7 خطوات للتخلص من التفكير الزائد

3٬439

لكل الناس اللى دماغها شغالة 24 ساعة التفكير الزائد مشكلة كبيرة بتزود حالة التوتر عندك. كمان لو كان تفكيرك ده فى حاجة بتزعلك ممكن يكون له علاقة بالقلق أو الإكتئاب. و هو طريقة مرهقة جدا لعقلك بتخليك تراجع كل الأمور فى دماغك ميت مرة بسبب خوفك من الفشل و هو مجرد محاولة عشان نتأقلم مع القلق و التوتر و نبعد عن العلاج.

أيه هى صفات صاحبنا غاوى التفكير الزائد ؟!

  • ساعات بيكون سببه حاجة أسمها الاختلال الإدراكى و ده ببيضم
    أنك بتشوف الدنيا أم أبيض أو أسود مينفعش تكون حاجة تانية.
  • أن التفكيرك الزائد مش قائم على معلومات حقيقية ولكن على تخيلات فى عقلك نتيجة الخوف.
  • التعميم اى حدث سلبي هو سبب كل الأخطاء و الكوارث اللى بتحصلك.
  • بنتجاهل الإيجابيات و نركز على السلبيات فقط .
  • كمان بيكبر الأمور السلبية و يضخمها و يصغر أى شئ إيجابى .
  • بيلوم نفسه طول الوقت على كل اللى كان لازم يقوله أو يعمله و كمان بيلوم الناس على حاجات هم مش مسئولين عنها.

إزاى أبطل حكاية التفكير الزايد عن الحد؟

بدل أختلالاتك الإدراكية بأمور حقيقية

لو صدقت من جواك أن الأختلالات دى مش حقيقة هيكون سهل عليك تكسرها.
طيب لو التفكير الزائد مش حقيقى ، فما هي حقيقة الموقف؟
جرب تسأل على رأى اللى حولك فى الموقف الحقيقى عشان تدرك الفرق بس طبعا لازم نسأل حد نكون بنثق فيه جدا .

جرب تركز على الأمور الإيجابية بدل السلبيةو شوف هتوصلك لحد فين.

جرب طرق التأمل

التأمل و الأسترخاء طرق عشان تهدى أعصابك و تبعد عن حالة التفكير الزائد المستمر .
ممكن يكون عن طريق مجموعة تمرينات تساعدك تفك عضلاتك و تريح أعصابك.
كمان التأمل مفيد جدا لتصفية الذهن عشان بيركز على الشهيق و الزفير البطئ و بيساعد على تعمق التفكير.

شتت نفسك

دور على حاجة تشغل بها دماغك عن التفكير الزائد بأى حاجة تحبخا يعنى أسمع مزيكا ، جرب تخيط حاجة أو تلعب مزيكا المهم تلاقى نشاط تانى تشغل به نفسك.

أكتشف أفكارك

فى طريقة لطيفة عشان تعرف نوع تفكيرك أنك تكتبها و حط لنفسك زمن محدد 5 : 10 دقايق و أظبط المنبه و جرب تكتب كل الأفكار اللى تيجى فى عقلك.
بعد كدا أقرأ الكلام اللى كتبته و شوف هل ده تفكير منطقى ؟ إيجابى أم سلبي ؟ و أيه تأثيره على الموقف أم مجرد قلق.

أعمل حاجات تفرحك

دور على أنشطة تكون بتفرحك و شوف أيه تأثير السعادة على حالتك الفكرية هل هتشغلك عن التفكير المرضى ده؟

الحاجات اللى تفرحك ممكن تكون الخروج مع الأصحاب ، قاعدة القهوة، ممكن كمان تروح سنيما أو تقرأ كتاب بتحبه.

أيه هو الفشل بالنسبة لك؟

غير وجهة نظرك عن الفشل سواء كان السبب خوفك من أنك تفشل أو تجربة سابقة خلتك تؤمن أنك هتفشل دايما .
فأنت محتاج تعرف ان مش”  كل ما يتمنه المرء يدركه”  و ساعات تأتى الرياح بما لاتشتهى السفن.

حاول تشوف الفشل على أنه فرصة عشان تجرب حاجة جديدة مش نهاية الكون فلو مشروعك فشل هتلاقى سكة جديدة أتفتحت قدام عنيك توصلك لطريق النجاح.

الأفضل أنك تشوف الفشل كحافز عشان تبذل مجهود أكبر وتركز أكتر فى المستقبل.

عيش المستقبل و تعلم من الماضى

أعرف أزاى تتعلم من الغلطات اللى وقعت فيها فى الماضى و كمان رغم أن محدش يعرف المستقبل إلا أننا لازم نحاول و نجرب لحد ما ننجح.

بطل تفكر فى كل حاجة سيئة حصلت معاك زمان و أدت لفشلك ساعد نفسك تتغير ما دومت عارف سيناريو الفشل.

يكون أحسن لما تشتغل شوية على سيناريو النجاحكسر خوف و قلق الماضى و عيش اليوم الجديد جرب و حاول و فكر بإيجابية هتقدر تتخلص من التفكير الزائد.

أيه الحاجات اللى بتوترك و تخليك تدخل فى حالة التفكير الزائد؟!

تعليق 1
  1. Fayza 22 يقول

    معرفش ليه بس حبيت أحكي مع انها أول مرة أكتب كومنت في حياتي
    سبب تفكيري الزائد هو اللي انا بفكر في حاجات مش حقيقيه حاجات وهميه عايشاها جوه عقلي يمكن عشان خايفه انها ما تحصلش في الحقيقه او ممكن ما تحصلش في الحقيقه في بعض تخيلها المشكله هي انا بحب واحد هو يبقي جاري أظن فيه بنات كتير حصولهم كده تقريبا٢٤ساعة بفكر فيه باعد اتخيل مستقبلنا هيبقي عامل إزاي وهنجيب أطفال وهنسميهم إيه هو أكلم معاية ٣أول وتأتي مرة قالي عاملة إيه جملة مكونة من كلمتين بس بتحسين بفرحة يمكن عشان محدش من أهلي كان بيقولهالي أنا صحيح مش يشوفوا ألا٢في السنة وساعات مش يشوفوا لما بسمع أن هو حصلوا حاجة بيبقي عايزة أخبط علي الباب بس أقول إيه لمامتوا؟انا شفتوا٧مرات بس خلال ٤سنين لكن مش مهم أهم عي اني أعرف أن هو كويس أنا مستعدة اعمل أي حاجة عشان أسمع صوتوا بس وهو بيقول عاملة إيه؟يمكن حبيتوا أو حبيت كلمة عاملة إيه أكتر مش عارفة أنا نفسي أركز في دراستي وأنساه أنا زهقت كل يوم وأنا طالعة وأنا نازلة ببقي عايزة أخبط علي الباب بس مش قادرة وللعلم هو عارف مشاعري تجاهلوا هتقولوا عرفتي إزاي مرة وأنا نازلة سمعت صوت مامتوا بتقولوا هي نزلت انزل بقي يعني هو مش ليرضي ينزل علي السلم عشان ميشفنيش أنا تعبت نفسي أنساه عشان نفسي وعشانوا أنا لأني مركز في دراستي وهو ينزل ويطلع براحتوا من غير ميخاف أنوا يشوفني ممكن تكون مشكلة سخيفة لكن هي بالنسبالي معاناة٤سنين قرون جربت احكي لأصحابي بس مقلتش انو البنت دي أنا وكان رد صحبتي انس اللي بنت دي سيئة بس انا عايزة أكون إنسانة كويسة عايزة أتقرب من ربنا عايزة أهتم بمستقبلي وديني أنا تعبت أوي والله تعبت

اترك تعليق