العيال

أزاى نخرج ولادنا من حالة الصدمة النفسية بعد فشل الحب الأول؟!

الحب الأول

تجربة الحب الأول أحساس جميل يعيشه المراهق اللى فى الغالب بيفشل نتيجة التسرع ويواجه لأول مرة في حياته الصدمة عاطفية.

عشان دى أول تجربة بيعاشها الولد أو البنت وبتكون فى العادة بين الوهم والحقيقة.

نتيجة قلة الخبرة في الحياة ، الاندفاع وعدم النضج بيدخل بعده فى حالة صدمة نفسية قوية.
فبيزيد عنده الشعور إكتئاب واحباط والإنعزال عن الناس و عدم الرغبة فى الأختلاط أو الظهور فى المناسبات.

أيه هى السعادة فى أول حب ؟!

أول تجربة عاطفية للمراهق ذى ما فشلها بيكسره برده بحقق له سعادة كبيرة أوى ، ليه ؟!

  • بيبتدى يخرج من مشاعر الطفوله و يدخل عالم جديد عليه.
  • تأشيرة دخول لعالم الرجولة بالنسبة للولد وعالم الأنوثة بالنسبة للفتيات.
  • مشاعر جديدة و تغيرات فى نفسيته بتخليه يحب نفسه و يحب الدنيا أكتر.
  • بيزود حالة التفاؤل عنده فى البداية.
  • لكن فى الغالب بتتحوّل لأكبر صدمة بيمر بيها المراهق فى حياته و كأنها نهاية العالم.

الصدمة النفسية بعد فشل الحب الأول

  1. تلاقى فى حالة صمت و عدم رغبة فى الكلام كمان ممكن الموضوع يكبر ويدخل فحالة صمت أختيارى.
  2. بيعزل نفسه لفترات طويلة جدا فى أوضته.
  3. بيرفض يروح أى مناسبات أو تجمعات للعيلة.
  4. ممكن يفضفض لصاحب أو صاحبة ، أخ أو أخت لكن صعب يكلم أهله عن مشكلته.

ساعات بتكون حالة بسيطة تأخد وقتها و تعدى لكن فى العادة البنات بتتأثر أكتر من الولاد عشان الرومانسية والعاطفة أعلى.

و الصدمة النفسية دى ممكن تخليها تدخل فى حالة إكتئاب مزمن وفى الحالات الشديدة ممكن توصل للأنتحار.

و طبعا عشان الولد أو البنت غالبا بيخافوا يحكوا تجربتهم للأهل فتلاقى الأب و الأم فى حالة حيرة مش عارفين سبب التحول المفاجئ فى حالة المراهق النفسية.

أزاى نخرج ولادنا من حالة الصدمة النفسية بعد فشل
الحب الأول؟!

  1. الحوار والمناقشة عشان تعرف السبب اللى وصل المراهق لحالة الحزن والكآبة.
  2. بلاش الاستخفاف بمشاعره أو الأستهزاء بتجربته لأنه لو حس بجد أنكوا مقدرين .مشاعره ممكن يشيل الحواجز اللى منعاه من الكلام.
  3. الدعم النفسي للمراهق من غير ما تفرض نفسك على عالمه بالعافية.
  4. بلاش نجبره يتكلم لكن مهم أن الأب والأم يعرفوا المراهق أنهم مستعدين يسمعوا وقت ما يحب يتكلم.
  5. مهم أننا نساعده يخرج من الحالة دى وتغير نظرته التشاؤمية لما يحس أنه فى كتير أتصدموا قبله.
  6. نأكد ان الحب الأول مهما كان فشله قاسي بس بعد فترة بيتحول ذكرى حلوة لأيام كنا فيها صغيرين.
  7. نشجع المراهق على ممارسة نشاطات جديدة.
  8. كمان توسيع دائرة الأصحاب مهم أنه يساعده يخرج من الحالة دى.

كمان دى مش أخر تجربة بيعشها العمر لسه أمامه بس المهم يستفيد من التجربة الصعبة و يتعلم منها عشان يقدر يحمى نفسه.

مش أى مشاعر حلوة يحس بيها بتكون حب حقيقى ممكن إعجاب أو رغبة أنه يكون فى حالة حب.

أمتى ممكن حس طفلك بالحب الأول؟!

عن الكاتب

نهلة شعلان