سايكويكي

أنواع الهلوسة أو الاضطرابات الضلالية أو الـ hallucinations وأسبابها

الهلوسة أو الاضطرابات الضلالية

الاضطرابات الضلالية أو الوهامية (Delusional disorders) أو بالمعنى الدارج بتاعنا الهلوسة hallucinations  هي نوع من الاضطرابات العقلية اللي بتتميز بنوبات من هذيان مستمر وراسخ.. يعني قناعات المريض متأكد منها وصعب جدًا تقنعه يغيرها. الهلوسة  في الغالب ما مابيجيش معاها  أي اضطراب في الوظائف العقلية التانية وما بتسسبش خلل وظيفي مباشر لكن ممكن جدًا تأثر على العلاقات الاجتماعية والأسرية. الهلوسة تعتبر من الحالات النادرة في الطب النفسي وبتنتشر أكتر بين الستات ومتوسط عمر المصابين بيها 42 سنة.

أنواع الهلوسة أو الاضطرابات الضلالية

هوس العشق – Erotomania

وهو التوهم بأن شخصية مُهمة مثلًا أو مشهورة على علاقة حب سرية معاه. الهوس ده ممكن يكون السبب فيه حاجة عملها الشخص المشهور ده واتفهمت غلط من خلال المريض، وبعدها بيتكون عند المريض قناعة راسخة أن الشخص المشهور ده وقع في حبه. طبعًا الموضوع بيتدي يآخد منحنيات زي الأفلام بقى ويبتدي يبعتله ورد، رسايل، يحاول يكلمه أو يقابله، وهكذا..

هوس العظمة – Grandiose

حالة من التوهم والإعتقاد الراسخ عنج المريض إنه بيمتلك قدرات خاصة أو خارقة أو إنه عنده ثروة أو معرفة أو علاقات مميزة بمسئولين وممكن يدعـى إنه عنده علاقة قوية بالله أو إنه رسول مثلًا، وهكذا..

هوس الاضطهاد – Persecuatory

حالة من التوهم أن في حد بيراقبه وبيتآمر ضده وهايسببله أذى معين. ويعتبر هوس الاضطهاد من أكتر الهلاوس اللي منتشرة، والموضوع ممكن يوصل بالمريض إنه يشتكي لجيرانه أو لزمايله أو حتى للشرطة.

توهم المرض العضوي – Somatic Symptom Disorder

لما يبقى عند المريض هلاوس إنه بيعاني من مرض عضوي خطير أو مُعدي أو تشوه في جسمه مثلًا، زي إنه مصاب بالجمرة الخبيثة نتيجة عدوى جاتله من البريد.

الغيرة المرضية – Pathological jealousy

ودي هانتكلم عنها باستفاضة شوية

خلينا مانخلطش الغيرة العادية الصحية بالغيرة المرضية.. لأن الغيرة العادية هي حاجة طبيعية ومشروعة وموجودة في النفس البشرية. غير الغيرة الطبيعية في العلاقات .. الصحاب كمان بيغيروا على بعض ومن بعض عادي جدًا والزمايل في الجامعة أو المدرسة أو الشغل بيغيروا من بعض، الخ.. أما الغيرة المرضية (فـ بتعتبر أكتر الهلاوس انتشارًا وأكترهم خطورة ونقدر نميزهـا بالحاجات دي:

  • هلاوس مستمرة إن شريك الحياة بيخون .. من غير أي دليل.
  • هاتحاول تتكلم معاه بالمنطق عشان تحارب الأفكار دي ومش هايستجيب.
  • المريض هتلاقيه بيدور دايمًا عن أدلة الخيانة في أي حاجة تقع فـ إيده (تليفون، لابتوب، مذكرات، الملابس الداخليه، وهكذا..)
  • طبعًا كل الحاجات دي بتعمل مشاكل بين الشريكين ممكن توصل للعنف أو القاتل والانتحار لا قدر الله.
  • الغيرة المرضية ممكن جدًا تبقى بسبب أمراض تانية زي الفصام والاضطرابات الوجدانية واضطرابات الشخصية أو إدمان المخدرات وممكن تبقى بسبب أمراض عقلية عضوية. وبتنتشر أكتر بين الرجالة عن الستات.

من أهم أسباب الغيرة المرضية

  • نوع الشخصية: المريض ممكن يبقى أصلًا عنده شعور شديد بالنقص والعجز أو عدم ثقته في نفسه.
  • المشكلات الجنسية: كتير من الباحثين بيربطوا بين الغيرة المرضية ومع المشاكل الجنسية؛ سواء عدم القدرة على الانتصاب عند الراجل أو العجز الجنسي عند الست.

عوامل الخطر في الغيرة المرضية

هي إنها ممكن تؤدي للعنف أو القتل أو الانتحار، في دراسا بتقول إن

  • 4% من المرضى ارتكبوا جريمة قتل
  • 25% من المرضي حالة هددوا بالقتل أو الأذى للطرف التاني
  • 56% من الرجالة و 43% من الستتات هددوا أزواجهم بالانتقام

عن الكاتب

أحمد الفرماوي