الصحة النفسية

Dunning Kruger effect- ليه الناس بتنتخب الأغبياء

ترامب

فى 2016 اتعملت دراسة  في جامعة كورنيل اسمها Dunning kruger effect  علشان توضح العلاقة العكسية بين “قلة المعرفة” و “الثقة”.
و ال Dunning Kruger effect  وضحت أن الأشخاص  ذات المعرفة القليلة اللى ممكن نسميهم “اغبياء” ثقتهم فى نفسهم بتبقى عالية جدا لدرجة انهم مبيشوفوش نفسهم اغبياء و محدودين المعرفة!
بمعنى تانى، كأنك بتقول لمريض زهايمر حاول تفتكر حطيت الساعة فين، فا هو هيستغرب ان الساعة ضاعت لانه مش فاكر انه نسي اصلا! فاهم حاجة!


سنة 2009 الامريكان جورنال اكاديمى نشرت مقالة عن دراسة بتوضح  أن كل ما كنت واثق فى نفسك اكتر كل ما قوة شهادتك فى المحكمة زادت!
والدراسة دى بتثبت الاعتقاد الخاطئ اللى عند 90% من الناس وهو أن الواثق فى نفسه ده بيبان انه بيقول كلام صحيح ومثبت علميا، حتى لو سبب ثقته فى نفسه ده هو وضعه الاجتماعي أو وسامته او  كاريزمته! من غير مايكون فى مرجع منطقى سليم للحاجة اللى بيتكلم فيها، على عكس الشخص اللي بيتهته فى الكلام  يبقى بيفتى حتى لو كان واخد جايزة نوبل فى الحاجة اللى بيتكلم فيها!

و ايه علاقة ده بالإنتخابات؟

دى نفس الحكاية اللى بتحصل اثناء العملية الانتخابية، لو المرشح ده ليه حضور، و عنده كاريزما و ذكاء اجتماعى و بيعرف يشد الناس، هيبقى ليه مصداقية أكبر عندهم من المرشح المتوتر المتشكك فى بعض الامور اللى عارف انه مش شرط يبقى عارف كل حاجة فى الحياة و عنده حل لكل مشاكل الدولة!

فالناس بتجرى ورا اللى بيقول حاجات حلوة و واثق من نفسه و باين عليه تقيل، وتسيب التانى علشان شكله كدة هيلبسنا فى الحيط لمجرد انه معندوش نفس الثقة دى! و ده علشان احنا بنحب اللي يحسسنا ان كل حاجة هتبقى زى الفل وتمام حتى لو مافيش اى خطة واضحة للعملية اللى الحاجات الحلوة دى هتتمخض عنها فى الاخر!

وده يخلينا نفهم ليه الناس اللي مش مؤهلة بيتولوا مناصب كبيرة مهمة و الناس المؤهلة هما اللى بيفضلوا تحت محدش عارف عنهم حاجة!

رأيك يهمنى

عن الكاتب

إنجي عادل

"ماذا سيكون العالم، اذا تحدثنا بقوة، لأناسِ تنصت بوعىِ، فى مكانِ مهيأ لهذا الغرض تحديداً".