البزرميط العيال

ابنى متوحد : مفيش وصفة سحرية للصبر و القوة

ابنى متوحد : مفيش وصفة سحرية للصبر و القوة

أبنك المتوحد حاسس بكل حاجة حتى لو مش قادر يعبر و يقولك ده فلازم تحافظى على أعصابك عشان تقدرى تساعديه و تكملى الإكتئاب و الواسوس القهرى اللى بيسيطر على دماغك كل ما تفكرى :

هيتعامل بكره أزاى مع الدنيا و الناس ؟
و يا ترى هيدخل مدرسة عادية أم مدرسة متخصصة ؟
طب لو أنا مش موجودة هيعمل أيه ؟

و قلبك يفضل متقطع عليه ، ده طبعا جنب الإحساس بأنك مستهلكة و منهكة من كتر مشاوير الجلسات دى جلسة تخاطب و دى تعديل سلوك و دى تنمية مهارات و دى تقيم عشان نعرف بيتقدم و له أيه .

كل ده بيضغط على أعصابك و يخليكى عرضة لأنك تقعى فى نفق المرض النفسى .

” عشان كدا الوقاية خيرا من العلاج “

أنتى أنسانة مش روبت و ذى أى أم نفسك تشوفى أبنك أحسن واحد فى الدنيا عشان كدا لازم تحاولى :

1- أقبلى الواقع

لازم عودى عقلك أن يقبل فكرة أنه طفل مختلفو عنده ذكاء ومهارات محتاجة حد يساعدها تخرج لأن أغلب العظماء كانوا متوحدين عنك أينشتين و نيوتن من أشهر المتوحدين ززمش بقول أنه هيبقى عالم بس دايما أبص لمهاراته و أنميها بدل ما أبص أنه أقل من الولاد فى سنه .

2- الدعم النفسي مهم جدا

و ده طبعا بيكون من جانبين :

– الأهل و الأصحاب القريبين جدا مننا و كمان أمهات الأطفال المتوحدين ممكن تشكلوا مع بعض مجموعة دعم للتعلم و دعم الحالة النفسية العامة لكم.
– المعالج النفسي ذى ما الطفل محتاج دعم نفسى أنتى كمان يا ماما محتاجة تتكلمى مع معالج نفسي سواء عن طريق جلسات أو عن طريق العلاج الجماعى عشان تقدرى تكملى .

 3- ههونها تهون

أنت بتسعى و بتحاولى تساعديه بكل الطرق و بتعملى اللى عليكى و زيادة شويه نهون الأزمة على نفسنا و نبص دايما لنص الكوباية المليان حتى لو بيتحسن ببطء بس المهم أنه بيتحن و يتقبل العلاج يبقى إن شاء الله فى أمل طبعا مع التقرب من ربنا بالدعاء و الحمد على نعمته بتساعدنا نتجمل ظروفنا

4- الأختلاط كويس لكى و لطفلك 

الناس دلوقتى وعيها بقى أكتر بموضوع التوحد عن زمان فحولى أنك دايما تجمعى أبنك مع أطفال طبيعين لأنه مع الوقت بيكتسب منهم مهارات و الدمج شئ كويس جدا عشان يساعده يطور أوعى تعزليه و متهتميش بأراء الناس .

الدمج سعات كمان بيبقى طريقة من طرق العلاج ذى الجلسات بالضبط عشان كدا حتى المدارس المتخصصة بدأت تعمل فصول دمج عشان الأطفال تختلط و تحس ببعض .

و كمان هيساعك تحتكى بالنفس متزعليش نفسك مع ابنك فى كوكب تانى تعايشوا مع الناس  حتى لو كان الموضوع متعب بس لازم يتعود أنه يختلط

تفائلوا تجدوا الخير أمامكم دايما النظارة السودا مش هتغير الحال بس الإيجابية ممكن تساعد العايلة كلها .

عن الكاتب

نهلة شعلان