ساعد نفسك

6 نصائح عشان تتكيف مع أعراض متلازمة أسبرجر

متلازمة أسبرجر

بعد ما اتكلمنا عن متلازمة أسبرجر في المقال ده، هانقول 6 نصائح ممكن تساعد في التكيف مع أعراض المتلازمة أو تحفف منه قد الإمكان عشان تقدر تعيش حياتك بطبيعية.

  1. تمرين المراية
  2. تمارين التنفس والاسترخاء
  3. تمارين حسية حركية
  4. العلاج الجسدي والرياضي
  5. الالتزام بالروتين
  6. ابحث عن نظام دعم ومصدر للطاقة الإيجابية

وبالتفصيل هنشرحهم هنا

1-تمرين المراية:

عشان تدرب علي المهارات الاجتماعية وتزودها وتساعد نفسك أن تتعامل بشئ من التفاعل مع الناس التانية .

هنا أقف قدام  المراية  واعمل أي حوار او مثل حوارات وكلام مقدرتش تشارك فيه قدام الناس وقول اللي مقدرتش تقوله قدام الناس واسمع نفسك كويس .

التمرين ده هيديك شعور بالراحة وبالتكرار هيساعدك ان ترجع تاني للمشاركات مع الناس في الحديث.

2- تمارين التنفس والاسترخاء:

غمض عينيك وخد نفس عميق قبل ما تروح أي مكان فيه ناس كتير او اجتماعت .

كرر التمرين التنفيس والاسترخاء لمده 5دقايق عشان تقدر تستعد لمقابلة الناس وتقدر تشاك معاهم كلامهم .

لما تحس بالقلق وسط الكلام والتجمعات روح أي مكان هادي الحمام مثلا وكرر التمرين 3

3-تمارين حسية حركية:

استخدم المكعبات الصغيرة الليجو مثلا واعمل منها مجسمات أو ارسم ولون او حل مسائل رياضيات ومعدلات حسابية .

كل ده بساعد علي الاسترخاء وبيدي شعور بالراحة.

التمرين الحسي والحركي بيعتمد علي  العلاج السلوكي الإدراكي وبيساعد كتير علي الاسترخاء والتكيف مع حالات القلق والفزع.

4-العلاج الجسدي والرياضي:

مارس رياضة أي نوع لأنه بساعد علي الاسترخاء بسبب المجهود البدني اللي بتعمله أثناء اللعب وبتقلل من حاله القلق والإجهاد النفسي.

وبكده ممكن تحس بالراحة والثقة بالنفس وبيديك أحساس بالشجاعة والرغبة في المشاركة  في الاجتماعات والحوارات .

5-التزم بالروتين:

التزامك بالروتين اليومي او روتين بيدي شعور بالراحة  واعمل جدول زمني مرتب لأحداث يومك والتزم بيه وبكده تقلل الإحساس بالقلق والإجهاد.

6-دور علي نظام دعم ومصدر للطاقة الإيجابية:

دور علي حد من صحابك او من عيلتك او خارج الإطار العائلي أو دكتور نفسي .

وتكون بترتاح له وبيفهمك كويس ويساعدك ويكون مصدر للطاقة الإيجابية والثقة عشان تتخطي المواقف الصعبة.

عن الكاتب

حنان جمـال