العلاقات

لو المدام حامل أوعى تزعلها، لمصلحتك على فكرة

المدام حامل بس لمصلحتك أوعى تزعلها

خبر حلو أول ما تسمعه بتحس أنك هتطير من الفرحة و دلوقتى بس أصبحت لك عائلة خاصة بك … بس فى نفس الوقت بتبقى مرحلة صعبة أوى فى حياة مراتك .
و ده نتيجة تغيرات كتير بتحصل فى جسمها ده بقى غير الهرمونات و اللى بتعمله فى مزاج مراتك الحامل .

و طبعا كل ده طبيعى مع الحامل فتلقيها دايما خايفة و حاسة بأكتئاب و قلق … ده طبعا غير انها بتقلب بسرعة … شوية هادية و شوية عصبية . عشان كدا بتكون محتاجة انك تساعدها و تطول بالك عليها على قد ما تقدر .

مودها بيتغير كل تلات شهور

أول 3 شهور حمل : و دى بقى مرحلة حساسة جدا لأنك هتلاقى مراتك دايما متلخبطة و خايفة و بتعيط من أقل حاجة ? ….. بيبقى عندها نسبة أكتئاب بسيطة بسبب القلق إلى أن تطمن على أستقر الحمل بعد مرور الثلاثة أشهر الأولى .

الثلث الثانى من الحمل : و هنا بتكون مراتك أعصابها أهدى و مستقرة نفسيا و جسديا .. عشان هى مطمنة أكتر على ثبات الحمل .

غير ان الأعراض البايخة و اللى كانت تعبها فى الشهور الأولى خلاص مش موجودة …. ده غير انها بتبدأ اول علاقة مع طفلها لما بتحس بنبض قلبه و حركته و دى أسعد لحظات الحمل ….. عشان كده ممكن تريح أعصابك شوية و تستمتع بالمرحلة دى مع مراتك و تستعد للمرحلة الأهم .

الثلث الأخير : و دى أصعب مرحلة كل ما يقرب ميعاد نهاية الحدوته و كمان بسبب الألم النفيسي و الجسدي اللى بتعيشه فى كل لحظة …. دماغها مشغولة بقلق و خوف من الولادة و كانت عملية وله طبيعى …. ده غير التفكر المستمر فى النونو …. أزاى هتتعامل معه .

و شكل جسمها و بطنها اللى بيتغير و يزيد كل مدى ….. ثقتها فى جمالها بتقل و تبقى مش عاوزة تبص على شكلها فى المراية ده طبعا لو الأكتئاب زاد عن الحد العادى.

أزاى أقدر أساعدها و أسعدها؟

  • أهتمامك و حنانك : بيساعدها تحس بوجودك معها ده طبعا بجانب أنكوا تعيشوا التجربة سوا و متابعة الدكتور برده سوا عشان .
  • ا لصبر و طولة البال : معلش مهما أتعصبت طول بالك عليها و هدى لانك لما تحافظ على نفسيتها مستقرة بتحافظ كمان على سلامة و صحة Baby .
  • أبعد عن الخناق و النكد : اللى الضغط النفسى بتعيشه المدام و الجنين سوا و ده ممكن يجيب مشاكل كتير .. لانه بيخلى الطفل يعانى بعد كدا من عصبية و فرط حركة او توحد لا قدر الله . وعامة هدّى الجو عشان الحمل هو مرحلة بيتكون فيها نفسية و طباع ابنك أو بنتك اللى فى السكة .
  • المشاركة : يعنى لازم تبقى موجود فى كل حدث جيد … و متسبهاش تستلم لمشاعر الحزن و الإكتئاب و القلق اللى ممكن تتطور و تخلى الموضوع مستمر معاها حتى بعد الولادة ….. خليك سند بجد .
  • ساعدها تحكيلك عن مشاعرها في كل مرحلة: ومفيش مانع انك تكدب حتى و تحسسها أزاى هى بتحلو كل يوم زيادة و هى حامل ? .. حتى لو كان ده” مش حقيقى” بس دعم ثقتها فى نفسها عشان تعدوا للمرحلة بسلام و معاكوا baby جميل و بصحة تمام .

عن الكاتب

نهلة شعلان