ازاي تتخلص من تخيلاتك الجنسية الغير مرغوب فيها؟
التخيلات الجنسية زيها زي الأحلام تعتبر شيء طبيعي جدا، وأكثر من 95% من الرجالة والستات بيجيلهم التخيلات الجنسية، وغالبا التخيلات الجنسية بتحصل أثناء الأحلام النهارية أو أثناء الاستمناء(ممارسة العادة السرية) أو خلال النشاط الجنسي مع الشريك، ، وممكن تقرأ المقال ده عشان تتأكد ان الخيال الجنسي بتاعك مش قلة أدب، وبالنسبة لمعظم الناس تعتبر التخيلات الجنسية جانب صحى للنشاط الجنسي لأنها بتخفف القلق وبتزود المتعة والرغبة الجنسية، ده غير ان ليها إيجابيات كتير زي تحفيز الدافع الجنسي وتعزيز العلاقة الجنسية مع الشريك، وبالنسبة لأغلب الناس التخيلات الجنسية المُرضية بالنسبالهم هي اللي بيكون فيها روح الاثارة والمرح وبتكون داخل نطاق سيطرتهم.
المحتويــات
امتى تكون التخيلات الجنسية حاجة مزعجة؟
أحيانا الناس بتنزعج من التخيلات الجنسية خاصة لما تخرج عن نطاق سيطرتهم أو يكون فيها أفكار أو خيالات بتضايقهم، يعنى مثلا لما تكون التخيلات الجنسية فيها أنشطة جنسية مؤذية أو ممارسة للجنس مع شخص مش بتحببه، الخيال الجنسي بيكون مزعج برضة لو كان بيحتوى أفكار مثيرة غير مرحب بيها او مرفوضة بالنسبة للشخص وكأنها كوابيس من التخيلات الجنسية، ولو التخيلات الجنسية المزعجة دي متعالجتش بشكل صحيح ممكن تتسبب في مشاكل كتير زي تقليل احترام الذات او ممارسة سلوك جنسي منحرف او مشاكل في العلاقة الجنسية الحقيقة ممكن جدا تكون مؤذية للشريك في العلاقة او ال partner.
الخيالات الجنسية المزعجة بتحصل ليه؟ واية معناها؟
غالبا التخيلات الجنسية المزعجة والغير مرغوب فيها بتحصل نتيجة العلاقات والتجارب الجنسية المزعجة أو المؤلمة اللي الشخص مر بيها في الماضي، وتعتبر التخيلات الجنسية المزعجة زي الكوابيس اللي بتعبر عن محاولات الشخص الغير واعية للتنفيس عن المشاعر السلبية اللي مر بيها نتيجة العدوان النفسي او الخيانة والاستغلال، ده غير ان التخيلات الجنسية ممكن تساعد الشخص انه يهرب مؤقتا من مشاعرة المزعجة والمؤرقة اللي ممكن تمنعه من ممارسة العلاقة الجنسية زي الخوف مثلا او الغضب او الخجل او العجز.
ومش هتكون حاجة غريبة أكيد أنك تعرف ان ناس كتير من اللي اتعرضوا لإيذاء جنسي بيحصلهم تخيلات جنسية مزعجة غير مرغوب فيها، يعنى مثلا الستات والبنات اللي مروا بتجربة تحرش جنسي بيميلوا أكثر من غيرهم للتخيلات الجنسية العنيفة اللي بيكون فيها إكراه وسيطرة من الطرف الثاني في العلاقة، وكلما كانت تجربة الاعتداء الجنسي اللي مر بيها الشخص عنيفة او قاسية كل ما بتزيد احتمالية إصابة الشخص الناجي من الاعتداء الجنسي بأوهام وتخيلات جنسية فيها نوع من الاجبار على ممارسة الجنس أو ان الشخص نفسة يكون بيجبر شخص تانى على ممارسة الجنس معاه بالإكراه.
مُهم كمان تشوف المقال ده عن: تفسير الأحلام عشان تفسر أحلامك بطريقة صح
أزاي تتخلص من التخيلات الجنسية الغير مرغوب فيها؟
الأساليب والطرق الجاية فعالة جدا في مساعدة الرجالة والستات انهم يتخلصوا من التخيلات الجنسية المزعجة:
- تحليل وتفسير الخيالات الجنسية: ودة بيكون من خلال التركيز على تفاصيل التخيل الجنسي من زوايا مختلفة، ودة بيساعد الشخص انه يحدد المشكلة النفسية او العاطفية المتسببة في التخيلات المزعجة دي، وبالتالي تسهيل التعامل معاها وحلها.
- تقليل الاحتياج للخيالات الجنسية: ودة هيتم من خلال تخصيص وقت أكبر للممارسة الجنسية على أرض الواقع (في حالة كانت الظروف تسمح بكدة)، وبالتالي تقليل التوتر وتقليل التخيلات الجنسية والاستمتاع بمتعة جنسية وتقارب عاطفي أكبر، وكمان في شوية حاجات ممكن تقلل من التخيلات المزعجة زي التنفس بعمق والحركات المثيرة والمداعبات اللطيفة.
- تتحكم في نفسك: يعنى تتحكم بجدية في نفسك وتوقف أي تخيل جنسي غير مرغوب فيه، وكمان توقف أي نشاط جنسي في حالة وجود الخيال الجنسي المزعج، وتمارس نشاطك الجنسي الطبيعي بس في الوقت اللي تحس فيه إنك مرتاح وقادر تمارس الجنس بصورة طبيعية من غير أي تخيلات، وبالتدريب والتحكم في خيالاتك مع الوقت هتنتهى التخيلات الجنسية المزعجة للأبد.
- تحويل التخيلات المزعجة لتخيلات صحية ممتعة: بمعنى إنك تستبدل تفاصيل التخيلات المزعجة بالنسبالك لتفاصيل إيجابية من خلال صور وأفكار إيجابية، يعنى مثلا تقدر تغير تخيلات ممارسة الجنس بين راجل عجوز مع طفلة لتخيل علاقة ممتعة بين شريكين في نفس العمر، وهكذا.
ودلوقتى نقدر نقول إن التخلص من التخيلات الجنسية المزعجة والغير مرغوب حاجة مهمة وضرورية جدا لانها بتخلى الشخص يحرر حياته الجنسية من الصراعات المرهقة اللي بيتعرض ليها نتيجة تجارب الماضي المؤلمة، لأن التخيلات الجنسية الممتعة بتعزز احترام الذات والعلاقات وبتزود المتعة الجنسية.
