البزرميط العيال

أزاى الألوان بتأثر فى نفسية و سلوك طفلك ؟!

الألوان

الألوان بتأثر فى حالتنا النفسية عشان كدا لازم نختار لون غرفة الطفل بعناية عشان تجهزى لطفلك جو هادى يحافظ على طاقته و كمان  بيساعده يكبر و يتطور.

غرفة الطفل هى بداية الحكاية لأنها ممكن لو لونها حلو و مريح تساعده يكون سعيد و سلوكه هادى.

بحسب دراسات أكدت أهمية البيئة المحيطة بنا فى سلوكنا عشان كدا بنقدملك اليوم الألوان و تأثيرها على مزاج طفلك :

اللون الأزرق الهادى

الأزرق هو لون هادى و جميل مشهور فى غرف الأولاد كمان فى دراسات بتقول أنه بيهدى سلوك طفلك و بذات الرضيع.
ممكن تضيفيله لمسة من اللون الأصفر أو الأبيض عشان وجود النقيض كمان مهم لتنمية حواس الطفل و تعليمه ن العالم مبنى على التناقض.

الوردى الناعم

و ده لون مرتبط بغرف البنات و هو من الألوان الهادية و اللى بتساعد الطفل حتى يحافظ على طاقته الإيجابية.
كمان بيساعد على تهدئة سلوك الطفل و مزاجه العام و ممكن ندخل معاه لون متناقض أو لمسات من لون نارى.

لون الشمس الذهبية المبهج

الألوان الفاقعة مثيرة جداً للأعصاب فتخيلى بقي ممكن يعمل أيه مع الطفل الرضيع.

الأصفر الفاقع ممكن يسحب الطاقة من غرفة الطفل و يزود عنده نوبات الصراخ و العياط من غير سبب واضح.

فيكون أفضل لو أستعملتى اللون الأصفر الفاتح كمان لو أستخدمتى الفاقع قللى من حدة صفاره بإضافة اللون الأبيض عشان يهدى الجو شوية.

“الأصفر الباستيل “ بيساعد الطفل يحافظ على طاقته و سعادته.

الأبيض والأسود يشعرك بالطمأنينة

من المعروف أن الأطفال من أول ما يتولدوا لحد سن 4 شهور مش بيقدروا يشوفوا غير الأسود، الأبيض والرمادى فقط.

عشان كدا بيكون المزيج من الألوان اللى هو عارفها ومريح مع تناقض كافية.
عشان يخلي الطفل يهتم كفاية بالعالم طول ما هو صاحى.

الأخضر للسلام الداخلى

لما تدهنى غرفة طفلك باللون الأخضر ده هيحفزه على التعلم الأخضر لون الزرع و بيهدى الطفل بنفس الطريقة المهدئة لكبار.
لأنه لون مشجع على الهدوء ، السلام الداخلى و الصفاء النفسي.

استخدمى اللون الأخضر عشان تطمنى طفلك الرضيع عشان توصليله الإحساس بالسلام والأمان فى المستوى اللا شعورى.

الألوان النارية مصدر للإزعاج والقلق

كتير من الألوان النارية الحيوية ذى الأحمر والأصفر والبرتقالى ممكن تساعد فى تحويل الطفل الهادى لطفل زنان و لا يتوقف أبدا عن الصراخ.

عشان كدا فى دراسات بتقول أن الألوان النارية بتجهد نظام الطفل العصبى.

كمان فى أطفال مش بيقدروا يتحملوا الألوان الفاقعة بذات لما تتفرد على مساحات واسعة.

أبعتيلى أية لون غرفة طفلك ؟ و تأثيرها على سلوكه؟

عن الكاتب

نهلة شعلان