العلاقات

التجاهل الصحى أحسن طريقة تكسبى بيها جوزك ” أصل التقل صنعة “

التجاهل الصحى أحسن طريقة تكسبى بها جوزك أصل التقل صنعة

عمرك حسيتى أن أنت بتهتمى بجوزك أكتر بكتيررررر من اهتمامه بيكى و أنك بتاخدى بالك من كل تفصيلة صغيرة فى حياته و هو مكبر منك خالص .
تبقى محتاجة النتيجة اللى بتقول :

احسن طريقة تكسبى بيها جوزك هى التجاهل

بس طبعا التجاهل الصحى مش بيقولك التقل صنعة لو مش قدها متجربيهاش أحسن عشان تحفظى على حالك.

أيه هو التجاهل الصحى ؟!

الراجل مش بيحب الخنقة

الرجل بيمل بسرعة و بيتمسك بحريته وقراراته دايما ..كمان بيدور على أنه يحس بالاستقلالية حتى بعد الجواز .

عشان كدا ممكن يفسر اهتمام مراته كنوع من السيطرة أو عدم الثقة .

فيقصر و يبدأ ينسحب حبة حبة والتجاهل في سبيل إيجاد راحته النفسية.

سبيه يشيل مسئولية

متزوديهاش فى التعيير عن حبك بجوزك ،لان ده بيخليه يتوقع أغلب تصرفاتك يختفى الفضول اللى جواه عشان يعرفك .

و عشان كدا هيهرب من حاجات كتير قووووى فمش هتوحشيه و لا هيدور عليكى و يسيبك بقى مش أنت حبه تشيلى المسئولية عنه .. شيلى و حلى عن دماغه و ده غلط .

التجاهل صحي

تجاهل الزوج يعنى تحافظ على علاقتك معاه بس متدلقيش قوى ،فمثلا ألغى الزن مش طول اليوم تليفونات ” حبيبى أنت كويس “خلصت إجتماع طيب…… “ و كل ربع ساعة تليفون ،لا أوفر خفى شوية .

كمان تخفى الرغى فى البيت و هموم الولاد مش على طول …أحكى بس أختارى الوقت المناسب و كمان الحاجات اللى تقدرى تمشيها أنت مش لازم تقلبى دماغه بيها .

بلاش بقي أسلوب نفسى تقولى كلام حلو زي ……….”

سيبيه يعبر عن مشاعره بطريقته مش هتمليه اللى حابة تسمعيه عشان كدا هيبطل يتكلم أصلا.

الهدف : أنه يفضل مهتم زى أيام الخطوبة و أنك تثيرى فضوله و تشجيعه على أنه فعلا يهتم بالحوار معاكى و الكلام بس من غير ما تطلبى ده .

حبيه بالعقل

أفهمي جوزك و أعرف تتعاملى معه ازاى مفيش كتالوج لكل الرجالة أو الستات أحنا فى الأخر بنى أدمين بنختلف عن بعض بس لو فهمنا بعض التعامل هيكون أسهل .

الحب بالعقل بيستمر أكتر و يكبر مع الوقت و كمان عشان تقدرى تعدى مرحلة البرودة اللى بتيجى بعد مرحلة الحب القوية اللى فى الأول .

و الوقت ده اللى بيبتدوا تحسوا بملل و تغيير فى طباع وسلوكيات بعض .
و ده موضوع عادى بس متأفورىش فى المشاعر عشان ترجعى الأمور ذى الأول بس ،ده غلط عشان الأفضل أنك تتعاملى مع المتغيرات الجديدة اللى جوزك عليها عشان توصلى لنقطة تقدروا تتقابلوا فيها تانى

أوعى تلعبى دور المخبر

حاولي تبطلى تتابعى كل تفاصيل حياته العملية زى المخبر قابل مين؟ و قال أيه ؟و بعدين عملت أيه ؟

لان كدا بتبعديه أكتر و أكتر عنك ،المطاردة هتخليه يصدك عشان كدا التجاهل بتكون نتيجته أحسن .

لما تقليلي أهتمامك هو اللى هيدور عليكى و هيحس بأرتياح اكبر. و هو بيحكى و هيزيد عنده الفضول عشان يعرفك أخبار يومه .

نصيحة مهمة

بدل ما تخلى أهتمامك مصدر إزعاج لجوزك أهتمى أكتر بنفسك و جهزي البيئة الهاديه اللى تخلىه هو اللى يقرب منك أكتر .
تودد زائد : أى حاجة زيادة  عن الحد و الأسئلة و الاهتمام المبالغ فيه ،بيخلى جوزك تحت ضغط نفسي .

بيخليه يتجنب الحوار معاكي و مش بيحاول يكسبك و يرضيكى زى الأول .

لو جربتي طريقه تانيه ترجعي بيها جوزك يتعامل معاكي زي الاول , قوللنا ايه هي ؟

عن الكاتب

نهلة شعلان