البزرميط الدمـاغ

إحنا بنحب ناكل مش بنحب الأكل نفسه

الأكل متعة من متع الحياة ربنا أنعم علينا بها …. لو فكرت شويه هتلاقى أنه من أهم الحاجات فى حياتنا و مش هنكلم عن أننا لازم ناكل عشان نعيش و له أن الأكل ممكن يكون نعمة و نقمة …طبعا الأعتدال فى كل شئ مهم بس أحنا هنكلم عن علاقة تانية خالص بتربطنا بالأكل و هى متعة الأحساس و المشاعر اللى ورا الأكل .

إزاى ؟ و أيه هو المقصود ؟

يعنى الأحساس بالسعادة من شكل مج الـ ” Hot chocolate ” و هو داخل عليك من مجرد أنك تشوفه و تشم راحته هتحس ببهجة و راحة .
أو الذكرى الحلوة اللى تيجى على بالك من رايحة ” البريوش الطازة ” و هو خارج من الفرن لما ماما كانت بتصحى البيت كله على رايحته يوم شم النسيم .

و يا سلام على منظر الجبنة السايحة لما تدوب على وش البيتزا السخنة و تدوب معاها مشاكل يومك كله.
مش مهم تكون بتعمل دايت أو لا المهم أنك و أنت بتفكر تحافظ على صحتك و رشاقتك ، كمان لازم تفكر فى غذاء الروح من المشاعر و الذكريات الجميلة ،اللى بتمدك بطاقة إيجابية تعدل مودك من غير متكسب وزن زيادة .
الحاجات البسيطة و الصحية كمان طعمها حلو … حتى لو كنت بتحسب الـ “calories ” و أنت بتاكل ،المهم هتعملها و هتقدمها ازاى .

فلازم تراعى أن الأكل يشبع مشعرك و عقلك، مش بس جوعك .

عينك و روحك و قلبك محتاجين يحسوا قد ايه أنت مهتم بيهم شكل الطبق جنب ريحة الأكلة و طعمها كل دى حاجات بتفتح نفسك على الدنيا .

الأنسان محتاج دايما لحاجات سهلة و بسيطة تفكره بالمشاعر الحلوة اللى كان بيعشها و هو صغير لما ضغوط الحياة و رتمها كان لسه بسيط ، حب نفسك و عاملها بأهتمام هيفرق معاك .

حاول تخلى وقت الأكل هادى و مريح لأعصابك ،مش كله بسرعة الصاروخ و أستمتع بكل قطمه … حتى لو كان أكلك كله دايت عطره بالتوابل الفريش و الريحان … المهم أننا نستمتع بكل حاجة بنطبخها و نأكلها .

عن الكاتب

نهلة شعلان