الخيال الجنسي بين الزوجين حاجة صحية لو استخدمتها صح

83

خلينا نتفق الأول ان الخيال الجنسي أو فانتازيا الجنس حاجة متعارف عليها وبتمر على معظم الناس، يعنى لو في يوم جالك خيال لعلاقة جنس ثلاثي threesome، أو إنك بتمارس الجنس مع حد رابطك في السرير او ان شريكك في العلاقة بيتكلم معاك كلام خارج أثناء العلاقة، متقلقش!!!

انت طبيعي جدا وزى ما قلتلك أنت مش لوحدك اللي بتمر عليه الأفكار دي، مع العلم أن الأبحاث أكدت أنة من الصعب تحديد الدوافع وراء تخيل جنسي معين، لأن ممكن شخصين يجيلهم نفس التخيل الجنسي نتيجة دوافع وأسباب مختلفة عند كل شخص منهم، ودة لأن التخيلات الجنسية للناس معقدة جدا ودرجة التركيز على الجنس بتخلف من شخص لشخص.

ده غير ان الحاجات المثيرة جنسيا لشخص ما ممكن متكونش مثيرة خالص بالنسبة لشخص تانى، وعلى الرغم من كدة الدراسات أثبتت ان في عوامل مشتركة هي اللى بتدفع الناس للتفكير في فانتازيا الجنس وغالبا العوامل بتكون مرتبطة بالاحتياجات العاطفية المثيرة جنسيا للأشخاص.

الخيال الجنسي

فانتازيا الرومانسية والعواطف

دليل على الخوف من الهجران والفراق

غالبا الناس الميالين أكثر للرومانسية والعواطف بتكون عندهم مخاوف من الخذلان والهجر، عشان كدة أغلب تخيلاتهم بتكون رومانسية وعاطفية لأن ده بيقلل عندهم الشعور بعدم الأمان اللي ممكن يحسوا بيه، في حين أن اغلب الناس التانية تخيلاتها بتدور حول المتعة الجنسية.

فانتازيا ممارسة الجنس الثلاثي

فانتازيا ممارسة الجنس الثلاثي threesome 

تعبير عن حاجتك لجذب الانتباه

مش عاوزك تتخض لما تعرف انه على الرغم من استنكار وغرابة الفكرة في مجتمعاتنا الشرقية والعربية، الا ان الجنس الثلاثي threesome يعتبر من أكثر التخيلات الجنسية اللي بتيجى في دماغ الناس، يعنى لو كان بيحصلك تخيل جنسي عن ممارسة الجنس الثلاثي انت وشريكك مع شخص ثالث فغالبا النوع ده من الجنس الثلاثي بيكون ناتج عن الرغبة في الحصول على اهتمام زائد، لكن في حاله التخيل الجنسي برغبة الشخص انه يكون طرف ثالث مع شريكين في علاقة جنسية فده  بيدل على رغبة صاحب الخيال الجنسي في المغامرة أكثر من رغبته في الحصول اهتمام زيادة، حاول تقرأ مقال الخيال الجنسى عشان تعرف حقائق غريبة جدا عن فانتازيا الجنس.

فانتازيا الرغبة في سيطرة والتحكم

فانتازيا الرغبة في سيطرة والتحكم

دليل على الرغبة في الخضوع والتسليم لشريكه

فانتازيا الرغبة في سيطرة وتحكم طرف واحد في العلاقة الجنسية هي فانتازيا شائعة جدا وبتحصل للرجالة والستات، والحالة دي بيختصروها في مصطلح BDSM وهو اختصار للعبودية والهيمنة أوالخضوع والسادية (بالمعنى المسالم مش العنيف خالص)، وويكيبيديا بتشرحلنا أكثر عن مفهوم BDSM وهو الممارسات الجنسية اللي بتعتمد على الاستمتاع بسيطرة وهيمنة طرف في العلاقة الجنسية وتمثيل الأدوار الجنسية بين مسيطر ومُسَيطر عليه بالتراضى بين الطرفين من غير اعتداء او عنف ولو حصل شوية تعنيف بيكون في حدود الأمان وبيكون متفق عليه.

 وغالبا الشخص سواء رجل او ست اللي بيحب النوع ده من الفانتازيا الجنسية وبيفضل سيطرة شريكة عليه في العلاقة بيكون عنده الرغبة ان يحس بالعشق من شريكة لأن في النوع دة من الفانتازيا دايما الشريك بيظهر إحساس بالانجذاب الشديد الذي لا يقاوم.

ده غير ان الناس اللي بتعانى من حالات قلق وتوتر متعلقة بالجنس بتنجذب أكثر للنوع ده من الفانتازيا الجنسية لأن تخيلات الخضوع للشريك بتقلل من توترهم من أدائهم أثناء العلاقة الجنسية، وكمان النوع ده من الفانتازيا بيسمح لناس كثيرة انهم يخرجوا خارج حدود المنطق ويستمتعوا بالجنس أكثر من شركائهم، اقرأ مقال أزاى تتصرف لو حصلك نوبة هلع أثناء ممارسة الجنس دة ممكن يفيدك جدا.

الخيال الجنسي المحرم

الخيال الجنسي المحرم

تعبير رغبة الشخص في تجربة حاجات جديدة في الجنس

مش شرط ان الشخص اللي بيميل للتخيلات او الفانتازيا الجنسية المحرمة يكون عنده أسباب نفسية عميقة، ودة لأن الأبحاث الحديثة أكدت ان الأشخاص اللي بتحصلهم تخيلات او فانتازيا جنسية محرمة أكثر غرابة من ال  threesome وbdsm بيميلوا أكثر الى انهم يكونوا أكثر انفتاحا ورغبة في تجربة حاجات جديدة في الجنس، ودة بيخليهم يتخيلوا سيناريوهات غريبة مش عادية عن الجنس والعلاقات الجنسية، تقدر تقول ان التخيلات دي بتحصل للناس عشان غالبا بيكون عندهم فضول زيادة ورغبة في خوض تجارب مختلفة  ومالوش أي أسباب أعمق من كدة.

الخيال الجنسي عند الكبار

الخيال الجنسي عند الكبار في السن

فانتازيا وتخيلات جنسية أكتر من الشباب

غالبا هتلاقى الناس في سن الاربعينيات والخمسينات اللي ارتبطوا بزوجة واحدة أو زوج واحد طول عمرهم عندهم ميول أكتر للتخيلات الجنسية، وهتلاقيهم دايما بيتخيلوا نفسهم مع شريك أصغر في السن، والموضوع ده غالبا بيحصل نتيجة رغبة الشخص في انه يجرب حاجات جديدة في الجنس ويخرج من القالب التقليدي اللي عايش فيه ومبيغيروش، وغالبا في العلاقات الأحادية مع شريك واحد لفترات طويلة زي الزواج في مجتمعاتنا، الناس بتلجأ لخيالها عشان يلاقوا حريتهم ويجددوا شوية روتين حياتهم.

اترك تعليق