العيال

13طريقة ممكن تساعد طفلك على تعلم القراءة

القراءة

تعلم القراءة لطفلك في سنّ ما قبل المدرسة حاجة مينفعش يتعلمها لوحده !
لأنه هيحتاج منك مجهود و لعب كتير مع الطفل عشان تسهلى عليه عملية التعلم.
طبعا المجهود ده ممكن يساعدنا و يجنبنا مشاكل إعاقة القراءة ” الديسلكسيا ” أو على الأقل يساعدنا نقومها.

أزاى نساعد الطفل يكتسب مهارة القراءة؟

  1. خلى القراءة روتين يومي قبل النوم لطفلك في السرير مهما كان سنه صغير لأنه مع الوقت ودانه هتتعود على سماع نطق الحروف و عنيه هتميز الحروف و الكلمات.
  2. كمان حاولى تغنيله أغنية الحروف اﻷبجدية فى سن صغير ده هيسهل عليه حفظها .
    و ممكن تألفى مع طفلك أغنية بتاعتكوا عن الحروف و الكلمات عشانتساعديه يحب القراءة.
  3. هاتي لطفلك كتب ملونة و حواديت و كتب الرسم بتضم الحروف و كلمات صغيرة عليها.
  4. أستغلى حب الطفل للتابلت و نزلى ألعاب تعليميه تعلمه يكتب الحرف و ينطقه كمان.
  5. ممكن تنزلى برامج  بتضم أغانى عن كل حرف تخليه يتعود يسمعه و ينطقه صحو يعرف شوية كلمات لكل حرف.
  6. ساعدى طفلك يختار القصص المحببة ليه من أقرب مكتبة كمان دلوقتى فى قصص مطبوعة عن الكرتون اللى يحبه الطفل .
  7. كمان ممكن تلعبى معه لعبه الكلمات اننا نبعت لبعض ورقة صغيرة بكلمة أو أتنين يكون عارفها ذى ولد شاطر ، وجبة لذيذة ، حلو أو قصير.
  8. نعمل نشاط بالورق الملون و الفوم عن الحروف و الأرقام و نقص و نلزق كل ده بيخلى شكل الحرف يتحفر فى عقل الطفل.
  9. كافئى طفلك على كل حاجة جديدة يتعلم يقرأها عشان تشجعيه على التعلم و القراءة.
  10. ألعبى معه لعبة” عروستى ” عشان تعوديه يرتب أفكاره عشان يوصل المعلومة .
  11. لو طفلك بيحب قصة معينة يفضل أنك تكرريها كل يوم عشان يتعود على شكل الكلمات و بالتدريج هيقرأها لوحده.
  12. أنطقى الكلمات  صح و متكرريش الغلط ورا الطفل كنوع من الدلع عشان الغلط ميعلقش فى عقله.
  13. علمى طفلك الكلمات الصغيرة فى  المراحل الأولى ذى حروف الجر و أسماء الإشارة.

يعنى و أنتى بقرأى معه القصة شورى دايما على الكلمات الصغيرة اللى سهل تقرأ ذى ” من ، فى ، على، إلى ، هذا ، هذه “.

خلى ولادك يشوفوكى وأنتِ بتقرى و ده سيحفزهم على القراءة و التعود على

وجود الكتب بالمنزل .

كمان حاولى تخلى القراءة نشاط بنعمله طول اليوم بذات مع الطفل فى سن المدرسة يعنى كل كلمه عينه تقع عليها نقراءها له عشان يحبها و يتعود عليها.

و تبعدنا عن مشاكل إعاقة القراءة أو حتى تساعدنا نتخطاها مع البرنامج العلاجى المقترح من المتخصصين.

بتحبى تقرأى أيه مع أبنك ؟

عن الكاتب

نهلة شعلان