البزرميط العيال

الدراما التلفزيونية وحش خطر على ولادنا

الدراما التلفزيونية وحش خطر على ولادنا

كتير مننا بيتابع المسلسلات و الأفلام و طبعا أحنا كأمهات بنتفرج و ولادنا بيلعبوا فى نفس المكان ،هنوديهم فين ؟ برغم أننا دايما بنحاول نراقب المحتوى اللى بيشفوا .
بس مهما حاولنا هيتأثروا برده لان دلوقتى مش ممكن تقدرى تمنعيهم مع وجود النت فممكن يتفرجوا على اللى هما عاوزينه .

” الأسطورة : جيل بيقلد محمد رمضان ”

ظهر فى الفترة الأخيرة فيديوهات على النت لأطفال بتقلد محمد رمضان فى فيلم من فيلم الأسطورة و طبعا المسلسلات دي مش مناسبه للأطفال أبدا عشان مشاهد العنف .

ده بقى غير الكلام اللى مش مناسب و برغم ان الأولاد ممكن ما متقولش ده على طول بس بيفضل فى دماغها فترة طويلة جدا و بعدين يخرجلنا و قابلى بقى .
ده غير ان الأطفال مش دايما بتفهم معنى الكلام اللى هما شايفينوا بذات لو السن أقل من 3 سنوات عقلهم مش بيترجم الصورة صح .

أيه أضرار مشاهدة المسلسلات و الأفلام الدرامية ؟

– مش مناسب لسن الطفل المضمون بيكون مش قد تفكيره .
– تشتت و عدم تركيز أقل لتعرضه لصور و اصوات لا يفهمها . الأطفال أقل من 3سنين .
– التقليد لاشياء غير مناسبة ” إعادة تمثيل المشاهد “ مرة أخرى .
– مشاهد القتل و العنف اللى بتفضل فى عقل الطفل متخزنة و ممكن بقى تخرج بأسلوب عنيف فىالنادى أو المدرسة .
– الألفاظ و الكلمات الغريبة الى مينفعش الأطفال يسمعوها ولا يكرروها .
– التعاطف و ده بيبقى مع الأولاد فى سن المراهقة فتلاقى شخصيات سيئة و شريرة و متقدمة فى شكل يخلينا أحنا الكبار بنتعاطف معاهم و نحبهم ،يعملوا ايه بقى الولاد والبنات … هيحسوا أنك ممكن تعمل كل حاجة غلط و المجتمع هيسمحك و يحبك.

طيب نعمل أيه عشان نحميهم ؟

– نحدد ساعات مشاهدة معينة و كمان لازم ناخد بالنا من المضمون المقدم مناسب و له لا .
– نعرف أزاى نتواصل مع ولادنا سواء كانوا صغيرين أم كبار يعنى لازم منعديش حاجة غير لما نتناقش و نتعلم فيها كلنا أتفرجوا يبقى لازم يفهموا .
– البعد عن مشاهد العنف لحد لما تتكون شخصية الطفل و يقدر يفهم أن ده مش حقيقى .
– المحافظة على مفهوم المجتمع و ده مع المفاهيم الغربية الغربية اللى بتقدمهلنا الأفلام و المسلسلات سواء عربى أو أجنبى .
– المحافظة على اللغة الصحية و المؤدبة و أن دا تمثيل مينفعش تقول زيهم .

مش هتقدرى تخبى ولادك كتير عن المفاهيم الغلط سواء من تلفزيون أو النت أو اللى بيشفوه حواليهم فى الدنيا عشان كدا معندناش حل غير الحوار ،نعاملهم زى ماهما محتاجين مش زى ما أحنا عايزين .

يعنى نعرفهم أزاى يتعاملوا مع المفاهيم الغلط و يتجنبوا مشاكله ده غير الصراحة و عدم الخوف من السؤال على أى حاجة غريبة ملهاش تعيير عندهم . 

و طبعا لازم يسألوا ماما و بابا مش الصحاب عشان المعلومة توصل بشكل تربوى . 

عن الكاتب

نهلة شعلان