اكتئاب الشتاء: أيه هي أسبابه وأعراضه والتعامل معاه

حسيت قبل كدا بالزعل والخنقة ومش طايق حد، عاوز بس تفضل قاعد في البيت من غير خروج ولا عايز تكلم حد، بيجي عليك وقت عايز تبكي وفاقد الإحساس بكل حاجة مش طايق نفسك ومبقتش طايق تتعامل مع حد، طيب صادف أن الأعراض دي كلها كانت في وقت الشتاء؟ يبقى إحتمال يكون عندك اكتئاب الشتاء

أيه هو اكتئاب الشتاء؟

هو الشعور بالحزن والعجز والوحدة والرغبة في الانعزال، خصوصاً في فصل الشتاء، المراهقين والسيدات هم أكثر الناس عرضه للاكتئاب الشتوي، بسبب تغير الهرومانات

 أسباب اكتئاب الشتاء:

1- قلة الضوء في الشتاء بسبب قصر فترة النهار والأمطار بيقلل نسبة هرومون الميلاتونين إلي بيفرزه الجسم بليل والمسؤول عن ضبط الساعة البيولوجية وبسبب طول فترة الليل بيفرز نسبة أكبر وبيرخي الجسم ويقلل طاقتة

2-إكتئاب ما قبل الدورة الشهرية عند السيدات والتغيرات الهرومانية والعاطفية إلي بتسبب حالات الحزن والتعب في الوقت دا، أقري المقال دا هيعرفك علاجه اكتئاب ما قبل الحيض: مليش نفس أعمل حاجة

3- العوامل الوراثية، وإلي بتزيد في جواز القرايب

4-الضغوط النفسية والعصبية والمشاكل اليومية إلي بنسبها تتراكم فوق بعض لحد ما أعصبنا تبوظ

5- ضياع الروابط الأسرية وحالات التفكك الأسري والطلاق وضاعت معنى الأسرة من الحب والمودة والرحمة، فحتى الأسرة مش هتسد أحتياجاتك العاطفية

6-النظام الغذائي الغلط: ولأن الليل طويل وأحنا سهرانين فالزهق بيخليك تأكل أكل مليان بالسكريات والدهون والمنبهات والنشويات وبدورها بتقلل طاقتك وبتزود الكسل والنوم

7-الروتين وقلة الحركة والكسل مع الوقت الكسل هيتحول لاكتئاب شتوي، لأنك طول الوقت قاعد والقاعدة هتخليك تفكر كتير، وتفكر وتزعل وتتعب وعشان تفك حالة الكسل أقرأ دا الكسل الشتوي .. كسر قوقعة البيات الشتوي وعيش حياتك من غير كسل

8- التغيرات الجسدية في فترة المراهقة بكل مشاكلها وعدم تقبل المراهق لنفسه وقله ثقته في نفسه بتخليه يدخل في نوبات اكتئاب بتزيد في الشتاء

9- سكان المناطق الشمالية والجنوبية: بسبب الطقس البارد وطول اليوم في البيت هيملوا من الروتين والكسل 

10- الحوادث الجنسية زي التحرش والإغتصاب: أفكارها بتفضل متخزنه في العقل الباطن، بنفتكرها وبشده بليل ولأن الشتاء ليله طويل يبقى سهرتك كئيبة

11- المشاكل العاطفية: كل خناقاتك مع شريك حياتك، هتشغل هاني شاكر ومصطفى كامل وتبكي على الأطلال والمشاكل

أعراضه

1- الكسل والإرهاق، فقد التركيز وسرعة النسيان والقلق والضيق والحزن الشديد

2-النوم أوقات طويلة أو الأرق : بسبب تغيرات الساعه البيولوجية 

3-زيادة الوزن أو فقدانه : بسبب الأكل الكتير

4- تنميل في أيدك ورجلك

5- فقد الثقة وحب العزله والبعد عن التجمعات حتى تجمعات صحابك

6- الصداع : هينتج من قله النوم والمنبهات 

المضاعفات :

1-أفكار إنتحارية وممكن توصل لمحاولة إنتحار!

2- الإنسحاب الإجتماعي لدرجة الهروب من الأفراح والزيارات وحتى قعدتك مع صحابك وردك على الموبايل 

3- الإدمان بكل أنواعه سجاير، مخدرات أو عادات سيئة

4- الإكتئاب والحزن والمشاكل كل يوم مفيش فاصل

5-اليأس من الحياة ومن الشغل وكل حاجة سودا

6- مشاكل في التعامل مع الأهل والصحاب وحتى في شغلك مبقتش عاوز تروح

7- حساسية زيادة عن اللزوم من أقل كلمة أو موقف بتخليك تنفعل ومفيش تحكم في ردود أفعالك 

إزاي تتعامل اكتئاب الشتاء؟

1-أفتح كل الشبابيك ودخل نور الشمس الصبح من 10 لـ12 فيتامين د بيقلل الاكتئاب 

2-قاوم وأخرج حتى لو الجو بارد، اتمشى بعد الغدا، وجدد الهواء في جسمك

3- النظام الغذائي الصحي: فطار فيه بروتين ونشوايات وغذاء منوع والتقليل في العشاء، أمنع المنبهات والكافين وزود المشروبات السخنة واللبن بالعسل، كل تونة وسمك وموز وشكولاته بيقللوا الإكتئاب

4-  بطل تدخين أو حاول تقلل منه 

5-رياضة كل يوم لمدة نص ساعة

6- أستفيد من هدوء ليل الشتا في القراءة وممارسة هواياتك

7- نام قبل 12 عشان تتجنب التفكير الزيادة وأظبط المنبة للصحيان بدري لحد ما جسمك يتعود

8-الألوان : الألوان بتفك أي حالة اكتئاب غير كل ألوان هدومك الغامقة وألبس ألوان فاتحه، هات ستاير وملايات فاتحة، حط أضواء ملونة، أملى البيت ألوان 

9-اليوغا : شغل موسيقى هادية وأقعد قعده مريحه وأفصل من كل العصبية والمشاكل

10-الكتابة : أكتب كل إلي مضايقك وإلي مزعلك وحالتك وكل أحساس بتحسه، وحاول تحط حل ينفع ليك ولو ملقتش حل على الأقل هتكون خرجت كل السلبية قطع الورقة وأرميها بقى

11- مضادات الإكتئاب حسب تعليمات الدكتور

علاج اكتئاب الشتاء سهل جداً لو هو لسه في أوله لكن لو حصل معاك مضاعفات وبقيت حاسس بالأفكار الانتحارية طول الوقت يبقى لازم تروح للدكتور…

اترك تعليق