العلاقات

إنت عندك شيزوفرنيا: سمعتها كام مرة؟

شيزوفرنيا-تناقض

استنى بس ماتتصدمش و تفكر فى جو المسلسلات والأفلام العربى بتاع البنت اللى عندها شخصيتان أو أكتر … لا مش ده برغم أن الشيزوفرنيا هى إضطراب فى الشخصية ناتج عن تناقدات اللى فى عقلنا . بس و هو ده المقصود “التناقد “…… الشيزوفرنيا الصغرى و دى بتبقى موجوده عند كتير أوى مننا …. هى التناقد بين الرأى المعلن والفعل اللى بنعمله .

الرأى المعلن Vs القناعات الحقيقية

الفكرة ببساطة أن كل واحد منا بيكون راسم لنفسه صورة فيها أراءه و معتقداته و قناعاته الى بتشكل شخصيته …. بس ده مش دايما بيبقى موجود حقيقى فى تصرفات .

هو زى كدا الفرق بين شكلك فى البيت بالبيجاما و انت صاحى من النوم … و شكلك الشيك و Smart بتاع الشارع .

فمثلا تلقى البنوته بسكوتة و رقيقة جدا و رأيها انها ضد العنف …. بس ده ميمنعش أنها بتموت فى أفلام الرعب و الأكشن و فيلمها المفضل عندها هو Ninja Assassin و هو فيلم سفح مش عنف .

كمان صحبك اللى دايما بيقولك انه أكتر حاجه بيكره فى الدنيا هى انه يستلف حاجة من حد ….. بس ده ميمنعش ابدا أنه يخلص علبة سجايرك كل ما يقبلك .

أعرف نفسك من جديد ؟

المهم أنك تتعرف على نفسك من جديد يعنى حاول لما تقول رأى تكون صادق مع نفسك … مش مجرد بتقول اللى عاوز الناس تتبسط منك لما تسمعه .
كلنا بنهتم لأننا نشوف نفسنا حلوين و أصحاب نظرة جامدة و راى مهم فى عنيين الناس اللى حولنا … بس الأهم انك ترضى نفسك الأول .

و فى نوع تانى من الناس بيعملها حكاية التناقد ديه من غير وعى…. زى اللى بيدافع دفاع كبير قوى عن حرية المرأة و حقوقها فى أى قاعدة …. بس فى الحقيقة بيعامل مراته معملة الحرامى اللى عليه مراقبة انه من جواه مش مقتنع باللى بيقوله و شايف ان أفعاله نابعة من خوفه عليها مش من اى حاجة تانية .

من الأخر حب نفسك زى ما هى و متقولش رأى غير لما تكون مقتنع بيه …. عشان تريح دماغك مش مهم أن الناس تشوفك عبقرى او Open-minded المهم انك فعلا تبقى شغال على نفسك عشان تحقق اللى انت عاوزه و تكون صريح مع نفسك .

عن الكاتب

نهلة شعلان