ازاى صاحبك/صاحبتك النرجسية بيفكروا؟ وإيه اللي خلاهم يبقوا كدة؟
هل مريت بالمواقف دى قبل كده؟ واحد بيسألك عن رأيك، وبيعمل في الآخر اللى في دماغه كل مرة؟ أو واحدة بتتكلم عن نفسها كتير، كل حاجة عندها أكيد أحسن منك. لكن لما تتكلمى عن حاجة تخصك أو تشاركيها بأى حاجة كويسة، بتبدأ تشكك فيها وتقلل منها؟ لو اه، يبقى أنت أكيد بتتعمل مع شخصية نرجسية.
- لكن مين هي الشخصية النرجسية؟
النرجسية هى اضطراب في الشخصية، أغلبنا بيعانى منها. في الثقافة الشعبية، النرجسية بتتفسر أنها الشخص اللى بيحب نفسه، أو بدقة أكتر بيحب النفس المثالية. الشخص النرجسى بيكون فاكر أنه فريد جدا أن حد يفهمه وأنه مميز جدا لازم الناس كلها تكون معجبة بيه.
الدليل التشخيصى والإحصائى للاضطرابات النفسية بيصنف النرجسية على أنها اضطراب في الشخصية بيتراوح بين بعض الصفات النرجسية لاضطراب الشخصية النرجسية الكامل.
اضطراب الشخصية النرجسية مش شائع أوى، لكن كلنا عندنا بعض الصفات النرجسية. ودى بعض صفات النرجسيين:
- حاجتهم الشديدة لإعجاب الناس بيهم طول الوقت. لأنهم بيفكروا أنهم فريدين من نوعهم.
- إحساسهم أنهم أحسن من باقى الناس. لأنهم بيفكروا أنهم موهوبين أكتر وفاهمين أكتر بكتير.
- مش بيظهروا نقط ضعفهم لحد. مش لأنهم أقوياء، لكن علشان بيخافوا من نظرة الناس ليهم ولأنهم عايزين يفضلوا متفوقين في كل المواقف.
- مش عايزين يعرفوا احتياجات الناس ويحسوا بمشاعرهم. لأنهم عايزين ديما يكونوا محور الاهتمام، كمان لأنهم بيشوفوا أن إظهار المشاعر علامة على الضعف.
- بيتلاعبوا بالناس ويبتزوهم عاطفيا. لأنهم عارفين أن ده في مصلحتهم وعلشان يعرفوا يستفادوا منهم.
- أسباب النرجسية:
- النرجسية ممكن تكون بسبب طفولة غير صحية، أو ماضى مؤلم.
- النرجسيين هم أشخاص يائسين جدا بسعيهم المستمر لاهتمام الناس بيهم، إما لأنهم كانوا بيحسوا أنهم مش جديرين بالاهتمام أو ملهمش قيمة في الماضى، أو على العكس وهو أنهم اتعودوا يكونوا محور اهتمام وانتباه الناس باعتبارهم فريدين.
- في اعتقاد خاطئ في التربية وهو أن وضع القيود هو السبب الرئيسى، لكن الحقيقة هي أن كلا من الأسباب التساهلية والاستبدادية من الأهل ليها دور في تعزيز أعراض النرجسية.
- كمان كلا من الأهل اللى بيفشلوا في تقدير قيمة الطفل أو اللى بيفرطوا في الثناء لابنهم بيعززوا أعراض النرجسية. لأن الحالة الأولى بتخلى الطفل يحس أنه أقل من الباقى وبيكون عايز يحصل على الاهتمام ، والتانية بتشجع ” الذات المثالية” عند الطفل.
- الطريقة اللى بيحس ويفكر بيها النرجسيين مختلفة تماما عن غير النرجسيين
الحقيقة هي أن النرجسيين مش عايزين يغيروا نفسهم، لأنهم ببساطة مش معترفين أن عندهم مشكلة وبالتالي مش بياخدوا خطوات للتغيير من غير أي إحساس بتأنيب الضمير.
- هل النرجسيين بيفرقوا بين الصح والغلط؟
النرجسيين بيكونوا عارفين الفرق بين الغلط والصح، لأنهم فاهمين السبب والنتيجة. على الرغم من أن الطريقة المبسطة دى في صنع القرار بتخلى في مجال واسع للخطأ، لكن هي بتفسر كمان ليه في أوقات مش بيكونوا عارفين المشكلة أو مش على علم بيها. مفيش ” إحساس بالذنب ” بيوجههم، وبتكون حجتهم أنهم مش بيهتموا ب” المعاييرالإجتماعية”. ببساطة، النرجسيين عندهم آلية تفكير مختلفة تماما لأنهم بيبصوا لكل حاجة بمنظور مختلف، على عكس غير النرجسيين اللى بيكونوا أكثر تعاطفا وبيظهروا مشاعرهم للناس بسهولة.
