البزرميط

الزبادي والاكتئاب ايه علاقتهم ببعض؟

اللبن

الشائع ان الاكتئاب بيجي في الشتا بسبب طبيعه الجو وغياب الضؤ فترة طويلة لكن الاكتئاب في حد ذاته مش مربوط بفصل واحد من فصول السنه بيجي في اي وقت لما تتوافر الاسباب اللي بتخلي الشخص يدخل في مود الاكتئاب .

المهم بعد الأدوية المضادة للاكتئاب والرياضة وغيره والطرق التانية لعلاجه بكل أنواع الاكتئاب او بتقلل من أعرضة فيه انواع من الاكل بتقلل من الاعراض .

لو عايز تعرف معلومات تانيه عناكتئاب الشتاء: أيه هي أسبابه وأعراضه والتعامل معاه

اكتشفوا ان الزبادي والبيكتريا اللي فيه بتساعد في التخفيف من اعراض الاكتئاب شوف أزاي؟.

دراسة جديدة

فيه دراسة جديدة علمولوها مجموعه من الباحثين في كلية الطلب بجامعه فيرجينا ،خروجوا من الدراسة دي أن فيه حاجه زي مضادات الاكتئاب موجودة في اللبن اللي بيتعمل منه الزبادي، والمادة دي أسمها البروبيوتيك  وموجودة في اللبن ومشتقاته زي الزبادي مثلا .

في البداية عملوا الدراسة وبدأ التجارب علي الفيران ” الفأر” لقوا أن البكتريا اللي موجودة في مادة البروبيوتك  قدرت إنها تسيطر علي المكروبات والحاجات الوحشة اللي بتسبب التوتر للفئران .

وبما أن التوتر بيساعد أننا نكتئب ” دا أول الغيث قطرة”  نقلل التوتر هنقلل فرص الاكتئاب لكن هما ليه بيحاول أو بيتمنوا أن المادة دي اللي بتحتوي علي بكتيريا ممكن نساعد البني أدمين ،عشان تقلل التوتر عندهم وتحسن من نفسيتهم وبكده فرصتهم في الاكتئاب هتقل .

ورغم أنهم حتي الان لسه مجربوش الفكرة دي علي البني أدمين ولسه فمرحلة التجارب علي الفار فا دا في حد ذاته أمل ، ده لان لو الموضوع طلع سليم وممكن يساعد البني أدمين ، فا دا هيخلي الدكاترة يبعدوا عن الحلول الدوائية يعني مضادات الاكتئاب وخلافه .

وطبعا الأدوية زي ما بعالج حاجه بتبوظ حاجه تانية يعني ليها أعراض جانبية  ممكن تضر اكتر ما بتفيد ،

لكن قالو في الدراسة أن ممكن تغير من مود الاكتئاب بأنك تاكل كويس مش فكرة دايت “لا “تاكل بنظام غذائي مظبوط فيه حاجه بس بنظام وبكميات معقوله مش بطبقين تلاته ، والنظام الغذائي السليم بيأثر علي البكتريا اللي بتسبب التوتر أو بتغير المزاج اللي موجود في المعدة ”

وزي ما يبقولوا المعدة بيت الداء والدواء “

وهنا هنلاقي أن الدراسة عملوا فيها ربط بين المعدة والبكتريا اللي فيها والحالة النفسية والعقلية كمان “المود” وفيه زي الدراسات دي كتير حاليا .

وأغلب النتائج “البهاريز بتاعت الدراسات خرجت بأن فعلا فيه علاقة بين نوع الأكل والبكتريا اللي في المعدة والحالة النفسية ، مثلا فيه دراسة منشورة سنه 2014 بتقول أن البروبيوتك عامل زي الفيتامينات المفيدة للبكتريا اللي موجوده في المعدة ومنها هتساعد أنها تقلل من القلق والتوتر اللي هما من مسببات الاكتئاب.

بس منقدرش نفقد الامل  برضه لان الدارسة ليه في الأول ، والنتائج اللي وصلوا ليها هيبحثوا فيها تاني عشان مزيد من التأكيد بأنهم ماشيين سليم .

لكن مفيش مانع أن يبقي الزبادي موجود علي المنيو الاكل اليومي  دايت بقي مش دايت المهم اكل الزبادي كل يوم ” دا مش اعلان علي فكرة” دا عشان تقلل من فرصة بالدخول في مود الاكتئاب.

ولو أساسا فيه اكتئاب حاد فالزبادي مش الحل سحري وهنا ممكن الزبادي مع الأدوية يدوا نتائج افضل .

عن الكاتب

حنان جمـال