البزرميط العيال

الرياضة أدب …و أخلاق …و صحة نفسية عال العال

رياضة

الرياضة مفيدة جدا للطفل و كل ما نبتدى مع ولادنا بدر يكون أحسن لأنها بتنمى مواهب الطفل و تساعده يكون أجتماعى أكتر.

كمان ساعات الأمهات مش بتهتم بالرياضة للأطفال اللى بتعانى من سمات التوحد أو أى إضطرابات نفسية تانية.

مع أنها مفيدة جدا بتساعدهم على التركيز ، تقوية الأتصال البصرى و كملن بتقوى عضلات الطفل.

طبعا ده غير التأثير الإيجابي على حياة الأطفال و تنمية مواهبهم بشكل عام.

طبعا الرياضة بتفيد الصحة ؟ طب أيه فوايدها التانية؟

تشجع الطفل على أسلوب حياة صحي

أول ما الطفل ييتدى يلعب رياضة و يواظب عليها بيتعلم النظام .
لأنها بتدخل فى رونين حياته العادى ذى الأكل و المذاكرة فالرياضة بتساعده أنه يتعود على أسلوب الحياة الصحى .

زيادة الثقة بالنفس

لما ولادنا بيتعلوا لعبة و يتقدموا فيها حبة بترفع مستوى الثقة عندهم و تدي للطفل شعور بأنه بيقدر ينجز و ينجح فى حاجة.

و دى من الحاجات اللى بتساعده يعدى مرحلة المراهقة بسلام عشان الرياضة بتعلم الأخلاق الرياضية غير أنها بتشغل وقتهم.

تحديد الأهداف

من أهم مميزات الرياضة أنها بتعلم والطفل أزاى يحط أهداف لمستقبله و يتعلم أزاى يسعى لتحقيقها.
تحديد الأهداف مهارة بتعيش مع الطفل عمره كله، عشان كدا انه يتعلمها و هو صغير هيفيد ابنك.

العمل الجماعي

أكتر حاجة تعلم الطفل يكون جزء من مجموعة هى الرياضة بتعلمه أزاى يستغل مهارته فى العمل الجماعى.

مهارة إدارة الوقت

الطفل بيتعلم أزاى يستغل وقته و ينظم أموره صح يعنى لما ينظم وقته ما بين المذاكرة و مواعيد التدريب دى كمان مهارة بتعيش معه .

التعامل مع الشدائد

أحنا بشر و كلنا بنغلط و بنتعلم من أخطائنا ، بتعلم  الطفل أزاى يقدر يقف مرة تانية على رجله و يتعامل مع مشاكله بمرونة.

الروح الرياضية

كمان بتعلمه التواضع فى الفوز و أزاى يقبل الخسارة و يشجع نفسه عشان يواجه تانى و طبها دورك كأم أنك تركزى على المشاعر الإيجابية دى و تنميها.

الأستمتاع

الرياضة بالنسبة للطفل هى حاجة بيحبها و يخرج طاقته كمان يقابل أصحابه و يستمتع بواقته معهم.
و كمان فرصة للهروب من المذاكرة و الضغط النفسي اللى بتجيبه للأطفال.

الحرية فى الأختيار

سيبى الطفل يختار الرياصة اللى يحبها عشان يستمر لابنك حرية إختيار الرياضة المناسبة له. قد يحتاج لتجربة رياضات كثيرة حتى يقرر ما يناسبه، فساعديه على الاستمتاع بما يختاره!

بلاش الضغط

حلو أنك تشجعى ابنك على ممارسة الرياضة لكن ده مش معناه أنك تفرضى عليه قيود تخنقه .

الرياضة منفذ عشان يتنفس بحرية و يخرج طاقته لكن بلاش تضغطى عليه لحد ما ينفجر لانه كمان ممكن يكره الرياضة .

بلاش تفرضى عليه طموحاتك فى البطولات لو دى مش رغبنه سبيه يحب اللى بيعمله عشان ينجح.

يا ترى طفلك بيحب يلعب أيه؟

عن الكاتب

نهلة شعلان