10 طرق تساعدك تفكر بإيجابية أكتر

19

لو كنت ذى بتحسد كل مبتكر وبيدهشك أزاى عرف ينجح برغم كل المصايب اللى ممكن تكون حصلت معه فجه الوقت عشان” تفكر  بإيجابية “  .

كمان لو أنت واقعى لدرجة أن أفكارك السلبية جابتلك حالة تشاؤم  بعدتك عن  السعادة حاول تبدأ من دلوقتى.

لاننا معندناش ألة زمن ترجع اللى فات و تساعدنا نغيره لازم نبتدى من جديد.

عشان تغير فعلا  حاول تبقى ” متفائل” و ده محتاج ان يكون عندك طاقة إيجابية، تفكير إيجابى ومرونة تساعدك تكون قد التحدى و تتخطى كل الحدود.

كمان التفكير السلبي بيضر صحتك النفسية متيجى نعرف فوايد أنك تكون إيجابى:

  • يقلل إحساس الإكتئاب و القلق.
  • ممكن كمان يزود مقاومة جسمك للأمراض لأن التشاؤم ممكن يضعف مناعتك.
  • يحسن مهاراتك و يساعدك تتكيف فى أوقات الشدة.
  • كمان بيقوى قلبك أكتر و يخليك تنفتح على الدنيا و تجرب.

10 طرق تساعدك تفكر  بإيجابية ” عيش التفاؤل ” 

قوى علاقتك بأصحابك

مهم قوى ان يكون عندنا حد  نكلمه بصراحة و منخفش و أحنا بنحكى لان ده هيدعم إحساس الأمان.

كمان مش شرط يكون عندك أصحاب كتير حتى لو واحد بس يحبك بجد . 

أبدأ دلوقتى مش بكرة

ليه نستنى و نأجل على أساس ان الدنيا مش هتدينى اللى أنا عاوزه الأحسن نسعى و نبدأ فى خطوات توصلك لهدفك .

أعمل الخير و ….

بدل ما نقول الدنيا و الناس وحشين طيب أبدأ بنفسك و ساعد حد محتاجلك الفرحة و البسمة عدوة.

و لو كل واحد مننا بدأ بالمساعدة أكيد هتترد له فى وقت يكون محتاجها بجد .

أكتشف نفسك من تانى

كلنا عندنا عيوب و مميزات عشان كدا ركز على الحاجات الكويسة فى شخصيتك استغلها وقويها وأعرف عيوبك وأشتغل عليها عشان تقدر تتقدم.

فرمت دماغك

بدل أفكارك المتشائمة و خططك بخطوات جديدة تحقق اللى نفسك فيه لما تحدد أنت كويس فى أيه هتزود ثقتك بنفسك و تبدع .

ارمى شماعة الظروف

مش كل حاجة نفشل فيها بيكون سببها الظروف نخرج بقى من مساحة المريحة الضيقة نكسر الحواجز .

عيد صياغة أفكارك

يعنى مثلا بدل ما تقول “ أزاى خسرت ؟ ” أقول أزاى أبدأ من جديد؟” السؤال كدا هيخلى عقلى يفكر فى الأحتمالات مش فى اللى فات .

كنترول حياتك صح

خلى قرارك فى أيدك متخليش حد يتحكم فى حياتك محدش قال ان الدنيا هتكون دايما وردى وفى مصلحتك بس بلاش تحبس نفسك ورا الظروف أختار و عيش و حاول تكون أحسن.

عيش مود السعادة

درسات كتير بتقول أنك لو عيشت جسمك فى مود السعادة عقلك كمان ممكن يصدق ده و يا ريت تبعد عن المتشائمين لأن الزعل عدوى مش عاوزنها تتنقل لنا .

عيش اللحظة

متفوتش لحظة من حياتك من غير ما تحس فيها بقيمة الحياة و تستمتع بها ربنا أدنا نعم كتير قوى مهما كانت ظروفنا صعبة المهم نبص دايما لقدام و نستمتع بكل لحظة .

خليك إيجابى مهما الدنيا تعبتنا و عكستنا المهم نركز على هدفنا و نتقدم مش لازم يكون بالميل حتى طريق الألف ميل دايما يبدأ بخطوة صغيرة
مهما كان التقدم بطئ المهم نتحرك بلاش تفضل مستنى المعجزة .

شارك تجربتك أتغيرت أزاى ؟ حلو أننا نتعلم من بعض .

اترك تعليق