العيال

17 فكرة تسعد الطفل وتحسن موده وتخرجه من الصدمة النفسية

الطفل أجمل مخلوق فى الكون عشان قلبه الطيب فممكن أبسط الاشياء تسعده وترسم ابتسامة على وشوه .
و مهما كان زعلان منك فى ثوانى تلاقيه بيصلحك لأن حبه نقى من غير مصلحة
عشان كدا لو حصل و دخل فى اضطراب ما بعد الصدمة النفسية بذات لو كانت نتيجة لفقد  الأب سواء بالموت أو الطلاق أو و أى صدمة  نفسية ممكن تحصله نتيجة حدث مفاجئ.

هنقدم لكى شوية أفكار عشان تخرجيه من حالة الصدمة النفسية و نحاول إسعاد قلوبه وده لما نشاركه شوية أنشطة زى اللعب أو الرسم سوا.

17 فكرة تسعد الطفل وتحسن موده 

  1. خدى طفلك و أخرجى خروجة خصوصى كمان لو عندك أكتر من طفل فى يا ريت تخرجى مع كل واحد لوحده عشان يحس بأنه متميز.
  2. ممكن كمان تسبيله كادوا صغير ” شوكولاته صغيرةمصاصة فى اللنش بوكس مكتوب عليه كلمه صغيرة ” بحبك” أو رسمة وش بيضحك أو قلب.
  3. كمان ممكن تشترى لطفلكِ حيوان أليف كان نفسه فيه لأنه هيعلمه ازاى ممكن يعتنى بروح.
  4. جربى توافقى على حاجة فى العادة مش بتوافقى عليها بس طبعا متكنش غلط أو مؤذية و يكون نفسه فيها ذى فسحة أو رحلة مع الم
  5. زيانى أوضته زينة عيد ميلاد مكافأة على سلوكه و تعاونه معاكى فى البيت.
  6. أظهرى أهتمامك بالحاجات اللى بيحبها زى كتابه المفضل أو الكارتون اللى بيحبه وشاركيه مشاهدته.
  7. سيبيله كارت فى أوضته من عمايل أيديكى عليه رسمة حلوة أو كلمة جميلة و
  8. أستخدمى لأدوات مكتبية هتلاقيه بيطلب منك تعلميه يعمل واحد .
  9. سيبيه يختار هدومه وهو رايح النادى أو حد من الاقارب
  10. إتكلمى عن الطفل حلو أمام أصحابك والعيلة و يا ريت لو سمعك و انتى بتمدحيه هيحسن ثقته بنفسه.
  11. كمان ممكن تعجنوا سوا بيتزا أو عيش العجن بيخرج القلق و التوتر و كمان اللعب ده هيعجبه.
  12. ممكن كمان تروحوا الملاهى سوا أو تقضى يوم فى حمام السباحة فى النادى بس خليها مفاجأة غير متوقعة.
  13. نزلى برامج الصور وخدى صور مضحكة مع الطفل وممكن تخليها خلفيه للكمبيوتر.
  14. تشركيه فى عمل تورتة عيد ميلاده كمان ممكن تجيبى عجينة سكرو تلونيها وتعملوا أشكال ذى الصلصال مع بعض بس بتتاكل.
  15. أعطى الطفل راحة مفاجأة وسط يو مليان وجبات مدرسية كتير و سماعيه أغنية بيحبها و ممكن كمان ترقصوا سوا.
  16. أتعلمى تعملى نشاطات الأورجامى بالورق و علميها لطفلك.
  17. ممكن تشترى تورتة و تعملى حفلة مخصوص ليكى أنت و الطفل بس و رتبى مجموعة ألعاب و أغانى و أرقصوا.

برغم أن أبسط حاجة ممكن تساعد الطفل إلا أنه الأفكار الجديدة و المختلفة بتفرحه جدا.
ده غير أن كل أم أدرى باللى ممكن يسعد طفلها و طبعا بلاش تتردي في إسعاده.

أيه الأفكار المبتكرة اللى بتسعد طفلك؟

عن الكاتب

نهلة شعلان