البزرميط الصحة النفسية العلاقات

ازاى تفرق بين الناس الحقيقية والمزيفة – قايمة

كتبها سها مطر

كلنا محتاجين نفرق بين الناس المُزيفة والناس الصادقة في حياتنـا .. أقولك الصراحة؟ معظمنـا بيبقى حاسس بالشخص اللي قدامه هو حقيقي وصادق ولا مُزيف في كلامه.. وعلى العموم دي الـ Checklist اللي هاتساعدك عشان لما تتلخبط ترجعلهـا.

الحاجات الى بتميز الناس الصادقة :

  • بيقدروا ويحترموا الناس كلها
  • مش بيحاولوا يغيروا الناس الى حواليهم
  • مش بيحاولوا يلفتوا الانتباه
  • بيشتغلوا في صمت ومش بيحاولوا يتفاخروا علشان شغلهم الى بيتكلم عنهم
  • بيقولوا آرائهم بصراحة
  • بيبذلوا جهد كبير علشان يوفوا بوعودهم ولما بيقولوا حاجة بينفذوها
  • بيحبوا الناس وبيمدحوهم
  • دايما بيساعدوا غيرهم ويقفوا جمبهم

أما الحاجات الى بتميز الناس المزيفة :

  • بيقدروا بس الناس الى ليها سلطة
  • بيحاولوا يخلوا الناس زيهم
  • بيسعوا للفت الانتباه
  • بيسعوا دايما إنهم يستعرضوا نفسهم وغالبا بيبقى مجرد استعراض من غير إنجاز حقيقى
  • أغلب كلامهم ثرثرة ونميمة
  • مش بيلتزموا بوعودهم والالتزامات الى عليهم
  • دايما بينتقدوا الناس علشان يبانوا أحسن منهم
  • بيبقوا كويسين بس لو ليهم مصلحة معاك

طيب ازاى تتعامل مع الناس المزيفة الى في حياتك ؟

  1. أول حاجة تعملها هي أنك تتجنب تتعامل معاهم
  2. لو مضطر تتعامل معاهم قلل التفاعل معاهم على قد ما تقدر وقلل الوقت الى بتقضيه معاهم
  3. خلى بالك وأنت بتتعامل معاهم متبقاش زيهم وحاول متتأثرش بيهم وتقلد تصرفاتهم

عن الكاتب

سها مطر