امتى التخيلات الجنسية تكون مُضرة؟

التخيلات الجنسية حاجة طبيعية وبتحصل لأغلب الناس، لكن أحيانا التخيلات الجنسية بيصاحبها أحساس بالذنب او القلق خاصة لو كنت متزوج او في علاقة، عشان كدة أحيانا التخيلات دي هتزعجك وهتضايقك وهتحس كأنها نوع من أنواع الخيانة لشريك حياتك، طيب اية اللي تقدر تعمله واية التصرف الصح في الحالة دي، هو ده اللي هنعرفه في المقال ده.

ليه بيحصلنا تخيلات جنسية؟

لما بتكون فى علاقة زواج او علاقة حب سعيدة مع شخص ما وتجيلك تخيلات يكون فيها اشخاص تانية غير شريك حياتك، ممكن تبتدى تقلق او تزعل او تحس بالذنب، بس دة مش صح بلاش تجلد نفسك، لأن زي ما قلنالك اغلب الناس بيمروا بالتخيلات الجنسية ودة جزء من الطبيعة الإنسانية، ودة مش معناة انك مش سعيد في حياتك مع شريك حياتك أو انك مش مخلص ليه او حتى انك نفسك تمارس علاقة جنسية مع حد تانى، يعنى لو جالك تخيلات جنسية مع حد قابلته في الموصلات او تخيلت الجارسون في المطعم في وضع مثير، دى ممكن تكون مجرد أفكار عابرة بتيجى في دماغك لمدة ثواني او دقائق وهتروح لحالها تانى، المهم متقلقش!!

أيه هي فايدة التخيلات الجنسية؟

أحيانا التخيلات الجنسية بتكون مفيدة ويتدى بعد جديد أكثر متعة لحياتك الجنسية، عشان كدة التخيلات الجنسية هتفيدك في:

  • الوصول لمتعة جنسية أكبر: مجرد التخيلات الجنسية قبل او اثناء العلاقة الجنسية مع شريكك your partner، ممكن يديلك سعادة ومتعة أكبر في علاقتكم ويدخلك في المودmood أكثر، عشان كدة مفيش مانع ابدا إنك تسح بخيالك بعيد عشان تستمتع أكثر في علاقتك الواقعية، وأكيد الخيال الجنسى بين الزوجين حاجة صحية لو استخدمتها صح.
  • فهم رغباتك: لو حصلتك تخيلات جنسية مع شخص غير شريك حياتك لازم تفكر في تفاصيل الموضوع عشان تعرف اية الدوافع والأسباب، يعنى مثلا هل التخيلات دي بتتخيل فيها نفسك وانت في مكان عام ولا وانت بتعمل اوضاع وحركات جديدة عليك ومثيرة؟ ولا دايما بيتخيل شخص معين في النوع دة من الفانتازيا الجنسية، لأن ممكن العوامل دى كلها توضحلك رغباتك الجنسية العميقة اللي ممكن متكونش عارفها أصلا، ودة ممكن يساعدك على تحقيق الممكن منها والاستمتاع بيها في الحقيقة.
  • لعب أدوار مختلفة في حياتك الجنسية: ممكن تخيلاتك الجنسية تمنحك أفكار جديدة للمتعة والألعاب الجنسية، وممكن تستخدم خيالك كمصدر الهام ليك لإشباع رغباتك في الواقع وتجربة حاجات جديدة في الجنس، ودة ممكن يكون مفيد جدا لتنشيط الحياة الجنسية للأزواج خاصة اللي مر فترات طويلة على زواجهم.

أنواع التخيلات الجنسية

في نوعين رئيسين من التخيلات الجنسية وهما:

  • تخيلات غير عادية: وغالبا بيكون فيها تصرفات غريبة أو weired شوية أومستنكرة زي مثلا تخيل ممارسة الجنس مع عاهرات أو ممارسة ألعاب جنسية غريبة، المهم نكون عارفين ان التخيلات الجنسية الغريبة والغير عادية دي مش مرتبطة ابدا بتنفيذها، يعنى مثلا ممكن ست تتخيل الجنس العنيف وهي مربوطة لكن في الحقيقة تكون رافضة النوع ده من الجنس في حياتها ومش عاوزة تجربة ابدا في الواقع.
  • تخيلات جنسية معتادة: ودي مختلفة بين الرجالة والستات، يعنى الستات غالبا بيتخيلوا ممارسة الجنس بطريقة رومانسية في أماكن رومانسية، لكن الرجالة بينجذبوا لفكرة ممارسة الجنس مع امرأتين، والناس من الجنسين بيتجذبوا للتخيلات الجنسية عن الجنس الفموي Oral sex.

هل التخيلات الجنسية ليها دلالات معينة؟

غالبا التخيلات الجنسية مش بيكون ليها دلالة معينة، والشخص مش بيقصد بيها حاجة بعينها، وغالبا بتكون أفكار او مفاهيم ممتعة بتمر على الدماغ، أما بقي لو اتكلمنا في الموضوع من ناحية رومانسية جنسية هنلاقى ان الأزواج بعد مرور فترة على زواجهم بيحصلهم نوع من الملل والفتور الجنسي، وأحيانا التخيلات الجنسية بتنعش علاقتهم الحميمة وبتسمح لهم بشوية اثارة واكتشاف وبتشجعهم على تمثيل بعض التخيلات مع بعض للوصول لمتعة أكبر.

أزاي تتخلص من التخيلات الجنسية الغير مرغوب فيها؟

أحيانا بتكون الخيالات الجنسية الغير مرغوب فيها حاجة ممكن تسببلك قلق وحزن، بس لازم تكون رحيم بنفسك متحش بالذنب لأن دي مجرد تخيلات بعيدة عن الواقع، حاول تتحكم في تخيلاتك وتطردها من دماغك وبلاش تتجاوب معاها ولازم تلهى نفسك بحاجات تانية، بس لو حسيت إنك مش قادر تتخلص منها لازم تستشير مختص في العلاج السلوكي المعرفي وهو هيقدملك الدعم اللي انت محتاجة.

اترك تعليق