سايكويكي

متلازمة أسبرجر : غريب وانطوائي بس ذكي و لطيف

متلازمة أسبرجر غريب وانطوائي بس ذكي و لطيف

فشل في القدرة علي التعرف علي ناس جديدة أو اصحاب جدد أو الاصابة بحالة من الإرتباك بين الناس أو الكلام مع الناس المعروفين بس. وانطابعات الناس بتقول أنه عصبي عنده هوس مش طبيعي أو” غريب الأطوار زي ترجمة أنيس عبيد في الأفلام الاجنبي”. كل دي علامات على متلازمة أسبرجر .

متلازمة أسبرجر أو بالأنجليزي (Asperger’s syndrome)دي من ضمن الاضطرابات النمائية الشاملة. وممكن تتصنف ضمن اضطرابات “طيف التوحد” عالي الأداء. ممكن تكون مستخبية وغير واضحه في الشخص حتي مرحلة البلوغ  لكن ممكن تفضل مستخبيه حتي بعد البلوغ كمان. وفي الغالب بتبدأ الاضطرابات تتكون في الأول ما بين الرضاعة والطفولة المبكرة.

وبتنعكس متلازمة أسبرجر علي السلوك العام للشخص غالبا بيلاقي صعوبة أنه يعرف علي أصحاب جداد. وصعب أنه يتكيف بسرعة مع الناس. ممكن تكون مش اجتماعي بالقدر الكافي، إنما فيه صفات مميزه كتير زي إنه “ذكي ،نشيط، جذاب، هادي، لطيف في المقابل هو غريب نوعا ما وانطوائي.

الصفات اللي فاتت دي سببها حاله القلق وصعوبة التواصل مع الناس أو الشخصية غير الاجتماعية.

الأعراض الظاهرة لـمتلازمة “أسبرجر”

  1. صعوبة تكوين الصداقات
  2. الصمت الانتقائي
  3. القلق الاجتماعي
  4. صعوبة الاتصال البصري أو الاحتياج الشديد له
  5. شدة التركيز علي مهام محددة
  6. حب التماثل” سيمتري”
  7. حب الروتين

والأعراض اللي فاتت مش شرط تكون موجوده كلها في شخص واحد لكنها الاعراض المنتشرة

  1. صعوبة تكوين الصداقات:

الأشخاص اللي بيعانوا من متلازمة أسبرجر بيلاقبوا صعوبة في أنه يكتسبوا أصدقاء جدد بالاضافة إلي أنه بيقفدوا أكتسابهم  للمهارات الاجتماعية  وصعوبة في التكيف السريع مع الناس.

لكن هنا الشخص نفسيه بيكون عايز يتعرف ويدخل في مجموعات لكن مش عارف .

  1. الصمت الانتقائي:

هنا الشخص المصاب بمتلاومة” أسبرجر” بيتكلم مع اللي بيرتاحلهم يعني بينقي اللي يتكلم معاه ومش بيتكلم مع الغريب .

ولما بيكون في مجموعه بياخد جنب ” انطوائي” بيقتصر تفاعله مع الناس بالابتسامة .

أو يشغل نفسه باي حاجه تانيه بعيدا عن التعامل مع الناس،.

النوع ده من الصمت بيلجأ ليه بس لما يكون بين ناس كتير أو مع ناس غٌرب .

  1. القلق الاجتماعي:

وبسبب صعوبة ترجمه تعبيرات الوش أو ردود أفعال الناس وبالتالي بيبقي بيعاني من قلق اجتماعي .

وبيكون عده صعوبة أنه يعبر بشكل سليم لبعض المواقف عشان ده بيلجأ للأنطوائيه والعزله .

  1. صعوبة الاتصال البصري أو الاحتياج الشديد له:الشئ وعكسه

وهنا بيجد بيحصل الشئ وعكسه أما يكون عنده صعوبة في الاتصال البصري أو بينزعج جدا من عدة قدرته علي الأنصال البصري .

وبالتالي بينعكس علي الشخص بيظهر للناس أنه مش واثق في نفسه.

والسبب في حاجته الشديدة للاتصال البصري لأنه بيكون أنه عايز يتاكد إن الشخص اللي بيتكلم معاه متاح له وبس .

  1. التركيز الشديد على اهتمامات محددة:

لما بيعمل حاجه معينه بيركز عليها هي وبس وبالتالي بيكون عنده تركيز عالي وبيساعدهم في التخلص من حاله القلق الاجتماعي وبيدهم شعور بالراحة .

وأغلب اهتمامات اللي بيركزوا عليها بتكون فردية زي ” الرسم ، الكتابة ، النحت ، التكنولوجيا، .

ودا بيديهم أحساس بالراحة لكن بيعاني جدا لو سابوا الأنشطة اللي زي دي اللي بيديهم أحساس مرغوب فيه .

  1. البحث عن الأنماط والتماثل:

ميزة الشخص المصاب  بمتلازمة أسبرجر أنه بيقدر يبفهم الأنماط ويلاحظها كويس.

والقدرة علي ملاحظة الأنماط والتماثل بتديهم شعور بالراحة.

وبيكون عندهم قدرة غريبه علي ترتيب الأشياء سواء علي شكل خطوط مستقيمة أو علي أساس اللون أو أي نمط يريحهم بصرياً ونفسياً.

و السلوك المنطي بيكون ميزه وعيب في حد ذاته .

وبالتالي تلاقي المصاب بالمتلازمة بيكون شاطر جدا في الفيزياء والرياضة وفي التحليل وكشف المتشابهات .

وبترجع السلوكيات السابقة أنه بيحاول يلاقي معني وتفسير للأشياء اللي حواليه.

  1. الالتزام بالروتين:

حب الروتين وهنا بيكون الشخص المصاب بـ ” الاسبرجر ” ببيعش الروتين وبيلتزم بيه جدا .

وبيحط لنفسه نظام معين في حياته بيمشي عليه .

وحب الروتين في حد ذاته بيضمن له الشعور بالراحة والبعد عن القلق اللي ممكن يحصل لو حصل أي خلل في الروتين العام له .

العلاج لـ” متلازمة أسبرجر”

  • العلاج هنا بيكون من خلال الدكاتره النفسيين .
  • نسبة الشفا من متلازمة ” اسبرجر” حوالي 20%لما يبدأ علاجها من الأول “مرحلة الطفولة”.
  • لكن لو بدأ المصاب بالعلاج وهو في مرحله البلوغ هنا العلاج ممكن يوصلش لمرحلة الشفا التام .
  • لكن ممكن يقلل من الأعراض وبساعد المصاب أنه يكمل حياته بشكل سوي وطبيعي .

عن الكاتب

حنان جمـال