب الحقيقى أن الطفل يكون بيعانى من واحدة من مشاكل صعوبات التعلم.

و اللى غالبا بتظهر فى حاجة من مهارات التعلم ذى :

  • القراءة و النطق
  • الكتابة والتهجي
  • الفهم
  • التفكير
  • الإدراك والانتباهإ
  • جراء العمليات الحسابية
  • ساعات بتكون نتيجة لنوع من أنواع الإضطرابات النفسية أو الجسدية أو العقلية ممكن كمان تكون.

يا ترى صعوبات التعلم مرتبطة بالذكاء ؟

فى دراسات كتير بتقول أن الأطفال اللى بيعانوا من المشكلة دى بيكون مغدل الذكاء عنهم متوسط أو حتى فوق المتوسط بشوية .
بس المشكلة بتكون طريقة تعامل مخ الطفل مع المعلومات عشان يقدر يستوعبها.

أيه هى علامات صعوبات التعلم ؟!

و دى ممكن تبتدى مع الطفل حتى قبل سن المدرسة خد عندك

قبل سن 4 سنين

هتلاقى الطفل عنده صعوبة فى النطق الكلمات و مش بيعرف يقول غير كلمات قليلة جدا على سنه.
و تقابلك معاه مشاكل كتير عشان تعلمه الحروف و الأرقام ، الألوان و الأشكال و غيرها.
بيكون صعب عليه يركز فى نغمة واحدة عشان يغنى .
مش بيعرف يمسك القلم صح أو المقص المهارات اليدية كمان بتكون عليه صهبة
كمان مش بيعرف يفتح أو يقفل زراير قميصه.

من 4 : 9 سنين

عنده مشكلة غفى ربط الحروف بطريقة نطقها
كمان مش بيعرف يربط الحروف مع بعض عشان يكون كلمة.
مش بيميز الكلمات صح و هو بيقرؤها و بيتلخبط فيها.
مبيعرفش يقرأ كويس
الحساب بيشكله مشكلة كبيرة فى حياته حتى ما الحاجات السهلة ذى الجمع و الطرح.
الوقت عمله مشكلة مش مركز أحنا النهارده أيه أو الساعة كام؟!

صعوبات في تحديد الوقت وتذكر ترتيب أجزاء

من سن 9 : 15 سنة

بتكون المشكلة كبرت فتلاقيه بيعانى من صعوبة و هو بيقرأ أو فى المعاملات الحسابية.
من كتر ما أتعرض لمواقف محرجة بسبب القرأءة فيبيكون صعب عليه يحل الأسئلة اللى بتحتاج كتابة.

ميعرفش يحكى حدوته بالترتيب على طول ملخبط .

كمان بيبعد عن المواقف و المناقشات عشان ما يظهرش قلة تعليمه .
مهارات التنظيم و الترتيب عنده ضعيفة قوى.

أيه هو علاج صعوبات التعلم؟

ذى ما قولنا قبل كدا أنها مش مرض دى مشكلة فى تعامل مخنا مع المعلومات عشان كدا علاجها مش نهائىى.
بس فى جلسات تأهيل ممكن تساعد الطفل أنه يحسن من نفسه كمان تساعده يفهم أحسن.

أزاى نساعد ولادنا يتحسنوا ؟

  • أهم حاجة أن الأب و الأم يفهموا حالة الطفل كويس ونتعامل معها بصبر و عقل.
    أبعد عن طفلك القلق و التوتر و أى ضغوط نفسية ممكن تزود حالته.
  • الأهتمام بتخفيف مستوى التعليم و بذات اللى أساسه الحفظ يعنى لو فى أمكانية  ممكن نختارلهم أسلوب تعليم أسهل .
  • كمان لازم يكون عندنا برنامج علاجى يحسن أداء الطفل حسب نوع الصعوبة اللى بيعانى منها .
  • المتابعة مع أخصائى نفسى عشان نطور برنامج التأهيل أول بأول.
  • التعليم باللعب كمان ممكن يساعد الطفل يفهم حاجات كتير و يسهل عملية الأستيعاب.

هنتابع مع بعض كمان أيه هى أنواع  صعويات التعلم و أزاى نتعامل معاها عشان نساعد ولادنا يتحسنوا .

 

تعرف أيه عن أنواع صعوبات التعلم ؟

عن الكاتب

نهلة شعلان