كتير  مننا بتواجهم مشاكل النوم نتيجة ضغوط الحياة و التوتر العصبى أو الأكتئاب و غيرها من المشاكل النفسية الممكن نكون بنعانى منها من غير مانحس و لكن محدش فينا بيفكر أن الأكل ممكن يكون هو السبب الأساسى للمشكلة دى .

و يا سلام بقى لو كنت بتأكل الحاجات دى قبل ما تدخل تنام يبقى أنسى موضوع النوم ده و لو نمت هتصحى فى عز الليل من الأرق و هتصعب عليك النوم تانى .

طب أيه هى الأكلات دى ؟

الشيكولاته

برغم أنها من أكلات السعادة اللى بتحسن المود و تخليك مرتاح نفسيا إلا أنك لو كلتها بليل قبل النوم هتسرق النوم من عينك لأنها فيها نسبة كافيين و سكر تخليك متعرفش تنام .

القهوة و المشروبات الغازية

و دى برده كلها كافيين و كل ده بيصحى دماغنا بدل ما يساعدها تهدى و تدخل فى نوم عميق … و دى ممكن نستبدلها بالشاى الأخضر أو شاى بالفواكه أو حتى مشروب رايب أو زبادى فواكه هتبقى أريح للمعدة و كمان مش هتسرق النوم منا.

اكلات مسكرة

السكر ممكن يدخل جسمنا بشكلين .

الجلوكوز : وده هنلاقية فى الأكلات ذى الأرز و المكرونة و البطاطس من الأخر النشويات اللى بتتحول فى جسمنا لسكر .

الفركتوز : و ده موجود فى العسل و الفواكه بأنواعها .
و كل ده جيد و بيدى طاقة بس مش قبل النوم لأنه هيجبلك أرق فالأحسن بكون أكلها قبل النوم بساعتين على الأقل .

الشطة و الأكل الحار

دي بقى أكلة متخليش معدتك مرتاحة و طبعا لو عند مشكلة مع القولون و حموضة متنيمكش طول الليل و لو نمت حتصى تعبان كأنك منمتش من كتر وجع بطنك .

الدهون و الأكل المسبك

الأكل المسبك أو الـJank food طعمه بيكون لذيذ فى وقته بس بعد كا بتندم لأنك لما تحاول تنام مش هتقدر لأنه صعب الهضم و مليان بالدهون و الدسم … كمان بيكون هضمه صعب جدا ….و طبعا النوم صعب جدا.

و طبعا لو أتبعنا شوية عادات صحية بسيطة هتساعدنا نهرب من إضطربات النوم و الأرق يعنى مثلا :

* زي اننا ناكل وجبة خفيفة متتعبش المعدة فى هضمها وتساعدنا علي النوم
* هدي الجو حولك نور هادى … نبعد الموبايل أو التلفزيون و لاب عن مككان النوم.

كل ده هيساعدنا ننام نوم متواصل و هادى و لو كنت لسا حاسس بأرق الأفضل تستعين بمساعدة طبيب لأن الأرق و قلة النوم بيأثر على رؤيتنا و أحسسنا بالأشياء .

و نتمنى لكم نوم هادئ متواصل إن شاء الله 🙂 .