أقوى 15 فيلم عن متلازمة ستوكهولم

علم النفس بيشوف متلازمة ستوكهولم على انها وسيلة للبقاء، بيتعرض ليها مخ الضحية عشان تخليه يفضل عايش! ودا بسبب تعرضه من قبل شخص او مجموعة اشخاص لمواقف مؤلمة وصادمة، زي الخطف والسجن والاعتداء أوتصادمات من علاقات رومانسية! ودول أفضل 15 فيلم عرض اشكال مختلفة من متلازمة ستوكهولم.

King Kong

في فيلم (كينج كونج) اتعرضت اكتر حالة ملحمية لمتلازمة استوكهولم،  الاحداث بدأت في تلاتينيات القرن الماضي في نيويورك قي فتره الكساد الكبير، و بتبدا القصه بمخرج عايز يحقق حلمه بتصوير فيلم مغامرات وبيكون ضمن فريق عمله الممثلة آن درو (نعومي واتس) و بينضملهم الرحالة جاك دريسكول. ويبدأوا رحلتهم في جزيرة الجماجم ويكتشفوا ان الجزيرة فيها قبائل بدائية بتقدم قرابين بشرية للقرد العملاق و اثناء مغامرتهم بيتم اسر (آن) وتقديمها لكينج كونج، ولما الفريق بيقرر ينقذها بيكتشفوا ان الجزيرة محبوسة في فتره زمانيه و فيها ديناصورات، وخلال الوقت ده علاقتهم بتتطور لمتلازمة ستوكهولم و بتبدا شخصية (آن) بالتعاطف والتفهم مع القرد وتتعامل معه بإنسانية وتفهم نواياه وده اللي بيخليهم يتعلقوا ببعض لاخر الفيلم.

Three Days of Condor (1974)

علي مر السنين، فيلم سيدني بولاك فضل أيقونة لأفلام الجاسوسية، البطل بتاعنا زمايله في الشغل بيغدورا بيه بيلاقي نفسه عاطل ونلاقيه بيقرر يخطف كاثي هيل واللي بتظهر عليها اعراض ستوكهولم فا يتحول الخوف لـسحر والخوف من الموت لـشئ جميل بالنسبه ليها.

Sleeper (1975)

الأحداث بتحصل في القرن 22 لما بطلنا بيتم تنويمه لـ 200 سنه وبيصحى يلاقي عالم مختلف بيتحكم فيه الحواسيب و الالات، فبنلاقي بطلنا بيبدأ يلبس كأنه روبوت ويتصرف بطرق بين الانسانيه العفوية وبين البرمجة، و احداث المتلازمه في الفيلم بتاخد مجرى كوميدي لما شخصيتنا الرئيسيه اللي بتلعبها ديانا كيتون، بتبدا تقتنع بالافكار الثورية للبطل وتحس بتاثيره عليها وتتعود على الجنون اللي هو عايش فيه.

V for Vendetta (2005)

في عالم بتحكمه الديكتاتورية في إنجلترا، بتظهر شخصية بطلنا (V) اللي عايز يقاوم القمع وبيغير مجري الاحداث لثوره مضادة علي النظام، اثناء الفيلم بنلاقي صحفية شابه بتهاجمه، وقتها بيخطفها عشان يقنعها بأفكاره والعذاب اللي اتعرض له بأنه يطبقه عليها، وبعد ما بتعرف حقيقة و ماضي البطل بنلاقي بطلتنا بدل ما تبان عليها مشاعر الغضب من الخطف، بنلاقيها وقعت في حب (V) وده بالظبط اللي بتعمله الضحايا اللي بتجيلهم متلازمه ستوكهولم.

Buffalo ‘66

بعد ما بيلي برون بيخرج من السجن بيفقد الشغف في حياته، بيقرر ييزور امه و ابوه للمره الاخيره، فخطف كرستينا ريتشي وامرها تيجي معاه في زيارته كانها صديقته، لكن بنتفاجئ بانها وقعت في حبه وعايزه تقضي معاه بقية حياتها وبتحس ان هي الشخص اللي هيصلحله حياته (I can fix him) زي ما بنات كتير بتقول.

     3096 Days 

بيحكي الفيلم قصه بنت نمساوية قضت 3096 يوم -حوالي 8 سنين- في زنزانة الخاطف اللي قضاهم في تعذيبها و تجويعها، لكن مش هنستغرب انها اتعلقت بيه لانه الشخص الوحيد اللي كانت بتتواصل معاه، ومع ذلك بتحاول تهرب.

   Dog Day Afternoon (1975)

فيلمنا مقتبس عن قصة حقيقية، بيقرر اتنين صحاب لسه مطرودين من الشغل انهم يسرقوا بنك في نيويورك اثناء حرب فييتنام، وعشان المنحوس منحوس بيلاقوا ان شريك من البنك قدم استقالته وفي يوم سرقتهم كل سجلات الفلوس كانت فاضية! وخلال معافرتهم في انهم ياخدوا فلوس عشان يخرجوا الرهائن بنلاقي ان المختطفين بدأوا يساعدوا آلباتشينو وصاحبه على انهم ياخدوا الفلوس ويهربوا!

   A Perfect World (1993)

 بيختطف باتش هاينز الهربان من السجن و شريكه تيري الطفل (فيليب)، ولكن تتحول علاقة الخاطف بالمخطوف لعلاقة صداقة وتعلق، ودا بسببب ان باتش اصلا خلال هروبه بيحاول يثبت براءته.

 Tie Me Up! Tie Me Down! (1989)

مريض عقلي بيقوم بخطف نجمة أفلام إباحية، لأنه مهووس بيها، وكان هدفه من الخطف ده انها تتعلق بيه وتحبه لدرجة انه كان عايز يقنعها تتجوزه!

 The Night Porter (1974)

خلال الحرب العالمية الثانية،  ضابط نازي سابق تظاهر بأنه طبيب لالتقاط صور مثيرة في معسكرات الاعتقال ،وهناك بيتعرف على لوسيا أثيرتون بنت مراهقة محتجزة في معسكر اعتقال بسبب علاقات والدها السياسية الاشتراكية، يعتبر الفيلم من أكتر الصور تعبيرا عن متلازمة ستوكهولم في السينما، بيبين قد ايه ممكن الجاني يشوه نفسية ضحيته.

  Interrogation (1982)

من علامات السنيما البولندية، في خمسينات القرن الماضي بنت بيتم القبض عليها من قبل ضابط شرطة وبعد شهر من التحقيقات بتبطل تقاتله عشان حريتها، وبنلاقيها بتتعلق بيه وتحبه وتظهر عليها كل علامات متلازمة ستوكهولم!

 Tom at the Farm (2013)

من اكتر الأفلام اللي بتوضح فيها اعراض متلازمة ستوكهولم بشكل صارخ خصوصا ان اعراض المتلازمة بتظهر عند توم تجاه امه واخوه اللي بيتم فيها تخويفه وتشويهه نفسيا بدوافع مريضة زي الحب والحماية، وبنلاقي ان بتجيله كذا فرصة يهرب ويسيب البيت لكن مبيقدرش!

  Elle (2016)

ايل اللي بتتعرض للاغتصاب وخلال الاحداث لما تعرف هوية المغتصب بتكتشف مشاعر متناقضة ناحيته، وبتقوم بدور امرأة قوية على حافة متلازمة ستوكهولم!

 Goya’s Ghosts (2006)

في إسبانيا في القرنين الثامن عشر والتاسع عشر، الأب لورنزو اتفتن ببنت صغيرة (إيناس) بتلعب دورها نتالي بورتمان، واللي طالعة بدور ملهمة الفنان فرانسيسكو غويا، وبسبب انه بيحاول يظهر في فنه الحروب والهمجية البشرية بيتم القبض على ايناس وبيحقق معاها الاب لورينزو اللي بعد فترة بيعتدي عليها في السجن، الفيلم مش بس بيصور معاناة الأسر في القرون الوسطي والا انه كمان بيصور رموز للمعاناة والقسوة بيتعرض ليه الأبرياء، دا غير ان الفيلم بيثبت ان متلازمة ستوكهولم مش مرض جديد!

The Piano Teacher (2001)

مدرسة بيانو عندها 40 سنة في معهد الموسيقي في فيينا بتتورط في علاقة غامضة مع عازف بيانو شاب وبنلاقي انها بتعاني من اعراض متلازمة ستوكهولم تجاهه  اللي رغم من اذلاله ليها بتفضل معاه!