أهلًا، أنا أحمد الفرماوي.
سنة 2016 -يوم عيد ميلادي بالظبط- إتشخصت بـ اضطراب القلق العام أو الـ Generalized Anxiety Disorder + سوشيال فوبيا + كارسينفوبيا خفيفة.. إنما الحقيقة إني على قد ماتخضيت من التشخيص على قد ما استريحت.. لإني قبلها بكام يوم أنا كنت حرفيًا عايش Panick Attack مُستمرة.. علميًا الـPanic Attacks المفروض مدتها قصيرة.. ثواني أو دقايق. أنا قعدت أحلف للدكتورة إني فضلت كدة يومين كاملين.. أطول يومين في حياتي.